(新聞)港鐵三線月底起將加密繁忙時間班次

原帖由 mmlcs36 於 2012-3-13 23:07 發表

我唔支持區間車在彩虹折返唔等於我唔支持彩虹始發的班次bor...

你唔好將兩樣野混為一談先好

師兄，其實大家都知道觀塘線不同位置不同時間各有需求。
個人認為冇話自唔自私既，唔討論大家點會清楚個 full picture 呢~

我起初帶出「十個茶煲七個蓋」呢個問題，只希望拋磚引玉，
令大家一同討論有冇更加多既改善空間。

有一個方案大家諗諗：

現時觀塘線在 3 月底調整時間表後，早繁應該係行 29 抽車，
當然日後情況不清楚。

如果 0720 - 0835 由彩虹始發列車，當佢在車源許可或再
調整現時繁時出車 pattern，每 15 分鐘開一班出廠列車。

假設現時彩虹落油麻地約 16 分鐘 (俾盡佢 18 分鐘)；再行走
全程東行約 29 分鐘 (俾盡 31 分鐘)。加車的班次如下：

(1) 0720 (CHH) > 0738 (YMT) > 0809 (TIK)
(2) 0735 (CHH) > 0753 (YMT) > 0824 (TIK)
(3) 0750 (CHH) > 0808 (YMT) > 0849 (TIK)
(4) 0805 (CHH) > 0823 (YMT) > 0904 (TIK)
(5) 0820 (CHH) > 0838 (YMT) > 0919 (TIK)
(6) 0835 (CHH) > 0853 (YMT) > 0934 (TIK)

咁樣會否有效滿足 #33 站友回應所講既現時乘客需求呢？

又，日後在起動九龍東、加上沙紅線通車之後，乘車模式可能會
有改變。長遠計亦有可能要加開不同區間車去疏導乘客都未定。

(以上可行性只以行外人身份去討論，如各位師兄有更好諗頭不妨分享)

原帖由 dippy 於 2012-3-14 09:35 發表
黃埔同寶琳設計一樣
係兩個月台但只開一個
另一個喺下層
所以繁時其實係一半車入下層
上層就另一半
為免混亂先分開黃埔同何文田而唔開埋下層
(當然可以話係龜公司錢作怪) ...

看回立法會及區議會文件，日後會觀塘線會玩「何文田至調景嶺」
及「黃埔至調景嶺」之兩種服務，正線聯合班次為 2 分鐘 (實際
應該是 128 秒一班)、黃埔站做 4 分鐘 (實際做 256 秒一班)。
翻查部份資料，呢個應該唔係設計極限班次 (即 105 秒一班)。

想問一問，有邊份文件曾經指黃埔站月台層會有上下層位置？

因為一直睇立法會及區議會文件都係講黃埔站為單層側式月台，
HyD 既建築資料都係寫一條掉車隧道、一個車站、一條越位隧道等。

原帖由 DIH 於 2012-3-14 01:58 PM 發表

非繁時真係一個月台都夠用，繁時黃埔又唔係話一定要兩班車先夠載，索性用單月台慳返燈油火蠟。
就算而家觀塘綫總站在彌敦道上的油麻地，都唔係太多人搭到盡。 ...

其實﹐最怕係繁忙時間何文田站要清客﹐所花的時間會「頂」到下一班黃埔車﹐令到後車有所延誤。

又或者出現東涌線的情況﹐東涌車及青衣車並不是平均相隔﹐東涌車之後的青衣車係會時間近些少的﹐而青衣車之後的東涌車係會距離遠些少的。
此舉﹐會影響到東涌車會食多些客的。這不單只是因為路線長﹐而係乘客候車時間﹐會接多一班荃灣線轉車客。

