2015年新硬幣

估唔到咁快就見到2015年壹蚊銀


但唔知點解
呢個銀仔年份好似刻得好淺
幾乎摸唔到有紋

本人在網上也找到2015年版的5角硬幣的照片, 但還未看到真實的.

理論上,現行硬幣流通量愈來愈少
會唔會因為咁,近年要鑄造新既"銀仔"?

ATR83 發表於 2016-3-30 22:07
理論上,現行硬幣流通量愈來愈少
會唔會因為咁,近年要鑄造新既"銀仔"?

14年開始已經有硬幣回收計劃，政府宜家借呢個計劃黎加快消滅女皇頭既進度，所以先要造新硬幣

cyc_yin 發表於 2016-3-31 10:35
14年開始已經有硬幣回收計劃，政府宜家借呢個計劃黎加快消滅女皇頭既進度，所以先要造新硬幣
...

其實自洋紫荊硬幣於97年之前推出﹐已經開始殺女皇頭硬幣﹐成個回收計劃已經進行了廿年有多*。*(視乎不同面額推出日期而定﹐當新款推出後一段時間便開始回收舊幣)



成個計劃(包括紙幣)係當有舊鈔舊幣返到銀行﹐便會抽出來﹐用新鈔新幣換出取代﹐舊鈔舊幣便會交回金管局銷毀。


現時尚有少量女皇頭硬幣流通﹐多數係多年間都未流返銀行﹐只在市面上流流轉轉﹐因而未被政府收回。




當然﹐有些人會儲下儲下﹐夾雜了一些女皇頭存在家中﹐透過今次 "收銀車"﹐可加快回收女皇頭。
但女皇頭所佔的數量﹐基本上唔會太高。


即使無 "收銀車"﹐只要這一批女皇頭再流番去市面﹐兼且去到銀行﹐銀行亦會按機制收起﹐交回政府處理。


而硬幣流失﹐金管局都提過幾個原因﹐當中包括電子交易增加﹐令到市民收到硬幣後較難再用﹐儲晒在家中。另外遊客會帶走部份港幣(包括紙及硬幣)﹐作為紀念用途 / 面額少難以對兌自己國家貨幣。

亦有傳聞﹐有一段時間金屬價格高企﹐有部份硬幣被不法分子溶掉去賣。


針對收藏家中的散紙﹐ "收銀車" 便是一個好方法去加速硬幣流轉﹐以維持市面有足夠硬幣進行日常交易。
"收銀車" 並非針對女皇頭硬幣而出現的。


PS. 講到尾﹐要有收銀車面世﹐又係同銀行商業運作有關﹐存入硬幣要收手續費﹐結果手上有一大堆硬幣都唔會刻意處理(反正存入銀行都係得個吉)

kei_hk 發表於 2016-4-1 14:59
其實自洋紫荊硬幣於97年之前推出﹐已經開始殺女皇頭硬幣﹐成個回收計劃已經進行了廿年有多*。*(視乎不同 ...

其實無論係舊硬幣或紙幣去到銀行都會盡量被換成最新發行既樣式（但日期唔一定係最新），個個國家為左防止偽鈔／假幣都會有咁既措施，而香港一直都有，不過我想指出係近幾年先有既硬幣車同不斷宣傳既所謂「硬幣收集計劃」係更加加快左硬幣消失既進度，所以係近年先再鑄造新幣。
根據政府新聞稿，「硬幣收集計劃」係以所謂既先導計劃形式推行兩年
http://www.info.gov.hk/gia/general/201512/02/P201512020450.htm
[url]http://www.info.gov.hk/gia/general/201507/17/P201507170674.htm

cyc_yin 發表於 2016-4-1 22:12
其實無論係舊硬幣或紙幣去到銀行都會盡量被換成最新發行既樣式（但日期唔一定係最新），個個國家為左防止 ...

如果係防假貨幣而回收舊版﹐一般只會針對紙幣﹐甚少對硬幣進行﹐原因係做假硬幣的成本仲高過本身面值(近年十元硬幣除外)。

過去香港都因應偽鈔去加速回收個別版本的紙幣﹐在損耗未達到需要更換的程度﹐都提早見一張收埋一張﹐用新版取代。

但係硬幣﹐由於無做假的誘因﹐所以除了因為年代交替﹐根本無需要做回收。

過去除了97回歸要收回女皇頭外﹐再早期有英女皇登機﹐俗稱男人頭的舊硬幣都用相同方式收回﹐慢慢更換成女皇頭。


不過﹐硬幣唔係無假野﹐除了$10硬幣外﹐早年$5都有假野﹐當年用十角形做5元硬幣﹐配合當年生活指素﹐令到面值上可以cover成本﹐所以當年都好多假5蚊。
結果十角形五蚊都要回收﹐由現時便用的款式去取代(當年當然係女皇頭﹐之後改用洋紫荊)


