(討論)如果西九龍一地兩檢，紅磡可否也一地兩檢？

原帖由 bjbus 於 2015-7-31 01:51 PM 發表


不過為什麼深圳站這麼多年都不設口岸呢？
其實以前的羅湖快車如果可以直達深圳站，
在深圳才過大陸關，效益會更大，也可以減少直通廣州的列車 ...

都要深圳站有條件才可以

最基本係要有空間做出入境大堂﹐其次係有獨立通道及月台﹐有效地分隔過境與本地乘客。

我不清楚深圳站是否有這個最基本的條件了。



另外﹐現時直通車係sell中途不用落車﹐所以沒有這個安排。

但係﹐有一點我唔多肯定﹐當年新增肇慶的直通車的初期﹐乘客都要在廣州辦理出入境手續﹐之後才可以上車繼續行程。



點解我會講高鐵可以考慮用深圳等地集中做出入境手續﹐主要係因為高鐵其實係可以去到好遠﹐比現時的直通車更遠。
而且﹐專用軌道亦容許開更多的班次﹐即係可以去更多的目的地。
如果再每一地點再增加出入境設施﹐人手成本便會越來越高﹐車站又要劃出專用地方﹐對日後開新線會做成壓力。

現時的直通車﹐路線都唔算多﹐這個問題都不算大。但係如果想再發展網絡﹐車站增加﹐便要考慮出入境的安排了。

原帖由 kei_hk 於 2015-7-31 14:27 發表
點解我會講高鐵可以考慮用深圳等地集中做出入境手續﹐主要係因為高鐵其實係可以去到好遠﹐比現時的直通車更遠。
而且﹐專用軌道亦容許開更多的班次﹐即係可以去更多的目的地。
如果再每一地點再增加出入境設施﹐人手成本便會越來越高﹐車站又要劃出專用地方﹐對日後開新線會做成壓力。

現時的直通車﹐路線都唔算多﹐這個問題都不算大。但係如果想再發展網絡﹐車站增加﹐便要考慮出入境的安排了。

是咁的，而家政治環境咁差，加上港府自己5年來都沒有／不能解決這個問題，隨著開通日期越來越近，
我（作為業餘愛好者，或假設我係決策者）會用最壞情況去計劃首五至十年的營運模式。

我真係唔覺得香港有需要開好多直達車去二三線城市，一架飛機仔都fill唔滿，何況鐵路？
其實港府／港鐵可以利用香港往內地城市的航班／長途巴士客量資料，
再計埋高鐵是否有時間優勢，去推算高鐵市場定位。

睇公務、旅遊、回鄉、遊學幾種出行目的，廣深段以外，
我估最熱門都係北京上海杭州福州廈門汕頭武漢長沙鄭州西安，
剛剛好十個站，夠了，甚至有部分唔一定要。
往廈深專線要開倒頭車，都唔知會唔會有直達班次，
如果冇，用深圳北做出入境就搞掂。

我相信，要內地整幾個counter，安排一批有車到先開工的職員，
會易過在香港搞一大輪修改基本法程序，至少這應該是準備通車的短期措施。
港府亦應該同內地政府早作兩手準備，一地兩檢法律上真係難搞，唔通傾唔成唔通車咩。

睇返世上唯一一條要出入境的高速鐵路：Eurostar，
都係得兩條主要路線，倫敦一日開30班左右。
假設香港用類似pattern照顧長途客，加大量廣州短途，應該可以滿足頭十年需要。
至於一地兩檢，同好多中國特色一樣，搞唔掂咪由佢囉，可能等多30年就唔使再諗。

至於在#10你講乜野車站選址呢？
上面乜都起好晒，主要高鐵站都勁大，相信地方不成問題，只係「揀邊個站停」而已。

單用某一車站全車人上車落車唔係理想做法，我意念係沿線整多幾個口岸，
乘客去到過關之後自行散水，入城的入城、轉車的轉車，唔使班車等來等去。

～個人愚見～

[ 本帖最後由 DIH 於 2015-7-31 17:04 編輯 ]

原帖由 DIH 於 2015-7-31 16:42 發表

是咁的，而家政治環境咁差，加上港府自己5年來都沒有／不能解決這個問題，隨著開通日期越來越近，
我（作為業餘愛好者，或假設我係決策者）會用最壞情況去計劃首五至十年的營運模式。

我真係唔覺得香港有需要開好多直達車去二三線 ...

