[鬥悲情]北區悲情過天水圍好多

我無咁多point , 但有另一個viewpoint
有幾個舊相識 (七八十後) 都在呢十年間不約而同元朗區置業 / 租樓住, 而放棄價格相若的大埔區及北區
詳細的原因我不知, 但無非都係話西鐵快, 巴士多...
當然也有住大埔北區的, 但都係早於八九十年代置業的, 又或是工作地點固定在新界東的公務員
住公屋/居屋的不計

近廿年的基建政策偏重新界西及北是有目共睹,
而科技進步, 比較不同時代的基建規模客觀上當然是後起有者著數

而尖東歸西更令人摸不清
常理上東鐵接尖沙咀站 / 西鐵接美孚南昌, 是最有效最平衡的運輸方案, 既不像現今浪費尖東站月台長度, 又能取消東鐵紅磡站以北的急彎渡線以穩定班次.
樓主以前post過一段youtube係官方曾有計劃東/西鐵皆以柯士甸為總站
假如他日東鐵過海至中環, 那麼, 到時才把西鐵延長至紅磡/烏溪沙都未遲. 而柯士甸站前東鐵月台可變成短程班次的終站(第一城<->柯士甸)

[ 本帖最後由 barking 於 2012-4-11 00:51 編輯 ]

原帖由 barking 於 2012-4-11 00:49 發表
我無咁多point , 但有另一個viewpoint
有幾個舊相識 (七八十後) 都在呢十年間不約而同元朗區置業 / 租樓住, 而放棄價格相若的大埔區及北區
詳細的原因我不知, 但無非都係話西鐵快, 巴士多...
當然也有住大埔北區的,  ...

其實有左西鐵, 尤其伸延到紅磡後, 大西北的確吸引左好多,
yoho town, 瓏門等近西鐵站的新物業, 亦升價十倍, 某程度
上價格反映左個反應

(如果起左新鐵路, 都吸引唔到人地入去住, 反而先有d問題,
唔通起左新野, 服務仲差過以前咩...)

新界西發展當然多, 但睇返, 其實新界東的基建近年其實也唔少的,
馬鐵, 落馬洲支線, 青沙公路, 將來的沙中線, 甚至另鐵路版討論
緊的高鐵, 都係為舒緩緊東鐵...

而尖東站問題, 我唔單一睇有關事件, 我睇是東鐵能夠係紅磡接駁
到西鐵, 本身對2條鐵路乘客也是好事, 而其轉車安排亦是相對上
合理

講今日方案浪費尖東站月台長度, 其實如果柯士甸方案, 日後亦會
係柯士甸站浪費月台長度.....甚至整個月台....(短程班次的終站
都唔駛用2個月台, TOTAL 4月台係柯士甸吧)

當然, 日後東西線同南北線, 加埋北環線等, 東西就更緊密連接,
成為整合的網絡

原帖由 barking 於 2012-4-11 00:49 發表
我無咁多point , 但有另一個viewpoint
有幾個舊相識 (七八十後) 都在呢十年間不約而同元朗區置業 / 租樓住, 而放棄價格相若的大埔區及北區
詳細的原因我不知, 但無非都係話西鐵快, 巴士多...
當然也有住大埔北區的,  ...

後來由東鐵過海代替了改以柯士甸站為終站的建議.

東鐵早年有沙中線計劃時已計劃將過海路段由東鐵線擔當, 比起延長的尖東站的時間早, 而且計劃一直沒變, 而尖東站的計劃是一直包括在西鐵的南環線計劃當中, 只不過較柯士甸站早建成, 為免浪費, 故暫時延長東鐵線去尖東站.

而整盤計劃, 是東鐵線名稱改為南北線, 以羅湖/落馬洲為起點, 中環為終站, 列車由12卡縮為9卡及加密班次(而在70年代末期購入的首批都城嘉慕列車將會退役), 而西鐵線會與沙中線九龍段及馬鞍山線連接, 來往屯門及烏溪沙, 經何文田及土瓜灣, 命名為東西線, 列車由4-7卡統一增為8卡.

故此當年東鐵去尖東只是臨時措施.

