2036年港鐵系統早上載客量推算

有件事想請教各位：
請問文件第189頁作計算基礎的2013年客運量中，Obs和Syn分別代表甚麼意思呢？謝謝!

Hopuco 發表於 2018-1-9 01:10
有件事想請教各位：
請問文件第189頁作計算基礎的2013年客運量中，Obs和Syn分別代表甚麼意思呢？謝謝! ...

不負責任推測: Obs = observed, Syn = synthetic?

灣仔南同銅鑼灣南既交通需求其實應該由南港島線去做, 當年既計畫係有兩個站, 仲做埋馬場, 最終無左咁都大約知道需唔需要了
當然而家反悔都無用

南北線南行往東區(或者相反)如果無係會展站轉北港島線, 就會逼曬金鐘轉, 咁一定係去曬港島線而唔會係南移既北港島線, 完全無任何誘因用新線
加埋荃灣線, 南港島線同中西區黎既人, 變相加劇港島線金鐘至北角既負擔
將所有線集中曬一個站轉車係災難而唔係方便

灣仔南部同而家灣仔站步距唔算遠, 仍然係灣仔站cover到既, 相反灣仔北仲遠, 而家灣仔站係格硬做埋,
會展站去告士打道到軒尼詩道之間同灣仔站比唔差好多,先係有效分流灣仔站

銅鑼灣南都係原本都cover到, 佢仲衰一到夜晚人影都無隻,車多過人,禮頓道以南既寧願自己揸車塞車都唔會搭地鐵啦(大坑都係),有發展就有需求,咁山頂都好多人住不知個度都起地鐵啦!
當然銅鑼灣北都唔係多人,用原有銅鑼灣站都cover到,咁可能唔起,直接北角到灣仔北都未必唔好

至於啲數字, 就三個字形用: 得啖笑, 睇完就算啦

JP2010.KL1647 發表於 2018-1-9 02:29
灣仔南同銅鑼灣南既交通需求其實應該由南港島線去做, 當年既計畫係有兩個站, 仲做埋馬場, 最終無左咁都大約 ...

先重申返
我建議嘅北港島綫內陸方案
沙中綫、南港島綫以及東涌綫去東區都係經金鐘道下面嘅東涌綫月台直達灣仔、禮頓、天后、炮台山、北角、鰂魚涌、太古、西灣河、筲箕灣、杏花邨、柴灣

荃灣綫、西港島綫係用返現有港島綫月台上將軍綫去灣仔、銅鑼灣、北角、鰂魚涌
要去天后、炮台山可以喺金鐘、灣仔轉將東涌綫
要去太古、西灣河、筲箕灣、杏花邨、柴灣可以喺北角轉綫

所以並唔係將全部去東區嘅乘客集中喺金鐘去港島綫月台轉綫
而係免咗東涌綫去東區要喺添馬、北角轉2次綫之餘
亦都將沙中綫、南港島綫轉港島綫去灣仔至柴灣嘅乘客全數分流去東涌綫新月台前往原港島綫車站(禮頓可以覆蓋利園山、時代廣場及其他銅鑼灣南地區)
金鐘站港島綫月台擠迫情況係顯著改善

金鐘往灣仔段
東涌綫承擔東涌綫、沙中綫及南港島綫嘅乘客
將軍澳綫承擔西港島綫及荃灣綫嘅人流
咁點會係去哂港島綫轉車呢？

禮頓站附近一帶
時代廣場、利舞臺夜晚都有唔少人
附近夜晚都有唔少食肆

希慎係銅鑼灣最大業主
依家陸續將舊商廈重建
依家重建有希慎道利園三期
禮頓中心亦將會重建
禮頓道皇冠假日酒店都重建做商廈加食肆
仲有加路連山道將會成為發展做商業核心區、運輸交匯處及區域法院大樓
十年後銅鑼灣南嘅工作人口增長仲高過灣仔北
當然有鐵路服務就最好啦
講夜晚靜點都旺過添馬同維園

仲有就係銅鑼灣南就係長期交通配套不足先多人揸車導致區內長年塞車
而家起個禮頓站就係增加銅鑼灣南交通配套
吸引市民由路面交通改為搭鐵
將會大大改善銅鑼灣南塞車連帶電車路塞車嘅情況

區議會早就鬧銅鑼灣南交通擠塞問題嚴重
豪宅嗰啲揸車我唔理
但將來去禮頓道及利園山返工嘅人能夠由跨區路面交通轉去鐵路嘅話就已經大大改善銅鑼灣南嘅交通情況
將來去禮頓道及利園山返工嘅人絕對勝過添馬、維園站好幾倍


我建議嘅北港島綫內陸方案詳情列在#37
我喺度cap 返走綫資料
其餘分析及討論請慢慢追post


------------
東涌綫

   東涌西>...>香港

[穿過愛丁堡廣場停車場、遮打花園去金鐘道，東涌綫月台跟港島綫下層月台差不多水平，所以喺伸延去中環站月台下面經過唔會太大問題，過咗港島綫路軌後喺金鐘道爬升]

   >金鐘(雙層月台路軌喺金鐘道地底以鑽挖隧道、大堂及月台通道喺海富花園及金鐘廊去避免大規模明挖，就如以前嘅港島綫設計。雙層月台與港島綫水平相約、上層往柴灣、下層往東涌西，路軌會喺沙中綫月台上面地底跨過)

[沿向東伸延至軒尼詩道及莊士敦道]