中方可授權“中旅社職員”處理入境上車乘客預審核/代報關,
有問题中方邊防深圳上車都未遲
“鐵道部職員/MTR”跟全世界鐵道公司一樣有絶對權限
可拒絶某乘客登上旗下列車而無需理由;及
檢查上車行李有無遺禁品

原帖由 89B 於 2015-7-31 17:13 發表


中方可授權“中旅社職員”處理入境上車乘客預審核/代報關,
有問题中方邊防深圳上車都未遲
“鐵道部職員/MTR”跟全世界鐵道公司一樣有絶對權限
可拒絶某乘客登上旗下列車而無需理由;及
檢查上車行李有無遺禁品 ...

呢個方法的確可以解決到北上問題
但解決唔到南下問題
中旅社人員可否驗查南下旅客行李??
假設有人偷運國寶經西九龍出境
用中國法律定香港法律審??

原帖由 kei_hk 於 2015-7-31 12:16 發表

睇怕都係在沿線某一個位﹐建一個地方專供來往香港的列車停泊做出入境手續。
而這個地方﹐可以在深圳站劃一個位﹐如果無法提供位置﹐便北上搵一個空地建一個專用車站。

此舉﹐最多是放棄深圳<>香港的客源﹐或者深圳加減乘客去其他地方。

放棄深圳<>香港的客源係最愚蠢的做法

從交通規劃及效益角度睇，深圳<>香港係最迫切需要特快交通的路段，
因為深圳<>香港冇飛機冇直通火車，只有需時最少50分鐘、以人行方式步入深圳邊緣的東鐵/直巴，
唔似其他地方一係有直通火車一係飛機，而且深圳<>香港人流往來需求係最大

從港鐵收入角度睇，無論乘客係去深圳定北京，港鐵分賬都係一樣(港鐵只擁有西九龍至福田段)，
港鐵唔會咁蠢為左佔10-20%的長途客唔駛中途上落車而完全放棄佔50%以上的港深客量

從政府角度睇，高鐵客量達標(10萬)係對當年反高鐵人士當頭捧喝的最佳方式，
若完全放棄深圳<>香港的客源，高鐵係100%冇可能客量達標，有5萬客已經要還神了，
亦係反高鐵陣營的終極勝利

我覺得任何涉及修改基本法嘅事都唔可以做一地兩檢係法律，政治，權力，外交問題
根本唔可以用efficiency 角度去考慮。
不過大家用幻想心態去討論就當然可以

原帖由 Kaix 於 2015-8-1 12:52 AM 發表



放棄深圳<>香港的客源係最愚蠢的做法


從交通規劃及效益角度睇，深圳<>香港係最迫切需要特快交通的路段，
因為深圳<>香港冇飛機冇直通火車，只有需時最少50分鐘、以人行方式步入深圳邊緣的東鐵/直巴，
唔似其他地方一係有直通火車一係飛機，而且深圳<>香港人流往來需求係最大


從港鐵收入角度睇，無論乘客係去深圳定北京，港鐵分賬都係一樣(港鐵只擁有西九龍至福田段)，
港鐵唔會咁蠢為左佔10-20%的長途客唔駛中途上落車而完全放棄佔50%以上的港深客量


從政府角度睇，高鐵客量達標(10萬)係對當年反高鐵人士當頭捧喝的最佳方式，
若完全放棄深圳<>香港的客源，高鐵係100%冇可能客量達標，有5萬客已經要還神了，
亦係反高鐵陣營的終極勝利

正如上面其他人所講﹐即使無一地兩檢﹐高鐵完成後都會一樣照開車。

大不了咪在各個大陸車站加出入境設施。

深圳作為最近邊境的車站﹐可能要硬食做埋其他省市的出入境手續﹐以集中處理﹐方便日後擴大高鐵網絡﹐可以去任何一個省市﹐免卻出入境問題。


我自己睇﹐高鐵上深圳都唔係最大客源﹐事關所謂的行車時間係快﹐但係接駁車程都要考慮在內﹐未必夠東鐵本身/巴士去競爭。
反而睇長線﹐廣州打後的地方﹐才是真正受惠高鐵車速高的地方﹐足以抵消接駁的時間。

將來的發展﹐我估廣東省外的班次會比廣東省內的理次為多。