施政報告:長者殘疾人$2優惠

原帖由 kei_hk 於 2011-10-13 11:13 發表

這班人﹐請緊記今天你的的想法﹐幾十年之後的後生仔﹐便會這樣對待你了。
幾十年後的你﹐日後唔好出街啦﹐阻住好多人架。



生老病死﹐係絕大部入都要面對的﹐「老」是人生一個重要階段﹐今天你不敬重老人家﹐他朝一日﹐後生的一輩都不會敬重你。唔想他朝一日出街被人話阻街﹐坐車無位坐....... 今天你便應該緊記今天你對老人定的心態係點。

請問呢兩句說話有冇證據支持？定係人講你又講？
今日點對老人家，點解會代表將來後生點對返自己？中間有甚麼關係？
係唔係老人家來生變返做後生仔而自己老之後就由佢地對返自己？好似復仇咁？

有一些父母對小朋友唔好，咁個小朋友係咪前世對個仔女唔好？
又有一些小朋友做壞事及對父母唔好，係唔係代表將來佢地既子女一定對返佢地唔好？

[ 本帖最後由 kd7941 於 2011-10-13 13:00 編輯 ]

原帖由 HY1677 於 2011-10-12 18:58 發表

其實好多長者都只係搭區內線
好多區內線半價仲低過$2
就算做左呢個措施,對好多呢D長者都無乜幫助

真正要做野既,就將一D半價低過$2既路線,將長者收費劃一為$1
而71B呢個特殊例子就唔知點做好(71B半價係$0.9......): ...

理論上係,
但實質好多都唔係

更加麻煩既一點,
係有d長者以為咩日子咩巴士都係收$2

反而成人車費低於$4既線引起既問題,
其實係小問題,
因為大家都知道半價都已經係$2或以下

原帖由 kei_hk 於 2011-10-13 12:00 發表


我無講他們(老人家)一定是對的﹐但最少我們不應有一個心態﹐便是老人家阻頭阻勢。

即係上落車手腳慢﹐我們不應存有不滿。不應該有老人優惠﹐因為多了老人家坐車而有不滿。


好老實講﹐如果我是坐巴士下層﹐看到有需要的人﹐我 ...

咁又好老實講,
即使我地唔應該對佢地上落車動作慢而抱有不滿,
但實際上有時佢地與其他乘客發生磨擦亦係存在,
唔係話佢地阻頭阻勢,
而係有d人真係持老賣老

當然我唔否認唔少長者係相當客氣,
有d更加比年青一輩仲要好,
但係的確,
呢d政策有需要平衡

原帖由 hkbw 於 2011-10-13 09:23 發表


我最估唔到既係, 咁樣既論調竟然由一位有出書, 資深既巴士迷所講....



言則閣下都應該反對雙向分段, 因為會增加行車時間~
那唔怪得之巴士司機駕車稍慢就要俾人話, 因為增加行車時間的罪名原來被看到那麼大~ ...

其實巴士公司既人
十個有九個都怕多老人家上車
一來怕影響行車時間(呢個係事實 影響行車時間都影響前線員工休息時間)
二來怕危險(大家都知出左事 司機點都上左身先)
呢樣野 只要你入過去做都知
佢地怕 都係正常

不過又咁睇 長者出街都要洗錢
佢地都未必咁多閒錢日日周圍去
依家方便佢地唔洗等紅日先出去
可能會更分散個影響
我諗深一層 呢個優惠 可能對行車未必太大影響既

如果是殘疾人的話

是否要取殘疾證先可以有呢個優惠。

原帖由 hkbw 於 2011-10-13 09:23 發表


我最估唔到既係, 咁樣既論調竟然由一位有出書, 資深既巴士迷所講....



言則閣下都應該反對雙向分段, 因為會增加行車時間~
那唔怪得之巴士司機駕車稍慢就要俾人話, 因為增加行車時間的罪名原來被看到那麼大~ ...

雙向分段跟本不切實際，因為香港不是網狀結構

很多有一定長到的地區性路線，你要做短，你就得失長途

你能不能想像，總站後幾個站爆，中間無得上，上公路前卻下了一大堆人，部車就半空，這正正是最浪費的情況

有人提出用25折
我覺得好過$2任搭
對巴士公司來講
政府埋單當然無所謂
多D老人家旺角上68X 長沙灣落仲好添
要政府俾多$4.5($13/2-$2)
但明明政府俾多$0.3就得(6號半價$2.3)
某程度都係浪費公帤

原帖由 siupy 於 2011-10-13 14:30 發表
有人提出用25折
我覺得好過$2任搭
對巴士公司來講
政府埋單當然無所謂
多D老人家旺角上68X 長沙灣落仲好添
要政府俾多$4.5($13/2-$2)
但明明政府俾多$0.3就得(6號半價$2.3)
某程度都係浪費公帤 ...

唔會唔有人出古惑
組耆英團搭307由中環去灣仔
再搭968由灣仔去中環

原帖由 Eddie 於 2011-10-13 03:31 PM 發表


唔會唔有人出古惑
組耆英團搭307由中環去灣仔
再搭968由灣仔去中環

根本任何優惠﹐都會有漏洞﹐今次大家關心的只是因為政府出錢﹐變相大家集體支付。

問題係﹐是不是真係有這麼多人會坐長途車但短程下車?
此階段係唔會有實質數據的﹐係連巴士公司本身都無相關數據的﹐原因係現時假$2 都係無統計有多少人這樣做。

現在有人想到可能坐短程貴車﹐但唔知有幾多人。又有沒有需要去想方法去應對此問題? 而解決方法又會唔會成本仲貴過倒塞漏洞? 實際運作上又是否做到?
暫時真係不用想這些問題。

岩岩先話開始討論,譚議員仲要話要上立法會傾,
呢個政策分分鐘又要一年半載先叫有眉目...