北區的巴士服務不多, 主要原因是東鐵線紥根多年, 車費又比路程相若的巴士平, 極多北區的居民根本除了東鐵之外, 完全不懂乘坐其他公共交通工具, 而且基本上百份之一百依賴鐵路, 並視乘搭巴士小巴為苦差, 小弟試過有一行十多人相約由粉嶺前往柴灣青年廣場, 唔知邊個九唔搭八話九龍塘轉觀塘線再轉港島線前往(當年有幾位女仔提議過在紅磡乘118前往, 但該位路痴卻驚死會塞車), 而小弟及有幾位朋友因在不同地方出發而坐巴士前往(小弟在何文田出發乘109去天樂里轉789前往), 結果都比採用鐵路果一行十多人快抵達, 而那十多人抵達時都後悔(我後來同該位超級路痴講, 話柴灣居民唔會搭長途地鐵, 因為慢, 佢無聲出), 因為由粉嶺去柴灣都是企位, 企了接近兩小時, 回程一起坐118往紅磡轉東鐵線, 一行人都稱比去程快捷舒適.

[ 本帖最後由 gordon 於 2012-4-11 10:16 編輯 ]

原帖由 3ASV196 於 2012-4-11 09:04 發表
.......
( ....唔通起左新野, 服務仲差過以前咩...)
................
而尖東站問題, 我唔單一睇有關事件, 我睇是東鐵能夠係紅磡接駁
到西鐵, 本身對2條鐵路乘客也是好事, 而其轉車安排亦是相對上
合理

「有新野但服務仲差過以前」，係絕對存在。
例如沙田一D馬鐵都唔到既屋村就係，馬鐵開左後，方便冇份(又係除非又畀多幾蚊九巴綠小賺)，本身已經唔多掂既巴士削班就有，當沙中線通車之後，更不敢想像.....反觀西鐵開左，新界西北就真係幾乎每個角落都受惠，只係o個程免費既輕鐵K巴似乎好委屈某D貴賓咁。

請問東鐵紅磡轉西鐵既安排，有幾合理？對包括東鐵客在內的「2條鐵路乘客」，有乜好事？

紅磡站轉車安排、兩線班次配合根本非常差勁兼失敗，港鐵宣傳話「對面月台轉乘」，但有幾多次真係做到？繁時好小小，多數做到，非繁時呢？

先講東轉西，十有八九都係東鐵入1號月台，但下班開出既西鐵o係3號月台，更差係架西鐵經常仲有1-2分鐘就開車，咁你話仆唔仆上大堂再仆落3號月台好呢？就算仆，眼前又未必有扶手梯，就算有，有時又得一條又未必o岩方向....

聽港鐵話，好方便咁對面月台轉乘，o係2號月台等下班嗎？隨時等7-9分鐘。

就算咁好彩，2號月台就有西鐵車，真係可以對面轉，但西鐵車比東鐵短，東鐵有5卡係一落車行過對面西鐵月台只見欄干，要走多幾卡距離至上到西鐵，就係呢度，已經隨時又走車。

西轉東就好小小，東鐵比西鐵長、班次又通常較密，基本上冇以上問題，但東鐵北行「花款」太多(兩個總站、四款短棍、經唔經馬場...呢樣野又係越北越慘)，如果對面月台去唔到我既目的地又點呢？

本來安安定定一程過免轉車，就可完成紅磡<>尖東o個幾十秒車程，攪出以上種種大頭佛，車費又唔減，紅磡去尖東既免費接駁K16又唔畀返人，請問對東鐵客係乜野好事？

唔好又拎o個D而家仲吹緊水既2019年東鐵過海黎講，如果尖東歸西同東鐵過海係同步出現，都叫做講得通，但就算極樂觀咁信佢真係2019年東鐵過海唔再拖，都已經遲過尖東歸西成十年，人生有幾多個十年？

原帖由 mckhgc 於 2012-4-11 12:27 發表


「有新野但服務仲差過以前」，係絕對存在。
例如沙田一D馬鐵都唔到既屋村就係，馬鐵開左後，方便冇份(又係除非又畀多幾蚊九巴綠小賺)，本身已經唔多掂既巴士削班就有，當沙中線通車之後，更不敢想像.....反觀西鐵開左，新界西北 ...

講極你都唔明

站友Gordon岩岩先解釋左比你聽:
東鐵早年有沙中線計劃時已計劃將過海路段由東鐵線擔當, 比起延長的尖東站的時間早, 而且計劃一直沒變,
而尖東站的計劃是一直包括在西鐵的南環線計劃當中, 只不過較柯士甸站早建成, 為免浪費, 故暫時延長東鐵線去尖東站.

