香港巴士好應該有雙向分段

其實城新一向有做雙向分段

CTB 73, 796C 都係例子

其實上車時候先扣全費, 下車時拍卡才回扣返分段車資, 咁咪唔怕人逃票
不過我唔建議一D 跨區/長途線用雙向分段, 因為咁樣會做成類似長者用2蚊搭兩個站既問題....
所以流水線先好用雙向分段

[ 本帖最後由 Mel 於 2013-1-17 16:06 編輯 ]

將落車拍卡部機放喺站柱度，落左車先「嘟」，
咪唔驚乘客提早嘟機呃錢囉。

至於長途線，改做上公路前只可以上客咪得囉。
不過搞左全線雙向分段的話，長途線既營運模式肯定唔同晒…
例如港島18X可能變左筲箕灣<-(東廊)->銅鑼灣(只停堅拿道西一個站)<-(干諾道)->石塘咀、堅尼地城都唔頂。

正如上面另一版友話頭，在大長途做雙向分段也要睇條線本身是否已經常頂閘。

例如962系若果做雙向分段就可能吸引一大堆5系客由銅鑼灣去灣仔中環。271也可能吸引一堆7仔客。

反過來部份拍烏蠅大長途如74A，263M，264M，671，692，694等若增設雙向分段起碼也可幫補吓隧道費。

其實在站整個類似輕鐵出站的拍卡機，相比甚麼前落後上，或要監察會否有乘客在車廂內濫用落車拍卡機相信容易很多。

即係客上巴士拍卡先比全費，落咗車在站內出站拍卡機再拍回贈短途應收車資。而該雙向分段可用一個比普通流水或區內線較高的車資，正如城巴6系或隧巴過海後的車資也較高。

當然若果乘客落車時忘記拍卡咁巴士公司又賺多啲。長者若忘記拍卡問題也不大，反正有政府包底。

出站機也可被program 個別提供雙向分段的路線才有效，又唔怕拍錯路線。

這樣可行嗎？

不過喺九記心目中，整機究竟跟車貴啲定係跟站貴啲我地唔知，
同埋一啲站週圍都係拍烏蠅，揀站嚟起又會俾人話厚此薄彼，唔揀過又會造成資源浪費，九記細膽起上嚟又會話唔做，究竟點先得呢？

例如94/299一D山卡啦站設八仔機, 保養, 日曬雨淋等都會有問題吧?

拉電線都駛唔少........

原帖由 CX401 於 2013-1-19 01:27 發表
例如94/299一D山卡啦站設八仔機, 保養, 日曬雨淋等都會有問題吧?

輕鐵出站機又唔見有問題！？

係咯，拉電線比燈箱賣廣告又得嘅。