為何西鐵不設葵芳站?

原帖由 UCR683 於 2013-7-31 22:13 發表

應該是與葵芳饋電站，及地下管道的葵芳中性區有關。

鐵路係起黎載客，梗係車站位置行先，之後先再搵位再去定呢D設施。

用今日己有0既設施夾硬講番轉頭就係本末倒置...

西鐵如果有葵芳站，不一定要提供轉乘功能，或者可以學尖東做閘外八仔轉乘優惠，
收費區無須緊連的話，車站設計可有較大彈性。

葵芳站比荃灣西更接近熱門消費點，又有劇院同運動場等社區設施，客量不成問題。

計下計下西鐵都至少有三個車站因不同原因被放棄。

如果屯門站起後100~200米仲好啦
係正市中心隔離

原帖由 DIH 於 2013-8-1 08:57 AM 發表
西鐵如果有葵芳站，不一定要提供轉乘功能，或者可以學尖東做閘外八仔轉乘優惠，
收費區無須緊連的話，車站設計可有較大彈性。

葵芳站比荃灣西更接近熱門消費點，又有劇院同運動場等社區設施，客量不成問題。

計下計下西鐵都至 ...

荃灣西日後亦有大量客源﹐現時比較人流少﹐只是上蓋物業未發展。


至於葵芳設站﹐當年無落實/未建葵青戲院便可機會設站﹐當年建議車站位於葵青戲院則邊一段葵福路。
但此段路本身闊度唔係太闊﹐加上車流亦高﹐結合起來便難度相當高﹐車站月台亦未必足夠應付人流。
如果推前去到現時變電站的位置﹐又會太過遠離市中心位置﹐人流吸引力會降低。


假如真的在建議地方建站﹐車站月台可以粗糙去講解闊度。
上面的馬路為4線行車﹐行人路唔佔用﹐以保持與周邊大廈作一個距離。
列車闊度約1條行車線﹐車站結構加起來用1條行車線﹐樓梯及自動樓梯又最少用1條行車線﹐這處便用了3條行車線﹐餘下的月台便只有1條行車線﹐大約3-4米空間。
以今天的標準﹐真的窄了一點。
大家可以講﹐港島線不少車站月台都相約。但問題係月台後面有通道﹐把進出月台的人流分散﹐車頭車尾的人不必在月台行足全程﹐會有部份路程在後面的通道穿梭。
但葵芳站無條件去加設這些通道﹐因為後面已經有建築物/已有用途的土地﹐不能佔用。

又一以現時情況講番轉頭本末倒置0既例子

西鐵規劃時葵青劇院仲未有耐動工。葵青劇院仲要係政府物業，唔會出現海運大廈講唔掂數呢個問題。

樓上先講完有一幢工廈因起西鐵而拆卸，你估大欖隧道一路去到屯門完全唔駛收地？

唔識繼續扮專家，樓上0岩0岩先講完又唔理，真係奈你唔何

原帖由 s3n370 於 2013-8-1 12:52 PM 發表
又一以現時情況講番轉頭本末倒置0既例子

西鐵規劃時葵青劇院仲未有耐動工。葵青劇院仲要係政府物業，唔會出現海運大廈講唔掂數呢個問題。

樓上先講完有一幢工廈因起西鐵而拆卸，你估大欖隧道一路去到屯門完全唔駛收地？
...

http://zh.wikipedia.org/wiki/%E8%A5%BF%E9%90%B5%E7%B6%AB

1996年末，行政局把西鐵興建權批予九廣鐵路公司。主權移交後，特區政府大力推動基建的政策下，經走綫重組及處理財務安排，港府終於在1998年授權九鐵公司興建西鐵。原先路綫在節省成本的前提下，只連接天水圍新市鎮至深水埗新填海區的新車站，而延伸至屯門的鐵路，當局認為在輕鐵的幫助下，押後至第二期再作研究。然而，在屯門區居民強烈反對後，政府最終同意把第一期計劃南延至屯門市中心。同年9月15日，行政會議正式通過興建西鐵工程的第一期，即興建連接屯門站至南昌站的鐵路路段，而這個耗資464億港元興建的鐵路系統於2003年12月20日正式通車。

http://zh.wikipedia.org/wiki/%E8%91%B5%E9%9D%92%E5%8A%87%E9%99%A2

葵青劇院（Kwai Tsing Theatre）是香港新界葵青區的一座劇院，位於葵涌興寧路12號，葵芳港鐵站對面。劇院於1996年動工興建，耗資約4億7000萬港元，於1999年11月18日由臨時區域市政局主席劉皇發主持正式開幕，

這樣便要看 "規劃" 一詞﹐係邊一個時間計算了。
你可以講上世紀80年代已經有計劃﹐當時葵青戲院仲係空地/爛地。
不過計劃都未落實﹐好難去「生人霸死地」﹐要留這一塊用地。



根據維基資料﹐1994年12月開始做藍本﹐95年11月交給政府。1996年尾政府才落實由kcr去建西鐵﹐1998年9月才落實走線及車站。
而葵青戲院亦於1996年動工﹐1999年11月啟用。如果計算埋動工前的設計﹐撥款等程序﹐係早過西鐵做藍本的時間。


去到1996年﹐政府交由kcr去起西鐵 (當時只係按照kcr所交的計算書﹐去做詳細的走線及車站設計﹐所有野仲有得改動的)﹐當時劇院已經動工了﹐所以便無法去提供位置/預留位給西鐵作為車站一部份。


ps. 唔好以為政府地﹐政府建築物會比私人地/建築物易處理﹐有時官僚主意﹐隨時拖到好耐才可解決。
ps2. 其他地方收地﹐係因為唔收地便起唔到﹐完全阻礙走線。但係車站問題﹐可以作出取捨﹐所以唔係非整不可﹐便唔會花太多時間心機去處理收地問題。

[ 本帖最後由 kei_hk 於 2013-8-1 15:01 編輯 ]

借用早前kwyeung兄對閣下某帖的回應，如果將閣下錯誤之處刪除，就只會剩下引述的資料。

連起佐0既樓都可以收回拆卸，歷來咁多大型工程重置過0既社區設施有排數。
未起0既改工期、設計甚至搵過塊地算得係乜？

再講，小弟唔知乜野係閣下自創0既官僚主“意”。
技術官僚係有問限時內必答，0岩程序規矩唔可以say no。點慢點拖都有數得計。
個人及私人機構可以開天殺價，甚至睬你都傻。

大型工程由初步規劃到完工，整個過程都要不斷同官府打交道。
更何況九鐵以至上佐市0既港鐵，本身係有“官僚”成份0既公營機構。
閣下覺得佢地應付官僚係難題，同話正職巴士司機唔識楂車無乜分別。

[ 本帖最後由 s3n370 於 2013-8-2 01:45 編輯 ]

原帖由 K仔 於 2013-7-30 21:01 發表
當年有興趣刊物《港鐵誌》第五期探討過這個問題，可以參考一下

特此重新上載《港鐵誌》第四、五期，供有興趣人士參考
第四期：http://db.tt/vuimG8tv
第五期：http://db.tt/qSTHcbHf

多謝支持

[ 本帖最後由 declan 於 2013-8-4 02:59 編輯 ]

原帖由 053h4 於 2013-8-4 22:20 發表
不設葵芳站講到尾只係恨錯難返
而工程需要封路話唔起，可謂本末倒置

以前睇過1990年代的鐵路發展策略研究報告，當中的西鐵部分，的確是不設葵芳站。
因為當時西鐵已設定為「區域通勤鐵路」。