請問閣下仲有咩好嘈? 尖東站根本上由頭都尾唔關東鐵事, 當年比你地班東鐵乘客用住先, 只係九鐵善用資源的舉動.
如果九鐵當年由得尖東站空置, 到西鐵通到去先開, 閣下應該唔會有今日的不滿.
其實你當年已經佔左著數, 而家仲係度嘈, 真係唔知你想點!

再講, 今時今日, 你唔能夠搭鐵路去尖東咩? 你轉一次車就到啦!
係香港搭鐵路, 大把人要轉車啦, 而且好多人要轉車唔只一次添!

最好就你屋企樓下上東鐵, 去邊都唔駛轉車, 自私的香港人

尖東站於2001年3月動工
http://www.epochtimes.com/b5/4/10/24/n698664p.htm

政府於2002年6月25日決定將沙中線批予九鐵，九鐵當時表示會用馬鐵過海。
http://hk.apple.nextmedia.com/template/apple/art_main.php?iss_id=20020626&sec_id=4104&art_id=2680423其中馬鞍山鐵路的乘客毋須轉車直接過海，東鐵乘客可在大圍或紅磡轉車往港島


至2004年1月3日，九鐵提出新方案，改以東鐵過海。
http://www.youtube.com/watch?v=YUOnJ2yceos
http://hk.apple.nextmedia.com/template/apple/art_main.php?iss_id=20040103&sec_id=4104&art_id=3769300

伸延現有的東鐵過海至中環




上面幾位，唔該睇清楚真正既歷史，原本(2002)係話馬鐵過海，後來(2004)至改東鐵過海，唔知就唔好亂講


至於尖東站，已講過N次，最少經歷過地鐵沙田線尖沙咀站(1967)、地鐵東九龍線馬連拿站(1970)、 ，
http://zh.wikipedia.org/wiki/%E6%9D%B1%E4%B9%9D%E9%BE%8D%E7%B6%AB

九廣鐵路/東鐵尖沙咀延線(1994,1997)(東西鐵皆以今稱「柯士甸」之西九龍站作共同總站及唯一交匯站)等方案
http://www.hkitalk.net/HKiTalk2/viewthread.php?tid=382721
http://hkrail.wikia.com/wiki/%E6%9F%AF%E5%A3%AB%E7%94%B8%E7%AB%99

去到第四個版本(1999)先知係所謂西鐵項目，所以話咩尖東站一早係西鐵項目，其實極有商確餘地。


有D人，plan唔係畀佢地，就一係選擇性失明，一係話可以改可以修訂，改到係畀佢地，就要千秋萬世，就係「一早plan畀佢地，改就係唔公平」，仲要搶埋「一早plan」唔係佢地既紅磡站2,3號月台就可以。

有D人，成日口口聲聲叫人轉車轉車，要佢轉車時(無論係區內輕鐵重鐵之間轉乘、定係區外重鐵重鐵之間轉乘)，就大叫麻煩唔方便唔公平.....

有D人，講自冇永有都同西鐵冇關、擺明係東鐵only既兩個過境站，天價補貼本地線問題o個陣，就大玩全港鐵一家親，認親認戚，話咩成個港鐵都係統一網絡，所有路線票價標準要一致，唔應該分咩西鐵東鐵，過境站只補貼東鐵係「唔公平」，應該補貼埋西鐵.....
http://www.hkitalk.net/HKiTalk2/viewthread.php?tid=599576

既然成個港鐵系統係咁統一咁一家親，咁唔應該分乜線物鐵，轉車又咁冇所謂，咁尖東站只要有存在o係港鐵系統入面就得啦，理得佢係邊條線？但一講到呢樣，呢D人就即刻變臉，西東楚河漢界分明，尖東站同東鐵冇關，益左你幾年已經皇恩浩盪.......

乜野係自私的香港人，呼之慾出了。

[ 本帖最後由 mckhgc 於 2012-4-11 16:12 編輯 ]

原帖由 mckhgc 於 2012-4-11 12:27 發表


「有新野但服務仲差過以前」，係絕對存在。
例如沙田一D馬鐵都唔到既屋村就係，馬鐵開左後，方便冇份(又係除非又畀多幾蚊九巴綠小賺)，本身已經唔多掂既巴士削班就有，當沙中線通車之後，更不敢想像.....反觀西鐵開左，新界西北 ...

