(轉貼新聞) 岩岩聽到九巴申請加價8.5% !!

原帖由 chan6723 於 2012-11-29 21:25 發表
同埋 373A 九巴根本想將佢打做 "蝗牌路線" 多過俾北區居民搭囉, 上水粉嶺
咁多新移民同學生哥, 邊會有錢搭 373A 丫... 返工班客又只會搭朝早出去同
夜晚回程...

何以見得上水粉嶺多新移民?? 唔計清河邨, 上水粉嶺對上一個公屋係幾時入伙你知唔知??

葵涌、深水埗、觀塘區的新移民一定比上水粉嶺多

原帖由 chan6723 於 2012-12-1 01:17 發表


同埋班師傅擺架車係九龍, 再搭返自己公司車返屋企訓覺, 其實同你做多
單再擺返架車返廠, 分別都唔大。就算俾多少少人工都慳倒唔少油錢同
維修費 (行車里數低左)。

開車翻廠，都仲係開工，自己搭車，果D叫收工/落左場....點會一樣

改到咁，佢真係唔洗做九巴，咁囉命入到U K都係想近自己頭家掛牌，點知都係市區落場.....

原帖由 DGCNYO 於 2012-11-29 22:21 發表
難聽d講，新城過多幾年都會被港鐵挑戰，今日咁悖就急，他日仲有排你地急

南港島線一通, 鴨島同黃竹坑將會比將軍澳更慘烈, 巴士去中西區同過海係完全零優勢,
鴨島面積細人口又唔夠多, 唔似將軍澳咁靠少眾都仲可以撐到10年先頂唔順嗌取消,
分分鐘通車一個禮拜後去中西區即時只剩低一條海怡經利東經黃竹坑的疏車線

沙中線通埋, 紅隧口仲邊有人等車, 灣仔北過海獨市客倉又冇埋, 紅隧過海線大幅減班重組

到時就輪到新城嗌救命

原帖由 Kaix 於 2012-12-1 17:25 發表

有冇數據支持??

我剩係知港鐵客量每年升幅都好高, 仲高過巴士客量跌幅

根據2012運輸資料年年報(2011年數據)
私家車增長左2萬幾部，同期搭專營巴士人數亦有微升
(城巴/新巴/龍運/大嶼山等升幅抵消了九巴趺幅)。

九巴於2011年行車里數全面報趺，應該同收車同埋暫停新車出牌政策有關，
九龍巿區路線及新界區路線亦乘搭人數亦隨之下趺。

港鐵乘客增長幅度正如你所講遠多於專營巴士，
某程度係因為越黎越多鐵路沿線屋苑落成/入伙。

資料來源
http://www.td.gov.hk/mini_site/atd/2012/trad/section3/section3_2.html

[ 本帖最後由 on11358 於 2012-12-1 19:14 編輯 ]

原帖由 Kaix 於 2012-12-1 18:18 發表



南港島線一通, 鴨島同黃竹坑將會比將軍澳更慘烈, 巴士去中西區同過海係完全零優勢,
鴨島面積細人口又唔夠多, 唔似將軍澳咁靠少眾都仲可以撐到10年先頂唔順嗌取消,
分分鐘通車一個禮拜後去中西區即時只剩低一條海 ...

英雄所見略同, 新界都仲可以諗一堆靠 "公路優勢" 取勝既巴士線, 南區, 西區根本就冇。
就算你搭的士都唔可能會快過架地鐵 (除非個位離地鐵站好遠)

巴士迷成日覺得巴士有位坐較舒服, 舒唔舒服根本只有長途客先會 concern 呢個問題,
鴨利洲 / 西環出中環 / 銅鑼灣講緊 15 分鐘之內就到, 根本 D 人就唔會計較舒唔舒服,
上倒車拿拿聲去到個目的地先係皇道

紅隧線死因一樣, 反正迫完火車出去轉隧巴果班客都唔會 concern 舒唔舒服了...

原帖由 on11358 於 2012-12-1 19:12 發表

根據2012運輸資料年年報(2011年數據)
私家車增長左2萬幾部，同期搭專營巴士人數亦有微升
(城巴/新巴/龍運/大嶼山等升幅抵消了九巴趺幅)。

九巴於2011年行車里數全面報趺，應該同收車同埋暫停新車出牌政策有關，
九龍巿區 ...

