高鐵香港預計每日開行超過一百對列車

HU6455 發表於 2017-12-1 02:10
有時, 社會係要有新思維, 先會有進步

世界上所以運作良好既野, 都有佢既第一次, 如果當時外國又話"呢樣係 ...

我認同社會係要有新思維，不過啲新思維就唔會係喺中國呢個地方成功囉
好似最近啲共享單車，嘩好先進喎，不過搞搞下睇下而家咩情況？
為地球製造大量垃圾囉

香港被超越？唔好睇咁多咩中研院報告喇
中國真係咁強大就唔駛個個既「中国萝」都係拎外國護照移民啦
香港近年係倒退緊，但呢種倒退係源於香港自身既獨特性正在消失
香港一路成功係建基於香港與中國既分別
香港愈同中國同化，香港只會慢慢步向死亡

Kaix 發表於 2017-12-2 01:57
你仲未分清飛機同高鐵的分別，
西九開出的同一班長途高鐵係載住去廣州/武漢/北京的乘客，你點樣去計北京 ...

我講既係, 香港人去北京, 因為有飛機競爭, 唔會選搭高鐵, 而香港又有幾多人去武漢, 長沙呢?係高鐵吸引力唔大之下, 乘客會更少

我地黎睇下, 呢到有A, B, C, D, E, F, G, H, I, J十個人, A同B去北京, C同D去深圳, E去廣州市, F去廈門, G去武漢, H去粵北, I去上海, J係廠佬去東莞睇廠
A同B因為飛機快好多所以搭飛機去北京
C同D去深圳, C住九龍, 搭高鐵去福田, D住新界, 搭東鐵經落馬洲過關
E因為廣州南距離市中心遠, 決定去深圳搭動車去廣州東
F想去福建探親, 本來想搭高鐵, 不過原來一日一班車, 所以改搭飛機, 一日六班
G去武漢, 搭高鐵, 唯一一個受惠一地兩檢既人
H去粵北, 冇高鐵去, 搭直通巴
I都因為飛機快好多所以搭飛機去上海
J就唔使講, 當然搭自己架中港牌私家車啦

十個人裡面, 只有兩個搭高鐵, 一個長途, 一個短途, 你話多唔多人搭啦, 除非你認為長沙, 武漢, 南昌好多香港人去啦

全世界機場都係補貼外地旅客/商人，促進貿易，促進就業，令本地人受惠，
你知唔知香港作為亞太航運中心直接間接養活左幾多十萬人??

咁你又知唔知而家機場飽和係因為中國既空域問題同客運大樓泊位不足?
點解客運大樓泊位不足? 因為有另一座客運大樓比人Cut左囉

我地黎睇睇機場原本既設計圖, 見唔見到中間有個好大個X呢? 唔係機場講粗口喎


原來而家中場客運廊既位置原本有一個X形客運大樓, 提供四十幾個泊位, 但係而家縮左水, 淨返個得20個泊位既中場客運廊, 咁飛機冇位停, 咪塞飛機囉
停車場唔夠車位係咪開多幾個出入口就解決到問題? 版友可以參考下呢篇由林超英先生寫既文章, 內容係講機場失去競爭力既主要原因

重有空域問題, 香港機場既最大起降班次本應唔止咁少, 但係由於空域問題, 無法發揮預期效用, 版友可以去睇下呢篇文章裡面已經詳細寫左有關空域既問題,
不過當然機管局大把錢, 想起三跑既就自己比錢, 支持既都應該多D搭飛機, 比多D機場建設費呀

053h4 發表於 2017-12-2 10:47
我地黎睇下, 呢到有A, B, C, D, E, F, G, H, I, J十個人, A同B去北京, C同D去深圳, E去廣州市, F去廈門, G ...