又咁睇, 真係要比, 點計, 點唔就班次都好, 我當一半機會過對面月台, 一半機會要走
上走落,  最少都比西鐵美孚轉荃灣線, 行成個字, 走上走落, 或鰂魚涌的轉車行唔知
幾耐隧道都來得合理方便吧...

其實正如另一站友講, 鐵路站轉車又有幾咁出奇, 我金鐘對面月台又點, 我繁忙時間
好多時等5-6班先上到, 我最後咪又係要去中環行回頭路, 走上一層咁轉車

我覺得唔好放大一d問題先....度度都有不同問題同不足的, 條條線都有的....

我同意你講, 東鐵線係有唔好, 我唔係話你講錯, 佢一定有改善空間, 邊個唔想點到點,
邊個唔想又快又方便又準時, 但正如我之前講, 你需要明白, 呢d野就有一定歷史因
素影響左, 亦受將來計畫所影響.....要改善亦唔係話一下子可以立即實現, 呢d野一一
都係現實...好似九廣直通車, 係歷史因素留下的, 今日你唔想要都要面對佢ga,
亦明白佢唔可能一下子就取消....

但問心, 過往你又話唔好睇, 將來你又話等唔到...改善建議又無講到, 只是埋怨依家
個情況, 同埋一d返唔到轉頭的東西, 不斷比較比較, 咁樣講, 其實真係無乜乎ga bor...
亦解決唔到個問題....(再討論, 尖東都唔會俾返東鐵ga la wor)

一係正如我最早回文, 你搬屋lor... 咁又最快使用到你認為咁好的新界西交通

講真, 呢個世界就一定係唔公平, 邊有話邊個區一定要等於另一個區...如果只是
東鐵線尖東俾左人就咁不滿, 咁觀塘線咪係最無辜? 2度直接過海都俾左人...

但其實邊有得計, 鐵路發展網絡就係咁...要整體性去考慮, 只能將影響減到最少....

我住旺角, 去度度都方便gei, 交通就一定無問題, 但住宅亦要面對嘈音, 空氣極污濁
等問題, 又真係交通方便就一定好咩....

依家新界西進步左, 之後咪建議多d, 睇下點令新界東再進步lor, 有d基建係耐dd,
但有計畫都好過無la...

我覺得唔好比較, 積極dd, 做人都開心d la (唔只講呢d交通規劃)

[ 本帖最後由 3ASV196 於 2012-4-11 15:07 編輯 ]

雖然尖東站是紓援馬鞍山線而設, 但又有另一段歷史, 證明九龍南線在2002年已經著手設計, 即尖東站動工後不久, 以及尖東站啟用前已計劃在可見未來改由西鐵線使用:
http://zh.wikipedia.org/wiki/%E4%B9%9D%E9%BE%8D%E5%8D%97%E7%B6%AB
在2006年出版的《百載鐵道情》一書當中亦有提及東鐵線以尖東站為臨時措施, 待西鐵線的九龍南支線通車後, 東西鐵均會以紅磡為終點站.

[ 本帖最後由 gordon 於 2012-4-11 16:49 編輯 ]

我係反駁以下幾個藍字既錯誤：

1.「東鐵早年有沙中線計劃時已計劃將過海路段由東鐵線擔當, 比起延長的尖東站的時間早, 而且計劃一直沒變」

第一個「真正的」沙中線計劃，當數政府於2002年6月把沙中線批予九鐵時，九鐵當時的馬鐵過海方案(之前「沙田線」方案係禾寮坑至尖沙咀，「東九龍線」方案係鑽石山至林士，與「沙田至中環」相距甚遠，話係「沙中線」難以成立)，2004年1月，九鐵建議改以東鐵過海。而尖東站，2001年已動工興建。詳情請參16#既報章同youtube片段連結。

簡單而言，尖東站早在「真正的」沙中線計劃前已開始興建，而沙中線計劃初期係馬鐵過海，後來改東鐵過海。

2.「尖東站的計劃是一直包括在西鐵的南環線計劃當中, 」

數「尖東站的計劃」，經歷過幾次修訂
版本1：1967年地鐵沙田線尖沙咀站，
版本2：1970年地鐵東九龍線馬連拿站，
版本3：1997年九廣鐵路/東鐵尖沙咀延線尖東站(東西鐵均以西九龍站(今柯士甸)為南面共同總站及唯一交匯站)

