[#48 紀念票詳情] 觀塘綫延綫進度紀者會撮要

alexleechaksum 發表於 2016-9-22 15:23
其實講開繁忙時間班次安排
我真係唔係太明...

我知繁忙時間係一班以何文田為尾站
一班係以黃埔為總站
咁班次方面唔係應該兩者都係4分鐘一班咩
夾埋就大約每兩分鐘有一班車

宜家何文田兩分鐘一班 黃埔四分鐘一班
唔係講到好似何文田車開得密啲咁咩

繁忙時間﹐的確係 1班何文田﹐1班黃埔﹐不斷重覆。


因為何文田2分班的班次﹐係 "總站 + 途徑" 的班次﹐所以係2分鐘﹐黃埔只有總站的班次﹐於是便是隔班車4分鐘一班。

簡單講﹐何文田的班次係等如調景嶺至油麻地相同﹐班班車都係途徑﹐所以沿途車站一律都係2分鐘。



現實你去何文田站/由何文田出發﹐又真係每2分鐘有一班車﹐又真係無錯。

alexleechaksum 發表於 2016-9-22 15:23
其實講開繁忙時間班次安排
我真係唔係太明...

何文田  > 2分鐘 > 何文田,黃埔 > 2分鐘 > 何文田
> 2分鐘 > 何文田,黃埔....

咁何文田係咪2分鐘一班
黃埔4分鐘一班

九巴53xxx 發表於 2016-9-22 13:42
借問聲何文田站會否像康城穿梭列車一樣要所有乘客落車，還是使用東涌站容許乘客留在車上？
...

何文田總站既車落左客之後會先入調頭隧道，再開去何文田站往調景嶺月台

你當調頭隧道係黃埔站2號月台就岩啦

所以當何文田車入左調頭隧道就要等黃埔站果部開左出黎先，何文田車先至會開出

我諗咁長時間未必會肯俾人留係車啦，唔怕佢拉手制咩

--------

不過照咁睇其實咁做都幾嘥地方同埋車

如果油麻地直入何文田往調景嶺月台會唔會比較有效率？

當然上落客係一個重要問題

不過而家電腦代既年代應該可以做得彈性少少唔洗咁死板

GU9338 發表於 2016-9-22 13:14
坑口 - 寶林係雙線雙程 , 只要列車係寶林一開走  , 下班就可以入站
而何文田 - 黃埔係單線雙程 , 要等上一 ...

或者應該咁講
坑口至寶林因為波口位近寶琳站。所以車一出寶琳基本上下一班可以貼住入

而何文田至黃埔。

何文田==#調頭隧道---黃埔

#代表波口

因為往黃埔方向列車經過波口後仍需駛經與調頭隧道長度相若路程才抵達黃埔站。
所以先唔可以做到同寶琳站相同班次
至於點解唔將波口起近黃埔站
估計係唔想當有故障時影響整段延線路段服務，
例如當有壞車便可以推入調頭隧道不用佔用月台影響班次

kei_hk 發表於 2016-9-22 10:49
好波~~~

與黃埔站比較﹐又係唔少目的地選用紅磡站(用東鐵線)會較平。

唔只比紅磡站貴，仲比好多巴士線都貴，例如212、106、115、30X
睇怕除非運輸署用行政手段，否則區議員實唔畀cut線
不過唔知對孚紅線有幾大打擊呢？而家都見唔少人響仁孚等小巴，但通車後呢班客可能會搭班次更密嘅港鐵

tkf_2005 發表於 2016-9-23 01:12
或者應該咁講
坑口至寶林因為波口位近寶琳站。所以車一出寶琳基本上下一班可以貼住入

如果個波口要起近黃埔站 , 另一邊 (去調景嶺) 既隧道都差唔多要用埋德安街 / 德民街地底

一來唔知有冇位起 ,
二來如果變成寶林站設計而班班車都入黃埔 , 咁繁時就肯定要減班

jpoon 發表於 2016-9-23 03:56
唔只比紅磡站貴，仲比好多巴士線都貴，例如212、106、115、30X
睇怕除非運輸署用行政手段，否則區議員實 ...