港鐵客量增幅我覺得係因為學生客, 同埋港鐵提拱好多 "捆綁式優惠" 例如
全月通, 搭十送一等, 所以平時唔係成日搭巴士既客, 就算偶爾去一些搭巴士
較快較方便既地區 (散客), 都會盡量搭港鐵。反而鐵路沿線物業除左日出康城,
名城同 Yoho Midtown 外, 其實又唔算好多; 一係就去到瓏門呢類買得既好多
都係有車階級...

另外九巴瘋狂收車, 乘客怕等唔倒車既影響力都不能睇少。
我在另一 forum 見倒有個 post, 有人話佢住大圍 (要搭小巴出火車站) 返土瓜灣,
有 85B 唔搭都寧願轉兩次車, 原因就係 85B 班次實在太唔穩定, 閒閒地要等
30 甚至 45 分鐘...

原帖由 chan6723 於 2012-12-1 20:01 發表


港鐵客量增幅我覺得係因為學生客, 同埋港鐵提拱好多 "捆綁式優惠" 例如
全月通, 搭十送一等, 所以平時唔係成日搭巴士既客, 就算偶爾去一些搭巴士
較快較方便既地區 (散客), 都會盡量搭港鐵。反而鐵路沿線物業除左 ...

學生價一直都有,
十送一以前都有做過呢 D 優惠,
即係老實講香港根本就係越黎越多人 (唔好唔記得香港係一個旅遊城市),
港鐵客量增長除左一班可能由巴士過檔 o既客仔, 仲有一大班遊客都唔定 ~

原帖由 AVD1 於 2012-12-1 22:05 發表

學生價一直都有,
十送一以前都有做過呢 D 優惠,
即係老實講香港根本就係越黎越多人 (唔好唔記得香港係一個旅遊城市),
港鐵客量增長除左一班可能由巴士過檔 o既客仔, 仲有一大班遊客都唔定 ~ ...

學生價以前東西馬鐵冇, 後來先有。
新界西就一路都冇得揀要搭港鐵 (輕鐵 / K 巴), 新界東流失先犀利...

仲未計住新界, 假日出市區玩 / 補習既學生哥, 同埋住新界既大學生...

以下係我對是次之看法︰

首先，九巴開八點幾加幅係大區議會，迫區議會接受路線重組，D區議員仲死攬D無人線。
其次，政府一定唔會比九巴加咁多，否則民情又起閧，今次實際加幅可能界乎3-5%，根本上係叫高D價。
另外，一直都唔認同九巴做ge看法，成日話七成線蝕線，又唔講邊七成線蝕緊錢同蝕幾多，好難說服到人接受！你公佈咗，知道你ge問題，就算加，都順氣D。仲有Roadshow 同廣告收益，應該可以彌補唔少，試問宜家揾一部無廣告ge巴士係幾難ge事呢? 但將車務同廣告收益分開計算，實在於理不合。
最後，輪到部份巴士迷ge看法，部份巴士迷覺得城新好過九巴好多，可能城新ge管理好D，但請注意，兩巴加理大約二百條，而九巴則係成四百條，而且城新仍然有唔少獨家線，好似小西灣同香港仔，但將來南港島同西港島線，難保將來兩間巴士公司都會出現同樣問題。

所以我認為搞到咁ge地步，區議員、九巴、政府都要付上責任。

原帖由 chan6723 於 2012-12-1 19:56 發表
英雄所見略同, 新界都仲可以諗一堆靠 "公路優勢" 取勝既巴士線, 南區, 西區根本就冇。
就算你搭的士都唔可能會快過架地鐵 (除非個位離地鐵站好遠)

巴士迷成日覺得巴士有位坐較舒服, 舒唔舒服根本只有長途客先會 concern 呢個問題,
鴨利洲 / 西環出中環 / 銅鑼灣講緊 15 分鐘之內就到, 根本 D 人就唔會計較舒唔舒服,
上倒車拿拿聲去到個目的地先係皇道


紅隧線死因一樣, 反正迫完火車出去轉隧巴果班客都唔會 concern 舒唔舒服了...

南區西區就算搭的士出黎都要經塞車黑點
所以到時有地鐵的話搭地鐵真係會快過搭的士

繁時黎講好多巴士線的尾幾個站上唔上到車都成問題

果啲而家搭完東鐵轉隧巴過海的人
第時東鐵過海的話相信大部份人會搭東鐵直接過海
除左去東區的可能會仍然轉隧巴(要到金鐘轉港島線先去到東區)
但北港島線通車的話(可以係會展站轉線)相信連呢啲人都會搭東鐵直接過海