九巴98R開辦消息

10598C 發表於 2018-4-24 20:42
都有一兩班98P幫補下嘅...
除非你係嗰種寧願企係街食塵都唔上山路車坐多一陣嘅人啦 ...

回程都只係得1805一班...

kc_loo 發表於 2018-4-24 20:57
回程都只係得1805一班...

遲啲會加一班...

10598C 發表於 2018-4-24 20:40
其實唔一定係因為最順路，你見E22A就知，可以寶林開將南尾站走，只不過坑口就因為咁大部分時候都唔會係尾 ...

其實你同我講緊同一樣嘢

我回緊既版友話坑口交通差，係因為有地鐵
呢個講法唔準確，因為同樣有地鐵既寶林，路面交通好過坑口多多聲
講到尾，都係我上面一句，歷史同地理問題

未有將軍澳線嗰陣呢到不知幾多車，後嚟就因為山下地鐵開左山上一堆線減班陪葬

我覺得咁
唔可以因為以前地鐵未通之前康翠好多車
就覺得2018年既九巴虧待咗你

同樣道理
未有吐公之前，70好風光，開6-7分鐘一班
我估今時今日無人會覺得要開車海俾埔公

你地可以話係將軍澳線開通既受害者
但事實係，無可能做返以前條條線車海5分鐘一班個樣
始終做返地鐵開通前個服務水平，康翠得2.5萬人就算獨市都打唔爆架車

290又係，明明要入寶林嘅前提下，行隧道觀塘道同行山經新清分別根本唔大，但個個見到上山就耍手兼擰頭，就話條線慢點點點...

你未講中個重點

確實有唔少街坊覺得290慢，呢點我奉勸各位版友認咗佢
你落坑口將南問下人，居民意見係咁都無辦法

重點反而係，慢又點？

如果講唔出更好既重組方案
無意思

如果又係290寶林入隧道，咁你不如唔好搞好過

反而值得相榷既係
290X取代290，對於康翠而言，係唔係真係咁唔能夠接受？
我知，行安秀道係慢過秀茂坪道
但如果之後飛返走白虹樓、彩虹站、紅萼樓、筆架山花園、豐力樓五個站
會唔會已經抵消到個車程增幅，同時保留黃大仙轉車站功能？

路過睇下呢篇有關將軍澳又嘈幾多頁先
以往經驗，開親d topic關將軍澳事都嘈足廿幾三十頁，但講黎講去都係3幅被

castanopsis 發表於 2018-4-24 22:37
其實你同我講緊同一樣嘢

我回緊既版友話坑口交通差，係因為有地鐵

我唔係奢望要做返未有地鐵之前嘅水平，但係98C由以前最密3分鐘一班，變成而家夠膽死20分鐘都未必有車，仲要旺角包冇位坐，九龍城包冇得上，唔通咁樣都叫可以接受？

我唔反對地鐵通車減班，但係減到一個程度直程連山上客都就嚟趕落地鐵就唔合理，重點係山上條條線都係兜到九彩，但係山上一有新線就比人指住嚟鬧我就覺得唔合理，講到底咪又係上山是原罪

290X取代290，潛台詞係咩先？290入隧道？係嘅話講過好多次，兜寶林嘅前提下，根本已經冇更快嘅走線，無論上山定係行隧道時間根本唔會差得遠

相反要行隧道嘅我一直都話係290X，先撇除安達，佢地可以用油荃重組，但其實對於將南行隧道一定好好多

第一，290X落隧道可以同290拉開一個明顯嘅差距，觀感上好好多，而其實將南搭290X就算飛走彩虹觀感冇好過，啲人依舊繼續討厭行山，A29P冇將南人鍾意搭已經係個板

第二，290而家係有唔少山上人10.7照去彩虹站，就係貪佢寶達之後直飛彩雲彩虹，有時候搭唔到98A就搭290去地鐵站，假若唔停彩虹嘅話亦都啫係焗人搭98A落觀塘轉車，特別係一堆嘅老隧線

仲有，飛走彩雲佢地得返一條20分鐘一班且迫爆嘅290A，佢地會比你過？難矣

不過如果你講坑口，無論邊條290系行隧道都好低機率會係坑口尾站走

kc_loo 發表於 2018-4-24 20:18
對比98D 理應比798 有條件拆
798 仲係行緊20
98D 放工九展個位日日災難

望到296D個樣，我就真係唔係特別支持98D拆線有時寧願兜多10分鐘，都好過劃一20分鐘一班
尤其回程無得好似去程咁預時間

講真，98D坑口上車，10分鐘入將隧，朝早有特快，已經算係咁

只要開足班次，我係收貨

點解話798要拆線
係因為佢將南上車，20分鐘都未上公路
變咗將南唔少人其實流失咗，同時寶林日日留後又係趕客
如果可以拆線，將南寶林班客回流，有條件去support新增資源

而我又真係唔覺得798拆完線班次會再跌
本身798非繁堆班次，以將軍澳線水平而言，客量係超曬班
繼續做20，將隧口聯合10分鐘一班俾康城轉車，谷埋寶達/康華苑班客落去
效果應該唔差

10598C 發表於 2018-4-24 23:22
我唔係奢望要做返未有地鐵之前嘅水平，但係98C由以前最密3分鐘一班，變成而家夠膽死20分鐘都未必有車，仲 ...

對山上而言，  98A 直出， 98C 直出， 290 直出， 又何來架架都兜到九彩，山下話兜都唔輪到山上話兜啦係咪呀？
98C 廿分鐘一班又點，厹司既野好出奇咩？ 98D 夠收到廿分鐘一班啦，放工及晚間既九龍灣展貿甚至山谷街晨早已經嚇走哂 Fans 啦，剩係得你 suffer？

唔好射錯靶，個問題根本係厹無人又無車都亂開唔受山下歡迎既 290，最好建議就係學中巴咁樣削幾條將北線比新創建
你試下有 796C 係度， 296C 仲敢收到無影班次？

10598C 發表於 2018-4-24 23:22
我唔係奢望要做返未有地鐵之前嘅水平，但係98C由以前最密3分鐘一班，變成而家夠膽死20分鐘都未必有車，仲 ...

拿，98C近年減班我一直極力反對既
我一直覺得應該加返去將軍澳線頭五六年既水平

290X問題
由始至終我都無支持過290兜到寶林先落隧道

反而
如果290X做寶林、康翠、安秀道，然後只停黃大仙一個站就直飛荃灣
然後290做將南坑口（點行可以再相榷）
又可唔可以接受？

康翠<>彩虹問題
呢個真係minor嘢，搭過幾次290都唔覺得特別多人咁做
但真係要認真處理既，不妨考慮下我個95A（將軍澳村康翠<>鑽石山）方案

kc_loo 發表於 2018-4-24 20:57
回程都只係得1805一班...

真係多謝哂