（轉貼新聞)訓左車廂成晚，乘客勁不滿!!

其實港鐵可以照開閘比d人走or比d人留係車站
比 d客自己選擇 但一定要講明   
如果你地出咗車站有事嘅話公司唔會負責!!
咁做就算d客有事佢地 xyz 都唔怕  因為係佢地自己選舉 冇人迫佢地
當然要照顧留係車站班人啦

原帖由 ate_58x 於 2012-7-25 10:24 發表
其實港鐵可以照開閘比d人走or比d人留係車站
比 d客自己選擇 但一定要講明   
如果你地出咗車站有事嘅話公司唔會負責!!
咁做就算d客有事佢地 xyz 都唔怕  因為係佢地自己選舉 冇人迫佢地
當然要照顧留係車站班人啦  ...

據當晚有乘客表示, 車站當時已開放了閘比d人自出自入,
但他嘗試走出車站時發覺風勢好大好危險, 最後都返回車站留守.

原帖由 3ASV196 於 2012-7-24 22:56 發表

其實現時上 8 號風球前2小時有通知, 如果上左8 號再"正常服務"多2-3小時,
本身有4-5小時時間"正常服務", 其實都應該應付到的..

問題係呢家正如你講, 又係一個循環, 好多人正正就以為幾大風都有鐵路,
所以打風都去玩, 做野D人亦越來越遲走...

而鐵路公司本身亦係8號風維持正常服務, 完全無意欲去一段時間後減車咁,
當然亦成為D人期望同依賴....

無論有雞先定有蛋先, 其實今次事件都有好處, 唔只俾MTR 知道, 亦最少俾唔少市民
知道大風鐵路都會死....可以困成晚, 打風都唔係好玩的事...

我認為八號風球之後4-5小時不論架空/地底的鐵路服務要全停
依家變成了惡性循環，D人打風當假期，去睇戲唱K飲茶
老細見有生意，當然唔會放員工走
除非個員工住離島無船，老細就焗住放你走
響其他討論區見到有單新聞，某快餐店唔肯放人收工
最後屋企人報警，差佬去到舖頭，個經理先肯放人走
5:40掛八號，尾班船都係大約7:30
你會唔會見離島居民去唱K睇戲???
如果以後都係八號風球之後4-5小時無鐵路
D人仲唔死死地氣返屋企咩?

4年前的9號風球，架空/地面車站咪照行

港鐵做法十分混亂
當年9號風球，九鐵有預報話停駛。
無混亂情況，但只見匆匆趕趕地去搭車。

當然啦，不同行業有不同安排
做酒店的，當然又有員工休息地方。不用狼狽。
做飲食的，看你老闆好不好彩，不好彩的話，隨著做到掛10號風球都不比放工都可以
做政府部門，看情況而定，好彩的話還有宿舍暫住。

原帖由 siupy 於 2012-7-25 11:06 AM 發表


我認為八號風球之後4-5小時不論架空/地底的鐵路服務要全停
依家變成了惡性循環，D人打風當假期，去睇戲唱K飲茶
老細見有生意，當然唔會放員工走
除非個員工住離島無船，老細就焗住放你走
響其他討論區見到有單新聞，某快餐店唔肯放人收工
最後屋企人報警，差佬去到舖頭，個經理先肯放人走
5:40掛八號，尾班船都係大約7:30
你會唔會見離島居民去唱K睇戲???
如果以後都係八號風球之後4-5小時無鐵路
D人仲唔死死地氣返屋企咩?

