政府積極考慮興建南港島線(西段)

原帖由 kei_hk 於 2014-1-15 14:17 發表


當中西區的車去東區的車﹐不再需要進入市區入面﹐市區內的道路便少了車﹐有助承擔增加的交通需求。


而銅鑼灣一帶已經係已發展區域﹐再增加的交通需求係比較低的 (相對要發展新的住宅區)﹐所以仲可以拖一拖的。

ps. 南港島 ...

巴士私家車等不再進入市區所產生市區道路的idle capacity並不能直接代替鐵路乘客使用

北港島線

兩者重疊而可以互相替代的部份似乎相當少

平心而論, 就算南港島線(西段)起好要殺晒全南區的巴士, 那又如何?
第一: 鐵路總有盲點位係到唔到, 巴士在這個時候就有補全作用.


第二: 要記住華富薄扶林一帶的巴士是由那裡開出, 中環, 深水埗/旺角, 全部都係旺區, 有鐵路可以紓緩到旺區的交通壓力, 何樂而不為

第三: 有人話當年華富有五萬人巴士都搞得掂, 但記住當年巴士係主要交通工具, 想加班就加班, 想買新車就買新車, 現在呢? 旺區的巴士流量係有配額, 巴士公司的車隊數目都有限制, 人口增長之後想加車加班, 就算有另一區或另一條路線可以將巴士拱手相讓, 要成功解決客流都不是一件易事.

第四: 有人話南港島線東段已經可以滿足到華富一帶的交通流量或乘客量, 但請到紅隧口107, 170, 171的車站看看, 有那一個時間不是排長龍, 南區去中環的巴士為何不能一線走天涯而是一邨一線, 不要忘記還有海洋公園的遊客, 靠南港島線東段去解決華富一帶的交通, 未免太樂觀.

第五: 現時970系列去到港大一帶已有上車難的情況, 西營盤下游更是上不到車, 借問如果薄扶林再建新的公共房屋, 現時的巴士服務可以應付到嗎?

第六: 有人話南區多了十萬人口, 巴士都可以支持得住, 但請您早上七時至七時半左右到東涌逸東邨巴士總站望一下, 嶼巴的38號線有多少人排隊, 巴士又幾多分鐘開出一班, 記住逸東只係有45000人口, 38亦都只係半小時行完一轉的短途線......如果南區真係多了十萬人口, 而巴士起碼1小時才走得一轉的話, 要幾多架巴士才可以應付到如此龐大的客量?(不要忘記現在的970系列已經要派出40架巴士行走, 但仍是求過於供)

我們是巴士迷, 喜歡坐巴士是正常的, 但喜歡果陣都要顧全下整體的交通發展, 不是盲目地去說巴士有幾好有幾得, 而不斷用鐵路代替巴士是原罪來支持.
後記: 有人話何東夫人堂支交通燈會阻礙交通流量令車速減慢, 不如拆掉它, 但借問, 拆掉它之後去那裡過馬路.

利申: 西營盤下游居民, 今年內有鐵路直達

[ 本帖最後由 gordon 於 2014-1-15 16:00 編輯 ]

原帖由 053h4 於 2014-1-15 16:03 發表
171,107,171 全部客量都係流向東段
970最少有一半客流量係西區客, 2014年底就要大輻減班啦

呢D原因為個幾萬人洗成百幾億開條線, 真係嚇死人

另外, 38逸東根本無野, 個個要出東涌市中心返學轉車返工又或找市區設施
...

西段排第三如何？即先建北環、交滙版北港島線先再到佢

南港島線西段會唔會在概念上已經縮到只係東段支線？如果係，就唔使用好多錢。
等新的鐵路發展策略報告出爐就有分曉。

可能大家仍有一個想法, 現在行10分鐘一班的巴士唔夠? 咪加到5分鐘一班囉, 遊戲好似係咁簡單, 但香港成個交通政策都令到這個遊戲規則不是這麼易, 巴士唔係話加班就可以加班, 加班而額外要用的車, 是必須要從其他線減班或取消讓出來的, 所以要解決額外多出的人流, 起鐵路可能是唯一的方法.

新界北區的情況係嚴峻一些的, 奈何是大部份北區居民都已經習慣了以鐵路出入, 甚至自己居住的區域的巴士路線也不知道的時候, 條東鐵線唔迫就假.

可能你會覺得嶼巴38個例子不夠理據, 但我借問聲, 逸東邨的居民當年為何會選擇逸東邨, 可以講的是部份早期搬入的居民都是被房署誤導該處很快有鐵路站而選擇搬入去的, 同埋逸東邨都可能仲有個東涌站分流一下, 但南區不同, 難道將薄扶林果十萬的一半居民即五萬人, 早上以巴士載到黃竹坑站或者香港大學站轉乘鐵路? 但你記住坐巴士由華富去到中環都可能只是半小時, 去佐敦都係45分鐘左右, 轉鐵路其實優勢不大, 那麼早上載居民去鐵路站的巴士, 又要幾多架車才夠, 又要犧牲那一區或者那一條路線去成全他們?