(轉貼)東鐵線疑因豪宅住戶投訴 長期減速

首先睇呢段

原帖由 GCx468 於 2012-11-1 00:25 發表

沒有時間按超連結看此報導的話，請留意以下，我特地簡短概要報導的内容：

--共7條路線11個地點因噪音而最近兩年才實施臨時限速，除了3個兩年前已實施了。
--片段中有展示限速列表，文章旁邊的附圖放大後更清晰！
--電話訪問盧博士，他稱減速一半不一定可以減到一半聲浪
--港鐵工程師指香港各EMU寧靜度世界首屈一指，但東風11型直通車技術屬第三世界水平
--MTR無權阻止落後的直通車車組進入香港
--田北辰承認施壓。現任荃灣區議員的他，施了壓令荃灣調頭及車廠區路軌30kph之限速今年5月實施
--一切屬市區線的限速，均只於2300-0700生效，但前九鐵的5個就是全天候，1個(大圍馬鐵)就是2300-0700間才有
--3個兩年前已經實施的，都屬市區線，也就是2300-0700間才有
--白石角不在列表之内
--大圍之限速到13/10/12期限屆滿，故表中只有10個生效中

再睇埋呢段

在港鐵各線中，最受影響的仍是東鐵線。有港鐵工程師指出，東鐵線的主要噪音源，來自火車的摩打聲音；東鐵線採用日本川崎重工製造的SP1900列車，已差不多是全世界最寧靜的火車，而英製列車亦早已加了隔音板；現時噪音最嚴重的是直通車，「一般最嘈係『東風11型』機車，雖然係90年代產物，但列車嘅技術仍然停留喺第三世界水平，駛過嗰陣仲嘈過行雷；但同審批大陸移民一樣，港鐵方面係控制唔到畀乜嘢直通車落嚟」。


一睇就知係行外人講既野(或者係報紙佬自己扮行內人), 分點講下:
a"東鐵線的主要噪音源，來自火車的摩打聲音"
其實好多時路軌同車輪摩擦既聲, 仲大過火車的摩打聲音
同埋限速=無摩打聲音嗎? 答案係剛剛相反
b"東鐵線採用日本川崎重工製造的SP1900列車，已差不多是全世界最寧靜的火車，而英製列車亦早已加了隔音板"
無錯, 英製列車亦早已加了隔音板, 但摩打卡無呢, 可況依家D隔音板, 真係隔到音嗎?
c"現時噪音最嚴重的是直通車，「一般最嘈係『東風11型』機車，雖然係90年代產物，但列車嘅技術仍然停留喺第三世界水平，駛過嗰陣仲嘈過行雷"
依家一日有幾多班DF11直通車呢? 同埋呢個世界上既柴油機車, 有幾多真係可以做到東鐵批西門子頭咁靜呢?

[ 本帖最後由 HU6455 於 2012-11-1 02:32 編輯 ]

係呢面大部份人反對因噪音而減速
但隔離版就有人認同MTR做法, 仲叫大陸學MTR咁有樓就減速
http://www.hkitalk.net/HKiTalk2/thread-733273-1-1.html
真係好笑

原帖由 GCx468 於 2012-10-31 16:25 發表

資料十分豐富，有片也有詳盡文字
太感激蘋果的報導，關注與認真！！撐蘋果！撐盧覺強博士！撐MTR Service Update！

至LIKE旁述小姐幾聲"好慢呀!!"的呼叫!

沒有時間按超連結看此報導的話，請留意以下，我特地簡短概要報導的内容：

-- ...

題外話
為何報紙話取得內部文件，仍然可以高調拎出來講？
不怕龜龜出招嗎？

還有一點可以反駁的是, 港鐵是絕對有權決定讓什麽內地車輛進入港鐵範圍的, 以前港鐵就曾經拒絕過藍箭和SS8進入香港(藍箭的可靠性低和SS8使用的集電弓會損害電網)

原帖由 HU6455 於 2012-11-1 02:23 發表
首先睇呢段



再睇埋呢段

在港鐵各線中，最受影響的仍是東鐵線。有港鐵工程師指出，東鐵線的主要噪音源，來自火車的摩打聲音；東鐵線採用日本川崎重工製造的SP1900列車，已差不多是全世界最寧靜的火車，而英製列車亦早已加了隔 ...

未必係行外人，可能係講嘢嘅人故意誤導。咁強調東風11，又話港鐵無權審批大陸車、「第三世界」、又扯埋大陸移民 ，動機顯而易見

[ 本帖最後由 K仔 於 2012-11-1 08:12 編輯 ]

衰在段片影到的直通車係ktt，歐製機車日製車廂，
旁白令人以為所有直通車都是大陸的DF11機車。
事實上現在大部分車次也不是DF11了。

也沒有人address過「列車駛過波口會好大聲」這個問題，次次在火炭落車行去禾輋我都好振奮架。

[ 本帖最後由 DIH 於 2012-11-1 09:19 編輯 ]

原帖由 KC7813_ATS64 於 2012-11-1 04:12 AM 發表
還有一點可以反駁的是, 港鐵是絕對有權決定讓什麽內地車輛進入港鐵範圍的, 以前港鐵就曾經拒絕過藍箭和SS8進入香港(藍箭的可靠性低和SS8使用的集電弓會損害電網) ...

如果客觀一點去講﹐mtr (或以前的kcr) 不是完全無權唔批某款車來港﹐只是唔批某款車入香港必須有一個合理的理由。

正如之前的ss8 集電弓會令電網損壞﹐令到全線要停駛﹐包括部 ss8 都要停在路軌上等人救。
藍箭的可靠性問題﹐多唔多在香港境來壞車我唔清楚﹐但既然個個都話可靠性問題﹐國內當局自己都會作出考慮仲派唔派此車來香港。


以上問題﹐足以影響全線列車服務﹐便是一個合理理由﹐試問真係因此而令到全線出事﹐國內鐵路部都要負上一定責任﹐被人 xyz。

但係而家的用車﹐在可靠性係無問題 (間中壞車總會有﹐正如ktt /東鐵列車都有機會壞車)﹐除了聲音問題﹐唔會影響到安全及可靠性﹐好難叫國內唔用同款車來香港。
除非....... 香港政府修例﹐唔比這些高聲浪的車頭在香港運行啦。(不過﹐又點會有機會實行)

原帖由 vincent_chase 於 2012-11-1 03:54 發表

題外話
為何報紙話取得內部文件，仍然可以高調拎出來講？
不怕龜龜出招嗎？

所謂呢"內部文件", 咪只係呢度收下風果度收下風得黎既....
你估報紙真係會有能力取得"內部文件"嗎?
報紙都係吹出黎姐, 反正報紙講嘜, 香港人都會信

原帖由 HU6455 於 2012-11-1 13:13 發表


所謂呢"內部文件", 咪只係呢度收下風果度收下風得黎既....
你估報紙真係會有能力取得"內部文件"嗎?
報紙都係吹出黎姐, 反正報紙講嘜, 香港人都會信 ...

「內部文件」呢啲嘢，有人肯提供，報紙佬咪有囉
報紙唔係訪問咗一個「港鐵員工」，仲有一位指東風11用第三世界技術、又扯埋大陸移民嘅「港鐵工程師」咩？
佢哋有能力提供內部文件，唔出奇啊

[ 本帖最後由 K仔 於 2012-11-1 13:36 編輯 ]