九巴300線取消原因

到過唔同網站見到有300呢條線，而且客路好似唔錯
點解最終會取消?
同301通車有關?

係運輸署指令九巴取消

原因係西九龍公路同東涌線先後通車, 令來往新界西同港島o既交通大大改善, 連帶荃灣線o既壓力都減低左, 所以功成身退

其實取消前300 客量如何?

另一個「被取消」既原因係運吉話想減少繁忙地區既巴士數量

3字頭過海線於90年代初由運輸處指令兩巴開辦，本身係為疏導已飽和嘅地鐵荃灣線而設，特式係行車路線直接同埋使用冷氣巴士，喺速度同埋舒適度方面拉近鐵路差距。

其中301同312係為吸引九廣鐵路乘客而設，希望新界乘客直接坐到紅磡轉車，減少九龍塘站同荃灣線過海段壓力。300則主要服務由旺角或太子一帶轉乘地鐵嘅巴士客，希望佢地採用巴士而減輕地鐵負荷。

300開線初期，繁忙時間彌敦道南行沿線路口嘅交通燈都經過調校，減少巴士停燈時間。為吸引乘客，呢三條線收費都比同類隧道巴士嘅冷氣車費平5毫(300只限早上繁忙時間有優惠)。

東涌線通車之後，由於荃灣線擠迫情況已大為改善，因此運輸處指令九巴取消300。之前，運輸處亦曾因西隧通車而指令九巴取消「過海穿梭快線」100號。

至於 312 則因為客量遍低，只維持了很短時間，在 300 取消前已經停辦，而其他同系路線有 302、303 (現改為681P)、305、307 (現改為全日)、334(現時 934)、337 (新巴取代中巴後取消)、348(現時 948)、368 (968 前身，當時為九巴獨營，早繁只開一班經粉嶺公路、吐露港公路、大隧、觀塘繞道、東隧及東廊往上環)、369 (同樣是 969 前身，當時為九巴獨營，早繁只開一班經粉嶺公路、吐露港公路、大隧、觀塘繞道、東隧及東廊往上環)及 373，則存在至今。

原帖由 PC2625 於 2011-10-16 21:38 發表
至於 312 則因為客量遍低，只維持了很短時間，在 300 取消前已經停辦，而其他同系路線有 302、303 (現改為681P)、305、307 (現改為全日)、334(現時 934)、337 (新巴取代中巴後取消)、348(現時 948)、368 (968 前身，當時為九 ...

仲有336存在至今
而373曾經有分支373P，後來取消得番373同373A

原帖由 PB602 於 2011-10-16 19:16 發表
3字頭過海線於90年代初由運輸處指令兩巴開辦，本身係為疏導已飽和嘅地鐵荃灣線而設，特式係行車路線直接同埋使用冷氣巴士，喺速度同埋舒適度方面拉近鐵路差距。

其中301同312係為吸引九廣鐵路乘客而設，希望新界乘客直接坐 ...

300取消還有一個原因,就是因為東涌線通車後客量大減,連早繁都坐唔滿,其他時間客量更加係陰公,仲要開3-8分鐘一班,基本上開一班蝕一班.
我試過係300最尾那兩年搭,成個單都冇十個客.