如果"結構扭曲到可以出現嚴重入水"的話,其實你應該擔心O個程車去唔去到終點。
斷螺絲可能會滲水,
但如果"嚴重入水"就一定唔止係斷幾粒螺絲/拉釘咁簡單
高速行駛時的震動/氣流分分鐘足以將部車解體了。
|
|
|
|
|
最初﹐唔少人以為假千九係照抄份舊圖﹐100%照複製。
但係部車來到香港﹐其實都有些位已經睇到假千九唔係100%照抄﹐而係有些改動的。
大家睇到車身的凹陷位﹐同原裝千九(以日本新造車卡都有相同問題﹐但唔多)﹐反映了車身支架位置﹐發現真假千九係有唔同之處的。
大陸廠應該係參考大部份野(主要係外型)﹐車身支架係有改良過的。
甚至乎MTR/KCR本身都知車身結構有先天缺陷﹐已經叫車廠留意並且改良。
所以﹐大陸廠應該唔會中伏的。(以相同問題而言)
|
|
|
|
|
本帖最後由 kei_hk 於 2016-8-23 22:54 編輯
原文係用「發現車頂出現不同程度的扭曲,即結構出現問題,比《傳真社》說的「裂紋」更嚴重」
只係講係結構性問題﹐相比裂紋來講係更嚴重。
但從來無提及過結構有什麼問題﹐那一方面出問題﹐以及嚴重到什麼程度。
我自己去估﹐有幾部車貼上白色貼紙﹐情況係去到車頂外殼有變形/有裂縫﹐有機會行車時氣流加劇車頂扯開的機會﹐所以用貼紙由頭包到尾﹐令到無裂縫入風入氣流﹐同一時間係防止入水。
無貼紙的車﹐問題未進化到車外殼有裂紋﹐無入風無嚴重入水問題﹐所以暫時唔需要做 "急救"。(滲水應該係有的﹐但由於車廂仲有內部組件﹐有滲水都未必入到車廂內部影響到乘客)
但係車身支架變形﹐應該係事實﹐但變形位唔係外殼焊接位﹐所以車頂未受影響。
|
|
|
|
|
老實講, 我都好懷疑係咪真係結構性扭曲咁大鑊, 定誇大失實
1. 十幾年車就扭曲, 車身質素應該係好低好低.. 除非日本仔設計失誤, 否則冇乜可能發生.
2. 如果真係設計失誤, 我睇仲動用個Option 叫IKK造增補車卡非常不智.可能呢幾卡用多幾年成抽都收皮.
3.呢個年代, 咁大問題冇可能遮掩得住, 一定有"內部消息人士"爆晒料, 講到批車隨時解體, 要立刻停駛, 龜鐵應變差
4. 同樣係呢個(強國)年代, 日本仔當年出錯, 龜鐵一定唔會掩蓋, 甚至大肆張揚話日本車有問題, 大條道理訂中國車.
5. 況且, 批車係九鐵買落, 地鐵性格根本唔需要mind冇面, 一定話九鐵當年訂錯車blablabla.
(頭盔),: even批車真係有問題, 我諗最大可能都係問題出在九鐵身上.
第一代D201, 圖紙傳聞係九鐵自己設計, 最後過唔到負重同扭曲.
我懷疑問題冇根本解決, 最後Kawasaki改良設計都阻止唔到發生.
|
評分
-
查看全部評分
|
拆樓捉貓隊之珠寶成色鑒定員.
|
|
|
1. 以我認識, 金屬呢家野一般都係頭嗰幾年損耗比較快之後損耗速度會減慢, 所以如果有問題頭嗰十幾年應該可以睇得出細微變化。所以有問題車廂唔係即刻唔用得。
2. 目前路邊社消息出現問題的大多數係駕駛室 "D" 車廂, 好似川崎佔多 (有錯請指正)。應該唔係大規模出現問題 (至少文中冇咁樣講), 所以整個系列都應該可以達到預期壽命。
問題係有幾多車廂出現問題啫...如果小規模出現問題, 個人估計設計未完善+材料有問題混入雜質的可能性比較大 (同新加坡出事南車一樣)
3. 以港鐵嘅性格乜野都要保密, 肯定多一事不如少一事。唔通自己捉蟲咩, 佢又唔駛踩日本車捧大陸車, 佢幾時買大陸車都得
|
|
|
|
|
認真編野可信性好有問題,有結構問題會就咁用幾塊膠紙痴著就算然後照常載客?