8號風球﹐係仍然有人需要返工 或 放工的﹐甚至遠行去機場(機場係唔會因打風而完全停止運作)。

鐵路相關來說﹐係比較上安全﹐而MTR 本身都為了方便這些人﹐所以8號風球都會因應情況而作出有限度服務。


不過﹐普遍的市民都已經忘記點解會有8號風球﹐普遍的市民已經把風暴的危險看得細了﹐特別市區人。
已經視打風為額外假期﹐係一個只去室內的活動的假期。

點解?
因為好多時大家出門口去到車站﹐車站再去相應的商場店舖﹐根本係唔需要行出街出馬路﹐連雨傘都不用帶。原因係沿途係有蓋行人天橋﹐根本不受天氣影響﹐自然會睇少暴風的威力。

社會已經變質﹐好難再返轉頭﹐打風便要做「死城」。


大家可以講係MTR製造這一個現象﹐因為有提供服務﹐所以大家可以出街。
但係﹐MTR 本身的原意﹐只不過是方便有必要出外的市民。


至於制定某一個風球的行車安排﹐其實都不太可行。
連巴士公司﹐都唔會講明8號波便沒有車﹐因為有時都會因應天氣作有限度服務(即使在凌晨時間掛8號波﹐全天都會有有限度服務)。

主要所有交通機構﹐都係看風暴的情況﹐市面的情況﹐行車安全去決定是否提供服務。
而每一次風暴都會有不同的風力﹐風的方向﹐有無地勢阻擋﹐所以係無一個標準的做法。

而市民﹐應該係有意識係8號波的時間下﹐除了首2小時外﹐其餘時間係會隨時沒有交通工具的。如要外出﹐便要有多手準備﹐預備一些安全可避風的地方﹐甚至取消你的行程。
而不是大安旨意出門﹐一定有交通服務的。


今次﹐MTR 其實係做得唔錯﹐最少無趕你離開車站。
講真﹐MTR 安排接駁交通工具﹐或者提供多一班車送大家去目的地。大家又敢唔敢在9, 10號風球下繼續上路?

我會選擇留在車站內﹐等待天氣好轉才繼續行程﹐安全至上。
總好過為了快﹐在路上有任何意外﹐令到要其他人救你﹐增加救援人員的工作量﹐令他們都要出動增加他們的危險。

原帖由 kei_hk 於 2012-7-25 11:57 發表

主要所有交通機構﹐都係看風暴的情況﹐市面的情況﹐行車安全去決定是否提供服務。
而每一次風暴都會有不同的風力﹐風的方向﹐有無地勢阻擋﹐所以係無一個標準的做法。

紅字所言應該係天文台的責任，而唔係由各間交通機構自行判斷。

我見解係：
掛八前預警期間：提升至最高運量模式，盡快送人走。
正式掛八後兩小時：維持有限度服務，清埋之前未清的人潮及正八才能放工的打工仔。
掛八後兩小時以上：再降級，並同時公布隨時會停。
真係要出門的人仍然會千方百計去搭，但玩樂的人會諗下。

原帖由 kei_hk 於 2012-7-25 11:57 發表
而市民﹐應該係有意識係8號波的時間下﹐除了首2小時外﹐其餘時間係會隨時沒有交通工具的。如要外出﹐便要有多手準備﹐預備一些安全可避風的地方﹐甚至取消你的行程。
而不是大安旨意出門﹐一定有交通服務的。

可惜就係無意識，這方面要多作宣傳。
看今日傳媒報道，無人反思港鐵在風暴期間維持服務其實係危險的。

[ 本帖最後由 DIH 於 2012-7-25 12:42 編輯 ]

原帖由 aPower 於 2012-7-25 07:48 發表
真係唔係好明點解甘多人插港鐵
我俾你服務無受阻
唔見得係十一二點，九、十號風球交替之時
你去到目的地車站必定會有接駁交通服務
(絕大多數公交已收，的士亦極難截)

咁港鐵好多上蓋物業同行人天橋,
又的確有一班人係去到目的地車站就可能安全回家的
而如果你老細知你係住咁嘅地方, 都會要求你做最遲走的員工吧

東鐵車站本身設施差過其他線, 無冷氣, 部份站亦缺乏可以避風雨的地方,
不過最慘都係被困車廂的人, 無水無廁所, 架車停響露天地方又危險
btw, fb 上有幅在被困列車拍、車廂燈全部熄晒的照片

原帖由 DIH 於 2012-7-25 12:41 PM 發表

紅字所言應該係天文台的責任，而唔係由各間交通機構自行判斷。

我見解係：
掛八前預警期間：提升至最高運量模式，盡快送人走。
正式掛八後兩小時：維持有限度服務，清埋之前未清的人潮及正八才能放工的打工仔。
掛八後兩小時以 ...

