中九龍幹線設計及減少對居民滋擾方案

原帖由 hokachung 於 2013-6-20 20:02 發表
受中九龍幹線工程影響，加士居道天橋將會重建同起隔音屏障
但條最令人憤怒嘅係重建後嘅加士居道天橋仍維持每方向1條行車綫

乜唔係話新橋每邊兩線咩? 又改?

原帖由 jpoon 於 2013-6-21 01:13 發表

其實可以響新碼頭街開個口?

要開個路口, 不如直接由啟德起條跨灣連接路過去算,
但啟德隧道不遷不拆, 新碼頭街整出口有點多餘.

睇見幅地圖, 淨係搞呢隻角應該駛左唔少$$做勘探/評估,
如果一早用填海解決, 邊駛搞咁耐.

原帖由 EX-TL 於 2013-6-21 01:22 發表

要開個路口, 不如直接由啟德起條跨灣連接路過去算,
但啟德隧道不遷不拆, 新碼頭街整出口有點多餘.

而家東行入唔到啟德隧道呀
仲有，就算比起接駁路去啟德，東邊體育館、郵輪碼頭都有交通需求，得一個口邊度夠用?

睇見幅地圖, 淨係搞呢隻角應該駛左唔少$$做勘探/評估,
如果一早用填海解決, 邊駛搞咁耐. ...

如果冇翔龍灣夠得咯
如果可以穿過煤氣鼓、十三街夠可以啦

將來可以用土瓜灣道和承啟道往九龍灣, 路程仲短過紅磡去土瓜灣,
出返啟祥道或啟福道就可以揀去牛頭角.觀塘.將軍澳.油塘或東隧過海.

我認為中九龍幹線主要作用係將跨區重型車輛與市區車流分隔。
西邊係貨櫃碼頭、內河碼頭、機場、深圳灣大橋、港珠澳大橋等物流命脈，
而東邊連接九龍灣工貿區、觀塘工業區、將軍澳工業區、將軍澳堆填區等等，
中九龍幹線將有助減少龍翔道及偉業街的車流，並善用三號幹線九龍段容量。

其實正正因為中間無出入口，先至唔會造成二度擠塞，就算畀你有個出入口，
土瓜灣十步一盞燈、公主道周不時受紅隧甚至獅隧影響，隨時因快得慢。

基本上自從玫瑰園工程開始，新的主幹道都不會直接叉落舊路，有好有唔好，
成條三幹都好暢通，一個直隊佐敦道的出口就搞到例塞（而家唔知有冇好轉）。

奇想（地區本位）：甚至可以利用中九龍幹線將302扭過去西隧，以灣仔為總站，縮短里程，更快到達中環。

[ 本帖最後由 DIH 於 2013-6-21 10:11 編輯 ]

原帖由 DIH 於 21/6/2013 09:45 發表

奇想（地區本位）：甚至可以利用中九龍幹線將302扭過去西隧，以灣仔為總站，縮短里程，更快到達中環。

改 621 / 641 這些不經北角的觀塘東隧線似乎也非不可行。

加士居道天橋中間一段穿過上海街停車場大廈。

呢段路足以令佢擴闊困難，因為當初起停車場大廈時有預留空間作天橋之用，
如要擴闊，便要連同大廈很多部分一同拆除才可做到，技術上不可行。
如果單單不擴闊呢段路，咁加士居道天橋只會繼續塞，同而家無分別，咁使咩要整咁多野？

中九龍幹線是為往返東西九龍提供直接道路，
中間沒有必要有任何支路，因為現有東九龍走廊，加士居道天橋，
中九龍幹線只要出入口兩端的設計四通八達便做到應有的功能。

屆時由新界西往中九龍、東九龍的車輛可以全數駛入中九龍幹線，
中間一段佐敦道，加士居道，馬頭圍道的擠塞都會減少。

原帖由 石頭 於 2013/6/21 13:50 發表
加士居道天橋中間一段穿過上海街停車場大廈。

呢段路足以令佢擴闊困難，因為當初起停車場大廈時有預留空間作天橋之用，
如要擴闊，便要連同大廈很多部分一同拆除才可做到，技術上不可行。
如果單單不擴闊呢段路，咁加士居道天 ...

拆樓要啲咩技術咁不可行？楝嘢唔係一直話會拆嗎？

原帖由 238X 於 2013-6-20 09:39 發表

其實地勢問題都有影響，睇返官網，條隧道中間係山，

起交匯處 (最好似乎係出入公主道 / 衛理道) 隨時要挖多幾條長隧道 (雖則咁做分流效果應該仲好) ...

其實又唔駛起成個交匯處通晒幾個方向, 只係集中起一條支路來往中九幹線西段同公主道南段, 令紅隧/紅磡繞道來往三幹嘅車可以改行中九幹線, 已經可以大大改善加士居道嘅塞車情況。

中九龍幹線工程包括拆卸油麻地停車場大廈。而家係明明拆左停車場，但又
重建番一條同原本一樣一來一回的天橋，才會引起呢度咁多討論。

原帖由 石頭 於 2013-6-21 13:50 發表
加士居道天橋中間一段穿過上海街停車場大廈。

呢段路足以令佢擴闊困難，因為當初起停車場大廈時有預留空間作天橋之用，
如要擴闊，便要連同大廈很多部分一同拆除才可做到，技術上不可行。
如果單單不擴闊呢段路，咁加士居道天 ...