另外有指個page已經被收編,由係港鐵做PR既人管理,可以算係「非官方既官方組織」
仲要係咁強調大陸車品質好過日本外國,買大陸車平靚正有道理,又話d傳媒抹黑大陸車
根本好令人懷疑個page既中立性,感覺個page已被收編
|
|
|
|
|
工業用膠紙, 吾係你屋企果卷
飛機都有用, 點解火車吾用得?
|
|
|
|
|
但係自己爆其中一款車有安全隱患﹐去話「中國車又平又正又安全」﹐根本唔合理。
外人目標好清晰﹐便要要列車做到百份百安全﹐自爆有車有安全性的問題﹐外人只會從這一方面「攻擊」﹐唔會同你去想另一個曲線暗諭。
更重要的係懷疑出問題的列車﹐仲有好多年使用﹐唔係進入生命倒數階段﹐這樣自爆唔見的有好處。
你話MLR有問題﹐而家會用方向處理﹐數年後由新車取代﹐我個心都安心D。
另外﹐貼工業用膠紙﹐只係作出臨時性的處理﹐即係「急救」﹐以免情況再惡化﹐拖到去大修的時間才處理。
我認同係相關列車情況未必太差﹐係有時間去處理維修﹐稍為嚴重的要先做「急救」去減慢惡化﹐令到有更多時間去處理所有列車﹐唔需要抽出相關車卡緊急維修﹐令到唔夠車用。
|
|
|
|
|
其實車身又好﹐樓又好﹐本身都會預算有一定程度的扭曲﹐作為行車期間的振盪/強風吹襲的緩衝。
問題係會唔會自己返回正常的原位﹐如果會自己返回原位便無事。
客觀去講﹐文章只係講有結構性問題﹐無講過這個問題有幾嚴重﹐睇唔出有什麼誇大﹐但有沒有失實﹐便好視乎批車是否真係有這方面的問題。
1. 十幾年車就扭曲, 車身質素應該係好低好低.. 除非日本仔設計失誤, 否則冇乜可能發生. 據了解﹐車本身係KCR自己做設計﹐自己做開發的﹐但係去到生產造車時﹐車廠發現有一上問題﹐才出手幫忙處理解決。
所以話日本仔設計失誤﹐所佔的比重應該係好細。
2. 如果真係設計失誤, 我睇仲動用個Option 叫IKK造增補車卡非常不智.可能呢幾卡用多幾年成抽都收皮. 如果真係設計失誤﹐但係有得補救﹐叫IKK 加補車卡﹐其實無問題﹐只要新車卡有處理這個補救便可。
另一方面﹐唔搵番IKK﹐又無邊處買增補車卡? 學大陸真係一抽車2間不同車廠﹐真係唔怕兼容性問題?
而且﹐日本廠的行車電腦寫得好死﹐連加減車卡都要原廠處理﹐仲敢搵另一間車廠去做增補車卡? (當年馬鐵轉西鐵 4轉7卡時﹐正正要原廠去處理)
3.呢個年代, 咁大問題冇可能遮掩得住, 一定有"內部消息人士"爆晒料, 講到批車隨時解體, 要立刻停駛, 龜鐵應變差 有些野﹐真係睇下內部遮掩得好唔好。同埋內部的人是否覺得根本係平常時﹐問題是否真係嚴重。
這一點﹐我無評論。但好肯定無推上報﹐MTR的公關係唔會有任何回應的。
4. 同樣係呢個(強國)年代, 日本仔當年出錯, 龜鐵一定唔會掩蓋, 甚至大肆張揚話日本車有問題, 大條道理訂中國車.
5. 況且, 批車係九鐵買落, 地鐵性格根本唔需要mind冇面, 一定話九鐵當年訂錯車blablabla. MTR官方自爆又好﹐被外人踢爆又好﹐根本唔存在部車係邊個國家生產﹐大家係注意批車是否安全﹐到頭來咪又係受插。
如果車係有問題﹐對自己的名聲聲譽絕無好處﹐用來借喻大陸車好﹐想出這個策略的人﹐有如幼稚園學生。
**********************************************************************
我估車係有問題﹐但同一時間係有得維修處理﹐正如汽車發生意外﹐車身受損都有得維修一樣。
而家唔係車陣出問題﹐係車身支架/外殼問題﹐應該有得處理﹐只係需要時間﹐但短期內唔會出事。
至於中國的複製車﹐我上文都有分析﹐應該有修改過車身結構的﹐相同問題應該唔會發生。
|
|
|
|
|
1. 其實剛剛相反,損耗一般會隨老化加快的,
又,如果設計不當而導致容易出現金屬疲勞,使用壽命便會大大縮短
2. 如果如傳聞般係駕駛室出問題,
會否係設計階段有部份應力被低估?
|
|
|
|
|
|
Advertisement
Advertisement
Advertisement
Advertisement
Advertisement
|