屯元天巴士討論

原帖由 WR309 於 2011-9-13 20:02 發表


師兄，等我 show 埋第三種白色轉車票先~~
即使係 521 一條線，也最少有六種不同的轉車票。

記得以前在市中心巴士站的站牌果處仲有寫到明
「指定輕鐵/巴士轉車站」~~

指定轉車站：三聖總站/市中心
派發車站：大欖 > 三聖 ...

嘩~~~師兄，我係白色果張款冇，其餘都有~~~你唔講我都冇醒起同一條線有六種轉車票之多~~~

我知市中心既站牌係有寫，不過冇仔細留意~~~

呢個站牌唔陌生，反而想睇下有冇師兄有第一代既站牌，特別係總站果款，因為有貼頭尾班車及班次(不過D字好細)，我係流浮山、元朗東、青山灣見過~~~]

鐵巴M仔~~~相中位置，就係我經常「打躉」既地方，因為睇到司機揸車，又聽到打燈果D「咇咇」聲~~~~不過相中既景物真係已經面目全非，路又冇左起緊樓，M仔已經退役~~~

[ 本帖最後由 sbleon2002 於 2011-9-13 23:50 編輯 ]

原帖由 WR309 於 2011-9-13 20:19 發表
另外，講起特別到唔特別的路線，仲有一條要數既就係 52s (黃金海岸 > 荃灣地鐵站)，
只開過一次咁大把。當年屯門黃金海岸第一次搞跨年煙花匯演，果陣未有西鐵，結果
搞到一團糟。以下就是 1997 年 1 月 2 日生果日報的剪報，記錄 ...

當年呢鑊煙花匯演，真係攪到一鑊泡，我記得我D親戚講，佢地住屯門新墟，諗住都近a，於曷睇完煙花搭車返出屯門，都OK 吖。點知人又多，車又冇，嘩~~~~最後沿青公行番出屯門~~~~
所以09年果次煙火匯演，真係濕碎鳥~~~

屯門公路塞車，對於大西北既人，真係感受良多。我記得試過坐68X返元朗，當時仲係用ME行屯公，坐係上層見到D人，一係就紮哂馬望住車頭，一係就訓覺；但一dup brake，個個即刻眼光光望車頭，因為驚唔知係咪有野攪到塞車~~~~

而家眞條屯門/元朗/天水圍真係變左好多。
一來有西鐵又有三號幹線(郊野公園段)
我最記得係 52M / 63M

原帖由 sbleon2002 於 2011-9-13 23:47 發表


嘩~~~師兄，我係白色果張款冇，其餘都有~~~你唔講我都冇醒起同一條線有六種轉車票之多~~~

我知市中心既站牌係有寫，不過冇仔細留意~~~

呢個站牌唔陌生，反而想睇下有冇師兄有第一代既站牌，特別係總站果款，因為有貼頭尾班車 ...

第一張圖：
師兄所講的第一代站牌，我不肯定你是否指呢一種
(取自新屯門中心賣樓廣告，原上載者為 vcrbase)

第二、三、四張圖：
見大家講得開心，貼多三張 1996 年的「九巴路線縱橫」
屯門、元朗及天水圍區的路線資料給大家看。雖然未講到
八十年代果時，但這些記錄了大欖隧道通車前和天水圍區
最初發展的路線網。

因家中沒有 scanner，只是相機代替。
查過本站站規，最大可以貼 1600x1200 的圖片，各位站友如
不清楚請自行下載再查閱內容。

當年屯門公路塞車，最有印象的是 69x，由天水圍開出，
加完新建的元朗公路之後，轉入鳳地，再去埋屯興路先落
屯門公路，然後經過長長的公路一直出到紅磡車站。可說
是當年的超長路線之一... (派車既好似係綠柱熱龍?)

另外，當年的嘉湖山莊線 902R(?) 跟 276 有得鬥。九記行單層車，
城記就行雙層利蘭，貴得黎又舒服。

第五張圖：
最後呢，更找到輕鐵快訊在 2000 年的其中一頁，講述
元朗區當年大水浸，輕鐵及巴士在元朗大馬路都要「澗水過」，
情況有如當年彌敦道未改善雨水渠的時候一樣，這些片段相信
不少站友都記得。

[ 本帖最後由 WR309 於 2011-9-14 21:00 編輯 ]

原帖由 N672D 於 2011-9-14 12:13 發表
而家眞條屯門/元朗/天水圍真係變左好多。
一來有西鐵又有三號幹線(郊野公園段)
我最記得係 52M / 63M

講起 52M，曾幾何時日間中段不夠客，要 67M 做埋置樂 - 小欖一段，
後尾 52M/67M 再轉返各有各做。

記得果個年代在葵芳地鐵站的總站，初初 52M 應該有自己的車坑，後尾
跟 67M 共用同一條坑 (即是現 67M 車坑位置)，西鐵通車重組後才改回
67M 自己用一條坑。果陣 52M/67M 開車仲要夾時間，夾唔到就是但一條
要出外面上客。

最風光的年代，52M 應該做到 8 分鐘一班；67M 在西鐵通車前好似有
4 分鐘一班，更要開富泰半空車 (確實班次唔太記得)。

至於 63M，未全冷果陣有 ME，由屯門市中心坐到元朗都不錯。
但全冷和改行汀九橋之初做到 14-20 分鐘，再 cut 到 23 分鐘的班次，
好多時都夾好時間先敢去搭...