A要喺中午到北京，因為搭飛機快好多，所以搭飛機
B就因為要早上上北京開會，搭頭班飛機趕唔切，周日晚喺九龍食埋個晚餐就上動臥過一夜
C住九龍去深圳，搭高鐵
D住新界，搭東鐵經落馬洲過關
E因為廣州南距離市中心遠，但係嗰陣聯絡線已經起好，喺西九龍搭動車一車直達廣州東
F想去福建探親，雖然直達高鐵一日得一班，不過廈深線咁多車，喺西九買定聯程票喺深圳北轉車都好過搭飛機啦
G去武漢，搭高鐵理所當然
H去粵北，無高鐵去，但香港直通巴班次疏，搭高鐵返咗大陸再轉
I商務客去上海，買咗張可改可退嘅機票，但因為上海空域飽和得太嚴重，加上天氣預報唔好，出發前一日發現飛機delay得太緊要，即刻退票，搭高鐵去上海
J去東莞睇廠，到時又係聯絡線已經起好，喺西九龍一地兩檢搭動車一車直達東莞

你可以睇到，呢度A至J，得A同D係用唔着高鐵（喺聯絡線起好前E同J都用唔着），10個跨境客有8個都可以受惠，剩返個D都因為聯絡線通後高鐵取代直通車亦都間接受惠（係得A咁好彩班飛機無delay）。

053h4 發表於 2017-12-2 10:42
企業家精神, 本身就係冒險, 可以失敗GA
以前香港去其他地方投資設廠成功例子多, 失敗例子少

高鐵係中國梗係成功啦, 不計成本, 無限資源咁起, 你玩Simcity開個SandBox無限錢你起乜都成功架,
大家可以睇下呢篇日本經濟新聞既報道, 中國鐵路總公司現有近4.8萬億元既鉅額債務, 請問係商業上點樣成功法?
知唔知4.8萬億係幾多錢? 根據政府統計處, 香港政府2015-2016既總收入係4500億港圓, 約3800億人民幣,
香港外匯基金係2015年有3萬4000億港圓, 約2萬8775億人民幣, 即係話賣哂全部香港外匯基金都唔夠還

你唔好同我講京滬高鐵有錢賺, 得佢一條賺錢, 其他都蝕到渣都冇,
以前日本國鐵又係起完一條東海道新幹線賺到錢, 跟住又唔計成本周圍起新幹線, 起到負債纍纍, 結果要分割民營化,
果筆數還到而家都未還完, 最後要撇帳, 即係以後都唔還

如果不計成本咁起, D野起出黎一定成功架, 你試下機場起10條跑道500個泊位, 所有快速公路20線來回, 地鐵九鐵全面4線化, 加到一列車15卡, 任何時間90秒一班車?
咁樣一定成功, 以後都唔會飽和啦? 不過邊個比錢起呢? 中國高鐵無限刷錢起高鐵一定"成功"架,
不過就算條高鐵幾長, 架車幾快, 都一定永遠追唔上新幹線囉, 連車尾燈都見唔到呀

一樣野是否成功唔係睇佢有幾多樣世界紀錄, 係睇佢既質素, 管理, 效率, 相信日後東西線如果有千九同偽千九比你地揀黎搭, 版友們又用腳黎投票架啦

另外, 你自己睇番當年數字, 高鐵造價其中669億裡面, 扣左管理費, 近百億, 扣埋額外開支, 成個建造成本係430億, 其中180億係總站

你要知道而家既造價已經唔係669億, 係864億, 多左成200億, 你用個咁舊既數字黎比較有咩意思?
OK, 就當佢180億, 而家根據呢篇新聞, 內地口岸區佔10.5萬平方米, 市值租金約7.25億一年, 換算返係大約7000蚊/平方米 (留意, 係高鐵未通車既租金),
請問呢個租金係高鐵通車後會獲得幾多既提升? 佢要提升幾多先搵得返180億?
我地假設回本期50年, 大約每年3.6億, 究竟高鐵站既存在可唔可以令租金每年多3.6億?
同埋點解唔計軌道建設費用? 高鐵唔靠條隧道成到事咩? 唔通元朗西鐵站上蓋又淨係補貼元朗站既建設費?

