觀塘延線港鐵客流未來預測

何文田站根本唔系何文田

miklcct 發表於 2016-7-15 17:20
何文田站根本唔系何文田

唔知廿年後何文田會唔會同沙田、九龍灣、牛頭角、九龍塘、荔枝角、銅鑼灣、鰂魚涌‧‧‧‧‧‧一樣「移位」呢？定還是好似(九廣鐵路第一代)大埔、油麻地噉，車站要正名呢？

miklcct 發表於 2016-7-15 17:20
何文田站根本唔系何文田

仲衰過hku,西營盤站

ArnoldC 發表於 2016-7-15 19:46
唔知廿年後何文田會唔會同沙田、九龍灣、牛頭角、九龍塘、荔枝角、銅鑼灣、鰂魚涌‧‧‧‧‧‧一樣「移位 ...

最初何文田係指何文田街附近，九龍維景酒店一帶窩打老道。
後來搞搞啦山上面條邨叫做何文田邨
之後連山頂座配水庫都叫埋東何文田配水庫
甚至開始落埋山嘅何文田公園
去到近年，連差唔多落到對面山腳嘅理大宿舍（即係新地鐵站個位）都被叫做「何文田宿舍」，但嗰度明明係老龍坑，同本來嘅何文田已經風馬牛不相及（因為已經隔咗成座山啦）。
再係咁落去，可能隨時連紅磡都會變埋何文田！

Kaix 發表於 2016-7-14 23:58
荃灣線同觀塘線原有路段客量都會稍為上升，
但只係多兩個站能夠多幾多人??
相信唯一能夠肉眼觀察到的係油麻 ...

Errrrr... 其實你知唔知船已經摺左好多年...

miklcct 發表於 2016-7-15 23:27
最初何文田係指何文田街附近，九龍維景酒店一帶窩打老道。
後來搞搞啦山上面條邨叫做何文田邨
之後連山頂 ...

不如改番做「十二號山」啦~

053h4 發表於 2016-7-18 19:52
以紅隧口的塞車程度, 我睇好多土瓜灣客以"自己方式"去坐觀塘延線(特別係早繁)

客量應該會有較大增長

咁要睇吓去黃埔/何文田站坐返上油麻地（甚至太子）轉荃灣綫過海嘅吸引力係咪真係咁大喇....

brian 發表於 2016-7-18 21:25
咁要睇吓去黃埔/何文田站坐返上油麻地（甚至太子）轉荃灣綫過海嘅吸引力係咪真係咁大喇.... ...

當然大, 如果你日日搭212, 係漆咸道北塞死個感覺極唔好受

053h4 發表於 2016-7-18 19:52
以紅隧口的塞車程度, 我睇好多土瓜灣客以"自己方式"去坐觀塘延線(特別係早繁)

客量應該會有較大增長

2個情況 :

一是真係過海的乘客﹐另一係唔需要過海的乘客。


情況一﹐紅磡區(包括何文田站附近)﹐早已經選用隧道巴﹐又去到塞車的尾段﹐對於他們而言﹐用MTR去油麻地再轉車去過海﹐時間上可能仲耐﹐未必會考慮。

情況二﹐紅磡區去九龍其他區域﹐這一類真係轉投鐵路的機會會增加。特別係去彌敦道(油麻地以北)及西九龍一帶﹐真係紅隧口的塞車﹐唔係紅磡區出入的常客都知什麼一回事。
去東九龍一帶﹐其實都有著數﹐特別係沙中線興建期間﹐九龍城一帶的交通繁忙/塞車﹐鐵路雖然兜了路﹐但來得可靠﹐這些真係要開通後自己試那一方法為佳﹐那一方法最適合他們自己。



其實之前有報導講﹐一些隧道巴會在鐵路開通後﹐檢討客量有需要便cut班次﹐正正係講緊第2類客去東九龍的影響。
正所謂車同鐵都唔見得那一邊有大優勢﹐倒不如睇情況﹐乘客點去選擇﹐再跟實際情況去檢討班次。

即使少了去東九的非過海客﹐巴士公司都只係慳到車﹐例如九龍方向的班次﹐唔再每一班都去到觀塘一邊﹐可以九龍城掉頭載客返香港﹐以提升紅隧口巴士站處理人流的能力。


不過點都好﹐紅隧本身都唔會因為鐵路開通而唔塞車﹐影響唔會明顯。
真係過海的人唔會大量改變去坐鐵﹐即係車流唔會明顯下降。

反而﹐係周邊地區會因為巴士線減少(例如 212 會取消﹐6C/6F 這些會減班.......)﹐令到周邊地區交通有改善﹐順便令離開的紅隧車流好少少﹐減少倒塞的情況。