頭等核淮機一問

呢個係別帖#52號貼文的延伸問題。

請問東鐵的頭等核淮機有無分方向？
即係假如小弟在九龍塘站，拍位於往紅磡方向月台的頭等核淮機，但最終搭頭等北上，有無問題？
還是一定要先在往羅湖/落馬洲方向月台再核淮，才可搭車？

小弟認為如果有分方向，假如將來南北線仲有頭等，附加收費似乎無咁難處理。

[ 本帖最後由 s3n370 於 2013-1-3 23:37 編輯 ]

如果路程涉及另一條線, 頭等收費計算是全程單程普通等車費+東鐵線路程的普通等車費.
其實據知當年九鐵的頭等核准機只是將乘客八達通加上x2車費的指令, 但後來兩鐵合併後有冇更改過程式令系統可以計算真正的頭等附加費用就不知了, 現時的頭等計算好似係假設乘客在九龍塘轉車, 除非乘客曾在尖東出過閘再在尖沙咀站入閘.
(但當年九鐵年代有例外的, 如果您入閘坐車拍了頭等核准, 並乘坐頭等前往目的地, 但在目的地站沒有出閘並返回上車站出閘, 系統只會收取最低車費並不會收取頭等的車費, 車上的職員亦不會查出, 但當然兩鐵合併後因為逾時原站出入會收取附加費而令呢支歌仔成了絕響)

[ 本帖最後由 gordon 於 2013-1-4 11:38 編輯 ]

原帖由 gordon 於 2013-1-4 11:23 AM 發表
如果路程涉及另一條線, 頭等收費計算是全程單程普通等車費+東鐵線路程的普通等車費.

只要你拍過部頭等機﹐東鐵部份車費便會以全程坐頭等計算。

即係﹐你紅磡上車去大埔﹐你上車時坐普通等﹐去到九龍塘才決定坐頭等﹐於是去拍部頭等機(不論是車上定月台上的機)﹐都會計算你由紅磡去大埔的頭等車費。

如果你是尖東出發去大埔﹐便會計算你在尖東去大埔的普通收費﹐再加收紅磡至大埔的頭等附加費。

搭單講句
如果上車站同落車站都唔屬於東鐵綫站
而張八仔又有頭等核准紀錄
係都會收返最低頭等價

所以即使將來南北綫有頭等都好
都唔會令成件事更複雜
因為本來合併之後
收費系統已經變得好複雜

問問題：
如果我在太和站上車，先出去鑽石山交收野，再在九龍塘拍頭等機，之後在大埔墟落車, 實際都係收我$6.8？

謝謝解答。

原帖由 Alex_Tsang 於 2013-1-5 12:52 發表
問問題：
如果我在太和站上車，先出去鑽石山交收野，再在九龍塘拍頭等機，之後在大埔墟落車, 實際都係收我$6.8？

謝謝解答。

係
我係你會上車就拍頭等核准機
坐足全程

[ 本帖最後由 busfunfun 於 2013-1-6 23:59 編輯 ]

分享少少野
有西鐵線紅磡至屯門月票既八達通
係紅磡入閘拍左頭等機去紅磡以外既西鐵線車站出閘，係會收番$3.4頭等附加費
係紅磡原站出入就可以$0.0出閘
同埋果部機係可以拍N次都係當一次

[ 本帖最後由 kmbc81 於 2013-1-12 21:23 編輯 ]

搭單一問: 如果我在車上想通過頭等車箱去列車另一端,係咪都要拍卡硬食附加費?

原帖由 Man@MFHK 於 2013-1-24 14:04 發表
搭單一問: 如果我在車上想通過頭等車箱去列車另一端,係咪都要拍卡硬食附加費?

係...只要你拍咗卡唔理你有無真係坐過頭等系統都自動當你享用咗頭等服務~!!