話說回來，現在小弟只係半個屯門人了，大時大節先返入去住...

出世開始已經住屯門，最記得細個住市中心無論過海/去觀塘甚至去荔景果邊都搭60X的吉蘭出去轉車轉船，後尾屋企人醒左，開始識坐58X/68X/屯門中環船。果時唔識貨，好憎ME，覺得佢地好嘈，果時d hovercraft已經開始唔多掂，次次坐親都拋到嘔電，於是次次出外面就"lur"坐60X。至於出葵涌，就坐67M，果時好鍾意Ｄ吉都，覺得佢地的Engine聲同水箱風扇聲令人好舒服，後來69M開左就轉坐69M。果時的荔景南總站全部係屯門線的雞車，後來69M轉用吉蘭，大約差唔多時候，60X亦開始有白色座位的老虎蘭。

係60X換車之前，屋企樓下多左去紅磡尖咀的69X，自此之後去尖咀就唔再坐60X，初期只記得有BL1/2/3?，不過次次都搭唔到，甚至走車尾，後期有綠色和平廣告的開龍。

鐵巴都係近呢幾年先坐多左，最記得西鐵路線重組之前儲轉車票，入手到505/506/521P/659的轉車票

原帖由 WR309 於 2011-9-14 21:21 發表


講起 52M，曾幾何時日間中段不夠客，要 67M 做埋置樂 - 小欖一段，
後尾 52M/67M 再轉返各有各做。

記得果個年代在葵芳地鐵站的總站，初初 52M 應該有自己的車坑，後尾
跟 67M 共用同一條坑 (即是現 67M 車坑位置)，西鐵通車 ...

52M仲係華都花園開繁忙時間班次係6/7分鐘一班。

我也小貼一張，是2003年尾的，也就是西鐵通車之後，特地去天去圍走轉

再過一排，轉車票就成歷史.....之前住屯門甚少有轉車票，有的都不知掉到那兒

以前座最多真係A59，果批都城真係原裝都爆，造功好過老九自己裝果D，雜音少好多

原帖由 WR309 於 2011-9-14 20:54 發表


第一張圖：
師兄所講的第一代站牌，我不肯定你是否指呢一種
(取自新屯門中心賣樓廣告，原上載者為 vcrbase)

第二、三、四張圖：
見大家講得開心，貼多三張 1996 年的「九巴路線縱橫」
屯門、元朗及天水圍區的路線資料給大家 ...

係，就係呢款站牌，我好似係出面既書見過有D相係影到呢個站牌~~~
69X係比較深印象，因為得佢一條九記長途線係行哂元朗公路及屯公~~~

276同902R，我有時都會比貴少少，搭902R~~~但係好似聽過城記D司機，係新田公路踩得好快~~~~

果時水浸，印象中好似試過幾次都係咁~~~~第一次水浸，攪到輕鐵元朗段暫停服務~~~

我嘅記憶係安定巴士總站等過巴士，
當時好多時搭60出去長沙灣轉地鐵出旺角。
以前60最風光時代，於長沙灣長義街街邊總站有成百幾人排隊上雞車。
當時班次好似都有5/6分鐘一班。
仲記得當時60號行青山公路去到深井過隧道上屯門公路，
自從52延長去長沙灣後，一直都好懷緬深井嗰條隧道。
因為無機會再經過。
（即係深井交匯處上屯門公路下面條匣道）

以前都成日搭62, 63，
63就記得有段時間坐牛牛係新墟街市去青山公路，
係消防宿舍側邊迴旋處衝落屯門公路去藍地，因為覺得條路幾斜下。
而元朗廣場當時仲係巴士廠，見到巴士廠就識落車轉76去上水。
62就記得通常去新墟就會坐，又係坐牛牛同亞比安。
最深刻就係有次坐62要捐入新發邨近河傍街嗰座個窿，（好似以前何文田邨巴士總站咁）
然後入到去近廁所有個62巴士站，（新發邨公屋無獨立廁所）再出返黎。

坐過60用牛牛同埋66用珍寶，因為未試過坐呢兩種野行屯門公路。所以好深刻印象。

到後來八十年代中，見到59有M仔，覺得好正，好想坐，但係又未坐過。

九十年代頭開始見到黃底紅字嘅站牌，好興奮，想坐下佢地，成日覺得260B好神秘，
後來先知道早晨特快線，但收成$11.00出尖沙咀，好貴，到九巴推出九巴夏日大抽奬，
為左儲九巴嘅野，用左$11.00，係安定坐到去兆麟。

九四年第一年開60P，首日四架新老虎行60P，我好似首航日坐第二班車，唔記得邊架老虎，
46分鐘上到上水，又係難忘經歷。

九七年屯門公路塌石事件，速成我鍾意遠足，有幾次出荃灣，行路出去3個鐘，
但當時無一架巴士快得過我。