開放八達通在新型售票機作小額增值的可能性？

原帖由 kei_hk 於 2014-7-14 22:29 發表


根本港鐵(輕鐵除外)係唔想收$0.1/0.2﹐5亳如果唔係計算加價比率問題﹐以免一加要加$1﹐分分鐘連5亳都唔收。

仲想叫MTR回硬幣

MTR俾個位金管局放部機回收硬幣或者有得諗
叫MTR幫手回收
真係發夢

原帖由 siupy 於 2014-7-15 10:35 AM 發表



MTR俾個位金管局放部機回收硬幣或者有得諗
叫MTR幫手回收
真係發夢

叫金管局向mtr租個位放部機回收硬幣或者有得諗
叫MTR俾個位放部機
真係發夢

原帖由 tvcc 於 2014-7-15 00:04 發表

唔洗用"聽說"字眼,
現時長者八逹通 或 含有合資格全日制學生身份/"$2"乘車優惠計劃的個人八逹通卡
已經可以用$10作最少金額增值!!

但是昨天本人到油塘站替長者八達通卡增值四十元，當值的客務中心職員表示長者八達通最少增值五十元，其後本人到將軍澳站客務中心同樣以四十元增值長者八達通卡，當值的客務中心職員表示長者八達通最少增值五十元

http://www.mtr.com.hk/ch/custome ... opus_add_value.html
前往任何港鐵客務中心，由職員為你的八達通增值，增值數額為港幣50元或其倍數。如屬長者八達通，或已加註「學生身分」或「殘疾人士身分」的個人八達通，最低增值額為港幣10元。

原帖由 horsedog83 於 2014-7-15 11:38 發表
但是昨天本人到油塘站替長者八達通卡增值四十元，當值的客務中心職員表示長者八達通最少增值五十元，其後本人到將軍澳站客務中心同樣以四十元增值長者八達通卡，當值的客務中心職員表示長者八達通最少增值五十元 ...

根本客務中心

職員同7-11 收銀員無咩分別，

佢地邊會咁神心同你Update 最新資訊

仲有分佢地係唔係親生定係外判，邊記得咁多規則，仲有外判服務特別差

我有次想增三十，佢話只可以每次增十蚊，咁我話我增三次十蚊得唔得，佢又無野講，同我增

[ 本帖最後由 dogdog 於 2014-7-15 13:41 編輯 ]

會唔會有人搭一次車入一次八達通....


P.S. 搭台北捷運用悠遊卡有八折
車票原價最平車資20台幣=5.2港幣
悠遊卡八折最平車資16台幣=4.2港幣

依稀記得(唔知有冇記錯) 十幾年前地鐵堆票機仍然收1毫2毫.
當年諗盡辦法洗晒d神沙就係坐地鐵洗晒佢.

之後變左只收5毫.

家下得番部份汽水機會收你d毫子. 慘過核廢料人見人憎. 我屋企門口個裝散紙的卡片盒大拿拿裝滿6個7個.

唔係我地想要散紙, 係要d seven/百記賣野成日19.8, 20.9 ..找番堆一毫兩毫... 你想我點?

原帖由 cn2661_2d32 於 2014-7-15 06:07 PM 發表
依稀記得(唔知有冇記錯) 十幾年前地鐵堆票機仍然收1毫2毫.
當年諗盡辦法洗晒d神沙就係坐地鐵洗晒佢.

之後變左只收5毫.

家下得番部份汽水機會收你d毫子. 慘過核廢料人見人憎. 我屋企門口個裝散紙的卡片盒大拿拿裝 ...

通常我都係在家出門口，又係坐巴士的情況下，會預先執定一堆毫子(總額不過2元)，再加其他硬幣組合成巴士的車費，另外放開在衫/褲袋，以便一手可以輕易拿出來又唔駛數，便可清理一大堆毫子。

而家想坐鐵路又可以用神沙付款(不需職員人手處理的情況)？
一係坐港島其中一款獨有的鐵路，一係坐屯門元朗天水圍獨有的鐵路(唔收1毫但有得找1毫)

原帖由 老鼠vS老虎 於 2014-7-15 16:36 發表


P.S. 搭台北捷運用悠遊卡有八折
車票原價最平車資20台幣=5.2港幣
悠遊卡八折最平車資16台幣=4.2港幣

不止如此, 臺北搭巴士轉捷運仲有轉乘優惠, 每次用悠遊卡轉乘按該程應付車資減8元新台幣(2元港幣), 另外新線通車時仲會俾悠遊卡免費搭新路段一個月, 後面果項極度建議港鐵參考

[ 本帖最後由 mak5052 於 2014-7-15 21:04 編輯 ]

原帖由 mak5052 於 2014-7-15 09:03 PM 發表

不止如此, 臺北搭巴士轉捷運仲有轉乘優惠, 每次用悠遊卡轉乘按該程應付車資減8元新台幣(2元港幣), 另外新線通車時仲會俾悠遊卡免費搭新路段一個月, 後面果項極度建議港鐵參考 ...

唔駛諗，可以放心相信港鐵100%絕對唔會參考，
呢度係萬事以前錢為先嘅香港，港鐵貴為上市公司，
吓吓都要搵錢揾到盡，執好盤數向股東交數，
況且而家鐵路開始進一步壟斷公共交通嘅情況下，
唔會擔心無人搭，更加唔會做呢啲便宜我哋班草民嘅好事。

仲有想新票機有得作小額增值同接受碎銀增值，
我諗人哋肯做都幾難。
但如果佢肯仲推多好多功能，之後分分鐘學倫敦地鐵咁，
客務中心肯定會關唔少，同埋好多客務員都唔駛撈都似。

成日喺度話學人哋外面呢啲嗰啲，但呢度係講錢嘅香港，
如果香港真係跟到人哋同改到文化，
乜鬼創意產業、文化產業早就掂咗十世啦!
理想嘅嘢真係留番夜晚同周公講好過。