呢份頭條日報既報道寫, 高鐵免稅店服務合約, 總值逾3億元, 呢3億又有幾多錢? 幾耐先有180億? 佢原本既租值究竟有幾多? 升幅有幾多?

我就唔係好咩XX專業聯盟講到咁平, 自組財團入標設計LOR, 好似有晒圖, 次次都話平好多
但又唔見佢落手做

我每年交咁多稅比你路政署, 你唔識幫我諗掂佢架? 要我自己做就唔該唔好要我交稅, 收我錢又做唔好野,
真係冇辦法平就唔該解釋下原因, 有咩原因做唔到平D, 而唔係叫我自己做埋佢,
就好似去餐廳食飯, D野唔好食又收得貴, 好聲好氣同佢講返, 比埋建議佢, 點知同我講"咁叻你唔好自己煮?" 呢D餐廳你重會再去第二次?

好似D人話鬧警察就有咩事唔好搵警察咁, 講到佢冇收我錢咁, 佢收我錢做野, 做得唔好都唔可以出聲? They are well paid for it!

同埋我最關注既係一地兩檢既法律基礎, 就算佢幾方便, 如果佢唔合法, 都一樣唔做得, 例如我可唔可以貪快渣架車衝上行人路直衝出去? 撞死你係你事, 最緊要我快?
而家就係, 因為一地兩檢好快 (實際快得幾多?) 你死你事, 犯法都唔理啦, 到時政府又用呢個漏洞做更多"好"事既時候, 重返唔返到轉頭?

今次香港政府用基本法第二十條
"香港特別行政區可享有全國人民代表大會和全國人民代表大會常務委員會及中央人民政府授予的其他權力。"

放棄左第二十二條:
中央人民政府所屬各部門、各省、自治區、直轄市均不得干預香港特別行政區根據本法自行管理的事務。
中央各部門、各省、自治區、直轄市如需在香港特別行政區設立機構，須徵得香港特別行政區政府同意並經中央人民政府批准。
中央各部門、各省、自治區、直轄市在香港特別行政區設立的一切機構及其人員均須遵守香港特別行政區的法律。

如果香港政府第時又借D而又放棄第二十七, 二十八, 二十九條既時候, 到時習大大"強力關照"香港既時代指日可待啦

第二十七, 二十八, 二十九條包括:
香港居民享有言論、新聞、出版的自由，結社、集會、遊行、示威的自由，組織和參加工會、罷工的權利和自由。
香港居民的人身自由不受侵犯。
香港居民不受任意或非法逮捕、拘留、監禁。禁止任意或非法搜查居民的身體、剝奪或限制居民的人身自由。禁止對居民施行酷刑、任意或非法剝奪居民的生命。
香港居民的住宅和其他房屋不受侵犯。禁止任意或非法搜查、侵入居民的住宅和其他房屋。

ky26042008 發表於 2017-12-1 19:11
我再講一次, 高鐵係中國段既收入係唔關香港事, 唔關香港事, 唔關香港事,
因為好重要, 所以要講三次

我不知道你在哪份文件內見到是中國內地段的收入，不算在香港，這部分可能不屬於香港政府／九鐵，但應該屬於港鐵。

國內鐵路也有不同公司，結算方法是挺複雜的，如果用同一套的計算方法，應該是票務收入大部份是歸港鐵，但港鐵須承擔票務銷售開支、鐵路使用費、車站使用費等開支。如果是像你所說，售票收入應該給誰？無償使用港鐵車輛？

國內段收入不是港鐵可控的範圍，因為定價不是港鐵和鐵路總公司協商，估計是和國內的價錢一樣，等於是不同的路局派車而已，另外會限售多少也不是港鐵一方決定。