至於係唔係收銀車目的係加快舊硬幣消失﹐我唔太認同的。
事關97回歸前已經開始回收女皇頭﹐所以大部份女皇頭硬幣都應該被回收。
點解近年都成日要推出新製造的硬幣﹐除了日常流失(即係旅客﹐外遊等因素)﹐真係市民家中儲埋唔少。
每次收到硬幣之後﹐都好少搵機會流番出市面﹐令到市面硬幣流轉得慢﹐如果要推多一些新貨去補充番﹐以便商鋪交易有足夠硬幣使用。

講真﹐如果唔係銀行收取高昂手續費﹐相信唔少人都肯定期想方法把硬幣回流番銀行﹐便可減少定期加推的硬幣數目。



PS. 收銀車回收的硬幣﹐除了女皇頭外﹐都唔係所有硬幣都可重新流番出市場的。因為會有部份有損耗(例如崩角)﹐這一些都需要回收銷毀的﹐有需要用新幣代替。
女皇頭硬幣﹐以至回歸前的舊款鈔票﹐即使完好無缺﹐都已經係恆常回收貨幣種類﹐都係見一收一不再流番出市場(銀行職員走漏眼另計)。

硬幣既少少分享
上年年尾係食店找返黎既1960年一蚊銀

kei_hk 發表於 2016-4-1 23:00
如果係防假貨幣而回收舊版﹐一般只會針對紙幣﹐甚少對硬幣進行﹐原因係做假硬幣的成本仲高過本身面值(近 ...

咁點解15年都仲有新幣？99年最後個批造完，基本上新幣都取代曬當年大部分女皇頭啦，八達通都普及左咁耐，照計硬幣需求係越來越低。政府一直都消滅緊僅存既女皇頭，加埋日常流失如果真係咁犀利，照計99年打後每年都有機會鑄幣。就當13年造個批$1解決左呢個問題，點解係隔一年既15年又造？

cyc_yin 發表於 2016-4-3 00:45
咁點解15年都仲有新幣？99年最後個批造完，基本上新幣都取代曬當年大部分女皇頭啦，八達通都普及左咁耐， ...

女皇頭是否仲存在市面﹐我會講一定有﹐但真正流通在市面作為交易﹐這個數量真係值得相確。(真正流通量要扣除收藏及在家中囤積量)


但係自1993年起﹐已經開始進行「見一收一」的方法回收女皇頭﹐由新硬幣取代﹐而去到2013年大約回收了8.8億個女皇頭。

政府似乎都無公佈透過2部收銀車﹐收回多少女皇頭硬幣回來。

只有講市面上的女皇頭在多年來的回收過程﹐令到市面上只剩1成係女皇頭。
但1成硬幣﹐如果以「個數」去睇係唔少﹐但以百份比去睇便是低了。

http://hk.apple.nextmedia.com/financeestate/art/20150102/18988575



至於點解近年都一直要造新硬幣﹐可以睇以下的link
http://hk.apple.nextmedia.com/financeestate/art/20150102/18988572
https://hk.finance.yahoo.com/blo ... 4%B6-060916626.html


有一點要留意﹐維基百科有一段是這樣寫
https://zh.wikipedia.org/wiki/%E ... F%E7%A1%AC%E5%B9%A3

1997年9月，電子收費系統八達通面世，並迅速普及，使硬幣需求量大減。因此，自1999年至2011年間，香港再沒有新硬幣發行，相隔14年後，直至2012年才重新推出2元及5元硬幣。

有一點亦要大家要理解﹐政府唔會每一年都會落單去鑄造硬幣的﹐而係每一次做定一大批﹐之後存倉﹐待有需要補充之時﹐在倉庫提取應市。
同一時間﹐每次落單做新硬幣﹐亦不一定所有面額都鑄造﹐可以只鑄個別面額的。

所以這一句﹐配合當時市面情況﹐應該係理解為 93年開始換新幣﹐取代女皇頭﹐所以去到98年每年都有落單及推出市面。
而93年去到98年落單的總數目﹐應該係同當時流通量係相等的﹐再加上一大批額外備用數量。

落單數目同女皇頭數目相等﹐這好易理解﹐因為要舊換新。

至於一大批用作備用﹐這是政府一早已經知道每年每一面額的流失量﹐每一款面額的需求量﹐每次造幣所需的成本﹐金屬價值有否上升。
所以﹐當時便造定一批備用硬幣供未來多年去應市。

即是 1999 至 2011年不是沒有新硬幣加入市面流通﹐而係用98年的一批去應市。

但始終存倉的數量有限﹐點都會有用完的一天﹐所以近年便要按照存倉量去再訂做新幣應市。