原帖由 WR309 於 2012-3-14 19:34 發表


現時觀塘線在 3 月底調整時間表後，早繁應該係行 29 抽車，
當然日後情況不清楚。

新聞稿並無提及觀塘線早繁會加密班次。

原帖由 yuetming 於 2012-3-14 23:36 發表


新聞稿並無提及觀塘線早繁會加密班次。

會唔會又係先試水溫？之前荃灣線都搵一日早繁及一日晚繁試谷34抽車做測試。
點都係試過個時間表無問題先至正式宣佈啦

原帖由 yuetming 於 2012-3-14 11:36 PM 發表


新聞稿並無提及觀塘線早繁會加密班次。

上星期獅隧出事的一天﹐已經好快手話按情況加班﹐提早及延長繁忙時間﹐2分鐘一班車

實情真係車係密左﹐來到今天都係﹐等車時間真係短左。

而家係唔係借機做2分一班車的實際運行測試﹐不得而知了。

原帖由 WR309 於 2012-3-14 19:34 發表


師兄，其實大家都知道觀塘線不同位置不同時間各有需求。
個人認為冇話自唔自私既，唔討論大家點會清楚個 full picture 呢~

我起初帶出「十個茶煲七個蓋」呢個問題，只希望拋磚引玉，
令大家一同討論有冇更加多既改善空間 ...

所以，短期最好就係善用資源靈活調動班次。

長遠計（20年或以後），觀塘綫這條走廊係有需要擴容。
我以及其他站友之前都不止一次提過東西九龍線的建議，
目的就係想　觀塘到發　及　北九龍流水客　分開處理。
據我所知政府都有相關的研究，但十劃未有一撇。
亦可以預見，沙中線通車後，觀塘綫的負擔不會減輕，甚至有增無減。

以早繁計，沙中線全線通車後，可以預期的觀塘綫客量變化：

客量減少
九龍塘＞旺角（部分人在九龍塘轉乘或繼續搭南北綫過海）
九龍塘＞鑽石山（部分人經馬鐵到鑽石山才轉車往觀塘）

客量增加
觀塘＞鑽石山（九龍東往土瓜灣，在繁時前期出現）
鑽石山＞觀塘（城河東及土瓜灣往九龍東，在繁時後期出現）

原有的高峰，即繁時前期九龍東＞九龍西，及繁時後期九龍西＞九龍東，仍然存在。

起動九龍東會令觀塘道各站人流進一步上升，整體上觀塘綫的客量仍是會增加。

然而，即使已知的所有鐵路線落成，觀塘道沿線都只得一條線，
而且係整個地鐵網絡內兩個轉綫站之間最多站數（油塘－鑽石山，中間五個站）。
現時油塘－九龍塘中間有八個站，亦已經係地鐵系統單綫孭飛之冠。

功能相似的中西區＋灣仔共有4綫11站*，油尖旺區有5綫11站*，
觀塘區只有2綫5站，其中那條將軍澳綫的存在本身就令到觀塘綫更多人。
*我以能否將乘客分流來計站數，因此中環/香港及尖沙咀/尖東各當兩個站；不計機場快綫。

[ 本帖最後由 DIH 於 2012-3-15 14:21 編輯 ]

沙中線第一期完成後(未可過海)﹐鑽石山可轉乘沙中線去何文田及紅磡。

介時﹐可分流部份鑽石山去油麻地段的乘客﹐以至荃灣線旺角/油麻地至尖沙咀一段的乘客。
當然﹐都要好視乎沙中線由鑽石山去紅磡的行車時間﹐以及可供載客空間而定。

假如成功分散乘客﹐鑽石山至黃埔(介時應該已通車)便會多出空間去處理新增的客源。

當沙中線2期完成﹐可直接過海後﹐九龍塘的轉車客會大減﹐會大大減輕觀塘線的壓力。

不過﹐金鐘站便會精彩了
這個超級轉車站﹐輪到港島線唔知點去處理大量乘客﹐點去分流大排的乘客。

原帖由 kei_hk 於 2012-3-15 02:31 PM 發表
不過﹐金鐘站便會精彩了
這個超級轉車站﹐輪到港島線唔知點去處理大量乘客﹐點去分流大排的乘客 ...

希望東涌線延長到北角 早日落實啦

原帖由 kei_hk 於 2012-3-13 10:07 發表
最後﹐再加訂了4抽車﹐可以用於港島線延長部份﹐所需增加用車之上。  

港鐵去年7月已加訂了7抽C-train供西港島線之用，剛公佈的4抽新車似乎是為觀塘線延線所增購。