定點班次的定義討論

我個人理解,定點班次之定義,應該係固定時間,乘客唔駛估就清楚知班次.

咁譬如岩岩281M調整班次,某時段做25分鐘一班,你地覺得咁樣係咪定點?

我覺得唔算,因為乘客依然要數,每25分鐘數一數,究竟個個時間實際開幾點;

反而如果乳豬紙寫明每小時開出時間,乘客唔駛數,咁就稱得上定點.

唔好意思,題目有少少無聊,但係真係想聽下大家對個"定點"睇法.

大概早 4-5 年前老九開始廣泛應用定點班次冇耐
呢到有個 post 討論過呢個問題
當時有版友話過根據老九當時新請由柴小轉過去既大人物所作出既定義
班次 12 分鐘以下冇咩所謂，但 12 分或以上既應該既 60 既因數 (12, 15, 20, 30, 60)
又或者好似 74A 個種雖然有段時間係 45 分一班，但明確地寫清楚時間所以冇咩影響

由廣泛應用定點班次起，第一條唔係用 60 既因數做既定點班次係咪 32 (2015 年 1 月 19日)
佢地日間都係 25 分一班

15, 20, 30 分鐘就係
咩9分鐘, 13分鐘當然唔好
去到個站睇都冇用，因為都已經行咗去先知道幾點有車

去到60分鐘一班未同你定點, 如果唔係只係借定點為名, 減車減班為實, 有幾何唔收車唔拉車跟足時間表開先?

即係咁
15分1班
全日
00 15 30 45

同
00 15 30 45
下一個鐘變做
03 18 33 48
之後又變做
10 25 40 55

都係15分1班，1個鐘4班車
但寫出來的不是同一回事

最少係要可以輕易計到幾時有車, 15分鐘以上既車唔定點係好唔方便

1320 發表於 2017-1-21 16:12
最少係要可以輕易計到幾時有車, 15分鐘以上既車唔定點係好唔方便

所以咪有偉大的發明囉﹐官方手機app查詢到站時間。


老老實實﹐講明00,15,30,45 總站開車又點?
塞車/交通延誤﹐無車回到總站﹐咪一樣無車開......  
總站準時開車又點?  中途有延誤﹐之後的站咪又係有排等........

00 15 30 45
呢雒定點既好處只限於總站  分站依然要靠ETA

Gary_B 發表於 2017-1-21 17:33
00 15 30 45
呢雒定點既好處只限於總站  分站依然要靠ETA

首幾個距離唔遠的分站都得﹐但係分站距離開出的總站越遠﹐定時開出的效果越細。

所以在我觀點﹐定時開出並不是一個有效方便乘客預時間等車的方法﹐勉強要做到定點定時﹐隨時有反效果。
試想一下﹐一個總站同一時間多條巴士線一齊開出﹐總站出口塞巴士
之後對出的一段馬路有條60米的金龍出現

在實際效用唔大﹐加上有ETA﹐沒有太大必要再堅持定時定點開車。

盡快增加總站及分站裝電視機﹐顯示ETA 及賣下廣告﹐比定點開車更為實際。