天文台係唔會言明有無受地形而令風力細的﹐因為唔會同你講某個細分區﹐以免做成混亂。

最實際﹐係全部停止服務。但係﹐現今社會都唔再係全面停頓﹐所以便有交通需要﹐運輸機構都盡量提供有限度服務。
至於是否開車﹐真係要按實際情況而定了。


掛8號後便即時開始有限度服務﹐這一句我是反對的﹐因為仲有唔少老闆真係唔掛8號唔放人。也有一些行業﹐真係收鋪後仲有一大堆野要處理好才可真正收工﹐如不加班(以繁忙時間運作)﹐真係處理唔到人流的。

所以﹐起碼要服務多2-3小時﹐才可以慢慢收車提供有限度服務。



比起十多年前﹐只要天文台覺得有需要掛8號波﹐係會在未達相關風力指標﹐已經提早出8號波。
今天﹐真係要達標才出8號波。雖有2小時的預警﹐但唔係人人都可「散水」﹐變相增加市民的風險。

原帖由 kei_hk 於 2012-7-25 13:03 發表


天文台係唔會言明有無受地形而令風力細的﹐因為唔會同你講某個細分區﹐以免做成混亂。

最實際﹐係全部停止服務。但係﹐現今社會都唔再係全面停頓﹐所以便有交通需要﹐運輸機構都盡量提供有限度服務。
至於是否開車﹐真係要按實 ...

做唔切咪唔好走囉，留係安全地方，好簡單，風唔會等你做完野先走.....

天文台有責任講情況，巴士公司在約2小時後話收車，其實反影左天文台己經有一定程度通知佢地情況(過去8仔有試過有限道甚至正常服務成日，都係睇天文台如何評估)

社會唔係唔可能停，係無得選擇必須要停，危險就要停，唔係話你需要就唔洗停......

我唔知鐵記點評估，但全線露天都被影響到，我唔覺得黎D叫好正常囉.....

而一直都講，你翻工重要定命重要，真係大風到無車翻工你行路？搵命駁，我唔知社會現在如何曲解責任

但唔該，風唔等人，亦唔會睇你有幾大責任....只知10點幾有地區風力己經過百，我就唔知黎D原來可以叫安全....

我會覺得鐵記好似唔驚，唔擔心，同唔緊張個環境囉，我覺得以一個咁快既風，社會好多事都做得好，巴士公司收車夠決段，但鐵記居然唔淋樹唔終止就好難理解囉，黎個行為.....


我要講，黎個風係8 9點時己經用左好重要既字眼話會快速增強，無理由仲唔知死.....總之我就好費解，服務重要過安全？我難理解，無車翻歸？就留係安全地方....唔係死都要人送翻歸....天文台都有講啦

原帖由 LF5502 於 2012-7-25 01:05 發表
打風根本就唔應該起馬路上行車，
依家的香港人係咪無哂常識 ??!!

所以我唔知點解會有人提議開接駁巴士
尤其是今次好多冧樹，證明馬路起打風的時候可以好危險
...

由此推論，打風根本就唔應該起路軌上行車，咁之前八號風球六個鐘，香港人的常識又去左邊？
接駁車當然係諗單層車，而且係咪仲有路行，會唔會太大風都應考慮。但佢公佈簡單到就係：九號wo, 危險wo, 唔開lu。咁樣班乘客點服佢......