  >灣仔(雙層月台路軌喺莊士敦地底以鑽挖隧道、上層往柴灣、下層往東涌西、月台通道用返喺修頓中心/室內體育館附近一帶開鑿設跨月台轉乘、修頓球場亦可以用嚟做新月台通道甚至建閘口直通未來灣仔地下街)

[路軌沿灣仔道穿過摩理臣山經體育道直達禮頓山防空洞地底]

   >禮頓(島式或雙層月台及大堂設於禮頓山防空洞地底、設付費區通道經勿地臣街或波斯富街去銅鑼灣站A 出口或月台)

[路軌沿禮頓道及高士威道直達天后站月台]

   >天后>炮台山>北角>....>柴灣

將軍澳綫
   寶琳/康城>...>北角

[將軍澳綫掉頭隧道改喺地底穿過天后至炮台山隧道下面、經永興街/春風街/琉璃街去維園直達銅鑼灣站月台，炮台山與銅鑼灣之間兩條路軌隧道會交叉上下配合返現時嘅月台配置]

   >銅鑼灣>。。。>堅尼地城

港島東及炮台山仍然可以直達銅鑼灣至灣仔
搭荃灣綫去油尖旺仍然只係兩程車
去中環以西可以喺北角或者灣仔轉乘將軍澳綫

將軍澳綫可以更快直達銅鑼灣以西
去會展改由金鐘站轉沙中綫
去香港站以西可以喺北角或者灣仔轉乘東涌綫
------------

JP2010.KL1647 發表於 2018-1-9 02:29
灣仔南同銅鑼灣南既交通需求其實應該由南港島線去做, 當年既計畫係有兩個站, 仲做埋馬場, 最終無左咁都大約 ...

覆多一段
「會展站去告士打道到軒尼詩道之間同灣仔站比唔差好多,先係有效分流灣仔站」
你知唔知灣仔站同會展站喺邊？

一個係軒尼詩道
一個係比告士打道再北啲嘅會議道
會議道去告士打道嘅距離仲長過軒尼詩道去告士打道

你咁都講得出「會展站去告士打道到軒尼詩道之間同灣仔站比唔差好多,先係有效分流灣仔站」仲要落bold
我真係唔知對你講咩好

由灣仔站行去史釗域道
會展站啱啱先行到去告士打道ja
告士打道以南講最近一定係灣仔站

如果你嗰句成立
我講「灣仔站去告士打道到會議道之間同會展站比唔差好多」都係好合理㗎喎
咁點算有效分流啊？

將金鐘至銅鑼灣直接變四軌仲有效分流過添馬至維園整交匯

eternalflame 發表於 2018-1-9 01:19
不負責任推測: Obs = observed, Syn = synthetic?

應該係

份報告係預計2036時通勤情況，顧問公司用0左不同forecast model去推算
因為要話俾人知邊個model係準確同適合香港，所以要用過往data run一run

Obs 同 Syn 就係實際同推算既結果，第三項係差異
可以見到2013 d data，兩者相差不大，但有部分站varies超過10%，之後run 2026, 2031, 2036 data時要多加留意

cruisesnet 發表於 2018-1-9 00:09
會展站平日可能人流吾多, 但係就係大型活動既清人利器,
有戰略意議

其實會展點會唔多人啊，呢到成日有人嘈灣北720/788難上車, 104晚繁幾多客，他日人地就坐晒鐵路又話早繁灣北6000客出，而士且灣北早繁幾百部巴士，都唔止落6000人
只係呢到有人話灣北少客wor

會展個站我無理解錯就係原灣仔碼頭總站地底，去附近商業區地帶都好方便，有人踩到一文不值難以理解
咁一文不值巴士公司點會出車海做灣北

053h4 發表於 2018-1-9 11:51
其實會展點會唔多人啊，呢到成日有人嘈灣北720/788難上車, 104晚繁幾多客，他日人地就坐晒鐵路又話早繁灣 ...

都話咗104係南北綫服務咯
講幾多次先聽？
沙中綫一通車
新城啲隧巴咪會轉去你講嗰啲720/788/18仲有東隧綫囉。。。
新城依家冇車冇人
唔通買堆新車去serve 東區幾年後
沙中綫通車又擺車入倉封塵？
你做巴士公司就執笠都似
仲話巴士公司可信過顧問
九巴開一兩條綫就講到灣北每小時有萬幾二萬人喺將軍澳、觀塘、東區湧過去
講笑搵第樣

有幾位板友都話唔可信嘅
不如你帶起夾份集資做顧問報告先啦
唔夠就去眾籌啦
喺度齋吹唔會推翻到任何嘢

ryandroid 發表於 2018-1-8 21:32
其實你列咁多一而再再而三列過海巴士之前有冇諗清楚呢？
天水圍過海巴都要拎埋出嚟真係服咗你

你講到沙中綫咁天下無敵，又有冇諗過一條沙中綫食唔食到咁多客先?單靠一條沙中綫真係食得晒?食唔晒就要搵多條綫幫手啦

ryandroid 發表於 2018-1-9 03:56
覆多一段
「會展站去告士打道到軒尼詩道之間同灣仔站比唔差好多,先係有效分流灣仔站」
你知唔知灣仔站同 ...

其實你知唔知灣北好多大廈都有平台，平台有天橋連接呢？
講到史釗域道，會展站一上天橋經灣景中心平台天橋已經落到史釗域道啦，仲方便過灣仔站去囉