鐵路比巴士貴﹐不是今天的問題﹐一直都存在﹐所以唔需要同巴士做比較。
鐵路在穩定的行車時間取勝。

至於 212﹐註定無得留下﹐有幾多客肯花時間在紅隧口慢慢塞

30X 已經淪為跨區大流水線﹐暫時最多只係減班﹐唔會cut的。(萬一MTR出事﹐這條線都係救火路線之一)

106/115﹐這要睇乘客們自己用腳去選擇啦。

6C/6F 應該會有改動合併﹐但係未有黃埔站之前﹐其實早便應該處理這2條大幅重疊的路線問題。
現時 6F 可以修改一下深水埗一帶的行車路線及總站﹐以取代212的地位。



至於紅VAN﹐政府一直都想取締這個近乎無監管的行業。
繼續由得紅VAN自生自滅﹐或者轉做綠van囉﹐有無鐵路開通﹐這個政策都無改過。

icecone 發表於 2016-9-22 14:01
好諷刺，個收費表係計站數而唔係實際距離
北角去黃埔係要$14.2，仲貴過去何文田，油麻地，旺角
隔離既渡輪 ...

你既講法
等同尖沙咀去中環搭都係$2/3.4~

tkf_2005 發表於 2016-9-23 01:12
或者應該咁講
坑口至寶林因為波口位近寶琳站。所以車一出寶琳基本上下一班可以貼住入

可能係更易明的例子 :

睇下現時紅磡站及尖東站的情況﹐波口位於近尖東站的。

寶琳便是東鐵年代﹐黃埔便是西鐵年代的情況。


即使西鐵未受尖東隧道工程影響要減速﹐班次都受這一段路限制左﹐便是基於紅磡開車要去到尖東才可放番條路出來給後車進入﹐完全唔可以在尖東隧道內等開車﹐
但東鐵年代列車係可以在隧道內等轉波口再入尖東站月台﹐無咁易影響到之後的列車前進﹐運作效率亦比西鐵年代為高。


而家何文田至黃埔的佈局﹐便等同現時西鐵尖東(何文田站)及紅磡(黃埔)的佈局﹐唔同的係尖東開出後經波口﹐只有1條軌係去到月台﹐另一條軌無得上落客/紅磡站其中一個月台被封閉。



PS. 如果何文田站附近有壞車﹐係會推車入黃埔站月台﹐再繼續推前超出月台後暫存﹐月台後的一段路軌係夠停放一抽車的﹐唔會用到何文田站的掉頭隧道。

GU9338 發表於 2016-9-23 08:34
如果個波口要起近黃埔站 , 另一邊 (去調景嶺) 既隧道都差唔多要用埋德安街 / 德民街地底

一來唔知有冇位 ...

如果黃埔站及去何文田之間有足夠空間建隧道﹐我寧可黃埔站做雙層月台﹐上層供上落客﹐下層只供落客(在必要時才安排乘客可在此月台上客)。

由於下層月台只係落客非主力﹐月台可以做得細一點﹐上落的通道可以少一點﹐以節省空間。

到時﹐去黃埔的班次可以繼續維持大約2分鐘一班車﹐由黃埔開出為4分鐘一班車(因隔班在上層月台上客﹐下層唔上客)。


但係﹐這樣做便會在蕪湖街底會非常高難度﹐可能係黃埔站只設單一月台的最關鍵問題﹐無法在此位置做到跨越上下層的波口位及相關隧道。

如果波口位近何文田站﹐便會同西鐵尖東去紅磡站佈局相同﹐基於佔用路軌時間太長﹐都會令到班次同樣受到限制﹐最終成為現時的情況。