以上種種版本，尖東站均不在西鐵內，直至

版本4：1999年九鐵提出新方案，把東西鐵南面共同總站及唯一交匯站，由九龍西(今柯士甸)改為紅磡，亦即是最終實行的方案。至此，尖東站才首次(也是唯一一次)出現o係西鐵當中。

版本1,2可參考
http://zh.wikipedia.org/wiki/%E6%9D%B1%E4%B9%9D%E9%BE%8D%E7%B6%AB
版本3,4可參考
http://www.hkitalk.net/HKiTalk2/viewthread.php?tid=382721
http://www.hkrdb.net/viewthread.php?tid=5582

只係有D極自私醜惡既輸打贏要人士，對版本1-3就一係選擇性失明失憶，一係就話可以修可以改可以盛，一到版本4，就即刻要千秋萬世，死都唔再改得，「由始至終」「一早plan」係佢地既.....

事實係尖東站動工興建時(2001年)已打算畀西鐵，這點是肯定的事實，相信閣下無須提出這些資料以作佐證。但「興建時打算畀西鐵」並非支持「尖東應歸西」既合理理據，支持以此作為「尖東應歸西」既合理理據既人士，請同時支持西鐵立即撤離「興建時打算畀東鐵」既紅磡站，同支持將軍澳線立即撤離「興建時打算畀觀塘線」既第二條過海隧道，否則就係極自私醜惡的輸打贏要。

3.「東鐵過海代替了改以柯士甸站為終站的建議」

依以上資料看，九鐵在1999年，已決定以紅磡為東西鐵共同總站，及至在2001年動工興建尖東站時，亦決定最終尖東屬西鐵，東鐵用尖東是「暫借」性質，即是九鐵在1999年至2001年間，已否決了以柯士甸為東西鐵共同總站的建議。但政府在2002年才把沙中線批予九鐵，同時建議以馬鐵過海，至2004年才改建議東鐵過海。換言之，「尖東歸西」(1999-2001年間決定)的原因，絕無可能與「東鐵過海」(2004年提出)有關。

至於1999年提出的「版本4」所謂如何，其實我也不清楚(但肯定絕非為左東鐵過海)，估計原因(可能是錯的)又係錢作怪，見紅磡現成有四個月台，剛好足夠東西鐵兩線使用，將兩線踢晒去紅磡做總站，起九龍西站(今柯士甸)就可以慳皮，起少一層兩個月台。

[ 本帖最後由 mckhgc 於 2012-4-11 22:39 編輯 ]

原帖由 3ASV196 於 2012-4-11 15:02 發表


又咁睇, 真係要比, 點計, 點唔就班次都好, 我當一半機會過對面月台, 一半機會要走
上走落,  最少都比西鐵美孚轉荃灣線, 行成個字, 走上走落, 或鰂魚涌的轉車行唔知
幾耐隧道都來得合理方便吧...

其實正如另一站友 ...

對於閣下的洋洋大曬肺俯之言，小弟大致上是同意的，無甚麼可以補充或回應，謝謝閣下的用心。

唯一要補充，係閣下提及觀塘線兩削過海，你說得對，但無辜既何止觀塘線人？唸唸東鐵線o係市區既可達度，再唸唸東鐵線唯一既實際轉車站係邊個、係駁邊條線？所以，觀塘線兩削過海，除觀塘線人外，東鐵線人(連埋馬鞍山線)亦同時陪葬，亦同時睇到，尖東站作為可過海轉車站，對東鐵線係幾重要，相比之下，對一通車已有兩個可過海轉車站既西鐵線，尖東站只係錦上添花，但對東鐵線，卻係雪中送炭。

論需求，論客量，論客流平衡分流，少人既，坐擁三個可過海實際轉車站；多人既，卻只有一個不可過海實際轉車站，合理？

每一次路線改動(觀塘線兩削過海、尖東歸西)，東鐵人都係被犧牲既一群，公平？

當然，一講呢D，某D人就會N個理由、或冇理由咁講，唔同地區發展唔同冇得比較.........但一講到佢地條鐵路收費呢，就識得同人比話貴過人，大叫「不公平」，要人地補貼.......

都係o個句，同港女o個種「保留自己底薪(西鐵優質服務)，又爭取同男士(新界東居民)睇齊既佣金(表面上平既車費)，但你們男士沒有底薪」一模一樣的醜惡。

[ 本帖最後由 mckhgc 於 2012-4-11 22:56 編輯 ]