話時話,九巴引入ME後,為何無再引入平冶產品???

原帖由 DT716@71A 於 2011-11-22 04:19 PM 發表
真正修例係93,94 年，令短蘭、短龍要改到三擔　原本短龍係有考慮設計成兩擔
另外　改乘客上限　以雞、鴨情況尤為顯著　大概減左十幾個企位　修例無追溯使用中的車款　但變相續牌有壓力
而主力買11 米車同時又唔再同ben ...

修改法例﹐只不過改每位乘客的計算重量﹐所以已出牌的車﹐只是載少一些人﹐便可符合法例要求。
因此﹐巴士公司便cut 企位﹐以符合法律要求﹐車便可以繼續使用。
好似曾經看過資料﹐中巴好似有車除了減企位外﹐更要cut 上層坐位﹐才可符合法例要求﹐車才可繼續用。

上文提及城巴c101﹐我唔清楚可載客的總人數。但好肯定的﹐2軸巴士只要淨車重﹐再加可載客人數﹐唔可以超出16噸(或以當時法律的上限)﹐加上通過其他安全要求﹐車便可出牌。
而載客人數﹐便是成部車會否超重的關鍵﹐巴士公司一定係先cut企位﹐因為唔駛改車上座位﹐只要cut完企位可過到重量一關便可。
當cut 企位都符合唔到﹐巴士公司又要用車的﹐才會處理坐位安排﹐按相差的重量計算﹐抽走相應的坐位數目。


所以﹐九巴要求新車要3軸車﹐唔再買2軸車﹐絕對係為乎合法例的需要﹐並不是為難車廠本身。


一些經典場面﹐係雞車最後係5位(我兒時係有7位﹐有人講再早期係1x位)﹐bl1-3最後係3個企位﹐而3n 的總載客量係少過水塘s3n。
中巴的dd1 法定係 0 企位(不設企位)﹐而車身廣告係宣傳交通安全的。

但係﹐邊會有人去捉巴士超載。
bl1-3 可以講係西貢區的常客﹐每個周日都係滿載郊遊人事﹐3n 每天都在市區勞動﹐而dd1每個早上都在紅隧打仗。
大家自己講有無可能這些車係無超載?

[ 本帖最後由 kei_hk 於 2011-11-22 17:00 編輯 ]

原帖由 kei_hk 於 2011-11-22 16:50 發表


修改法例﹐只不過改每位乘客的計算重量﹐所以已出牌的車﹐只是載少一些人﹐便可符合法例要求。
因此﹐巴士公司便cut 企位﹐以符合法律要求﹐車便可以繼續使用。
好似曾經看過資料﹐中巴好似有車除了減企位外﹐更要cut 上層坐位﹐才可符 ...

我淨係聽過中記雞拆頭尾泵把來減重…

反而聽過九記黑金剛要減哂上下層位, 不過二原因就係第二個了。

雞係由14, 16 個企位改到5, 7 個　亦睇型號　我記得出過專書

至於由睇超載到執法（公共巴士服務條例，香港法例第230章）呢　不嬲巴士公司都係受保護動物
超載一般係以勸喻為主　以banner 廣告做宣傳
如果警方真係執法　實在太擾民　執法形式係數人頭　過海車實爆架啦　無線新聞曾經做過一個跟進報導　當時係3AV 「開罐頭」　
巴士公司仲有好多方面受保護　例如　出車問題　都可以執行230章12條或18條連22條開罰　但係　老實講　暫時係中巴俾政府鍘過一次：95年中秋夜
而且已經係修例後近20年嘅事

當然　有時亦要睇車型　水塘車的確有空間谷人上
但雞鴨樓底咁矮　1.75 米　又欠空間企　自然空間上大家都唔願上

追溯呢個問題　要更正翻：改載客人數已經係一個重要手段　但從中睇到嘅係　唔係有無人管嘅問題　而係從運輸科系統出手　先同專營公司溝通、講左先　執法、開罰係最後一步先至做
改人數、按條例賦予運輸署方權力要求公司改變　係一種事先執法手段

[ 本帖最後由 DT716@71A 於 2011-11-22 21:28 編輯 ]

在大眾利益去看﹐現今真係唔會去捉超載。
原因係執法麻煩﹐要慢慢數人才可知有無超載﹐太過花時間﹐影響百多人的時間。
其二﹐政府基本上信得過巴士公司的維修水平﹐車唔會因維修問題而出事﹐所以可以寬鬆些少。
其三﹐政府都知如果真係去捉超載﹐好多時真係起民怨﹐因為班次都滿足唔到需求。

總之一句﹐唔出意外唔爆鑊的﹐咪one eye open, one eye close囉。


巴士公司係要跟法例要求去做﹐政府也不能有法不依。既然因應香港人均體重增加﹐修改條件計算乘客的計算方法﹐巴士公司及政府都要做野﹐便是CUT載客數目﹐令到行車証上面可載客人數﹐在滿載的情況下都唔會超出法所定下的總重量。

你估大家雙方知唔知只CUT企位﹐唔CUT坐位﹐在實際營運根本無分別?
總之﹐告唔告的權在政府﹐係超載的都可以唔去執法。但係巴士公司行衰運而出事﹐政府又要交代做野﹐又可以按例執法。

[ 本帖最後由 kei_hk 於 2011-11-22 21:35 編輯 ]

不過睇公司內部管理　管理唔可以靠運氣
無論係做你幾毫到幾蚊生意嘅巴士公司
抑或係飛上天　以前可以係做成一兩個月人工嘅生意：航空公司

我最記得我人生唯一一次有警察捉巴士超載係當年坐Dart 行A35, 痴玻璃行完東涌道去到嶼南就有Road Block , 警察上車數人, 結果數到同部車o既上限一模一樣, 無奈放人

係嶼南唔係講玩　最後企都唔企

不過上面我地講到減人頭就磅數　數左DD1 都未係最經典
MB 大白鯊要「開刀」減胃口先至係最經典

原帖由 HB00610 於 2011-11-22 17:33 發表


我淨係聽過中記雞拆頭尾泵把來減重…

反而聽過九記黑金剛要減哂上下層位, 不過二原因就係第二個了。

黑金剛係因為換座椅架先至減座位, 因為原裝座位太窄了.

印象中係得雞車有減企位, 新車時已經得16個, 比亞記N車的18個少, 但N車好似一直都維持住18個企位.

[ 本帖最後由 牛奶仔 於 2011-11-23 01:33 編輯 ]

原帖由 kei_hk 於 2011-11-22 16:50 發表


bl1-3 可以講係西貢區的常客﹐每個周日都係滿載郊遊人事﹐3n 每天都在市區勞動﹐而dd1每個早上都在紅隧打仗。
大家自己講有無可能這些車係無超載?

BL3一直無去過九廠同行西貢線喎.

原帖由 goodchoi_968 於 2011-11-20 21:32 發表


為何O405本身嘅車身設計都唔啱市區用呀???

話時話，錦為何O405本身嘅車身設計都唔啱市區用呀???都應該唔關入唔入平冶事係咪呀???