九巴及運輸署撒回66X改道

HB00610 發表於 2018-6-9 01:05
基本上大欖朝朝都咁，唔該話大欖早繁冇車嗰個站友同我食哂D車佢

屯公只會重誇張，個沙倉上斜，青龍頭4轉3，深井上汀九橋個交叉位全部都係塞車位。

如果你話欖隧塞過屯公嘅話俾任何一個屯門人聽都只會當係笑話，屯門公路由80年代到而家都出名塞，甚至Facebook上個「屯門公路塞車關注組」上面日日都有料，有幾可欖隧會塞成咁？

miklcct 發表於 2018-6-9 13:38
屯公只會重誇張，個沙倉上斜，青龍頭4轉3，深井上汀九橋個交叉位全部都係塞車位。

如果你話欖隧塞過屯公 ...

你唔好為駁人亂講野啦。
四轉三唔會關巴士線事，四轉三唔會關巴士線事，四轉三唔會關巴士線事
我公司有個同事係要搭大欖車仲要係68X返工，個同事每個星期期最少報兩次大欖塞車遲到，我同我同事電話喺我搭大欖隧道車，影到嘅塞車相多到數唔哂呀。

屯門公路因為炒大鑊遲到一個月都冇一次。
我搭59X返工嗰半年報過兩次塞荃灣路遲咋。屯門公路塞車好少關巴士線事，除非搭嗰架車要落汀九橋，就算塞，屯門公路去荃灣葵涌嘅車會預早抽頭，所以極限係慢少少。

俾人反駁到體無完膚仲要重複同一點幾次，仲要選擇用唔關事嘅點去反駁人，你。講。夠。大。話。未？

HB00610 發表於 2018-6-9 14:14
你唔好為駁人亂講野啦。
四轉三唔會關巴士線事，四轉三唔會關巴士線事，四轉三唔會關巴士線事
我公司有個 ...

佢個pt係屯公會塞，你個pt係欖隧比屯公更塞
其實你哋都唔係on the same topic

佢話屯公塞係觀感問題
唔至於係講大話與否嘅問題
唔使下下話人講大話又報告人喎，其實你邊位？

反而你話

屯門公路因為炒大鑊遲到一個月都冇一次
我搭59X返工嗰半年報過兩次塞荃灣路遲咋。屯門公路塞車好少關巴士線事，除非搭嗰架車要落汀九橋，就算塞，屯門公路去荃灣葵涌嘅車會預早抽頭，所以極限係慢少少。＂

我就唔同意，剩係上星期我都已經中兩次招啦，睇彩數嘅之嘛
而且深井塞係有機會頂番上巴士線
咁唔通我又話你放流料，又咩報告又咩加你分呀？
唔需要起哂gong嘅，人哋講法同你覺得嘅唔一樣，唔一定係人哋講大話
可以係經歷嘅嘢唔同je

washrice 發表於 2018-6-9 15:36
佢個pt係屯公會塞，你個pt係欖隧比屯公更塞
其實你哋都唔係on the same topic

請問我用圖反駁佢，佢都仲要講大欖冇車，我唔話佢講大話可以話佢咩？

深井頂返屯門多數係塞汀九橋，一來醒目嘅旺角車會避定，二來屯門公路都塞到咁嘅話，欖隧嗰邊“只會更大鑊”。

我公司長沙灣同事有人固定搭大欖隧道車，有人固定屯門公路車，我係地理問題兩邊都有機會搭，屯門死嘅通常大欖會更大鑊，我唔敢講完全冇例外，但係機會率屯門公路慢過大欖係低好多，我屯門碼頭去長沙灣半年，廈村咁通勤都半年。

佢講4封3會塞唔係問題，但成立嘅前提係的士或者揸車，但我講緊呢樣咩？

我講緊巴士屯門公路穩定過大欖車，佢用屯門公路塞去講

fine，我同好多板友都講過，就算咁樣都係唔關巴士線事

佢都仲要loop一次，完全無視條巴士線，仲要情節輕微都不斷放大(15分鐘塞5分鐘呢D少輕微情況)

而家我係話屯門公路嘅巴士線塞我少過大欖，因為大欖入隧道口打大交同汀九倒灌。

佢都仲要話大欖直路無車唔會塞，對住個早繁塞大欖塞到唔敢再搭68X講呢句錯嘅野，仲要出哂proof證明佢錯都要連loop三次，我唔出手狠D點得呀？

正常人我都嚟想出手咁狠，但唔該睇下呢個人之D前科，同埋佢係唔尊重人囉好冇。

樂仔〞 發表於 2018-6-9 12:43
當年好似話西洋菜南街太塞，先調 33A 66 66X 出去洗衣街

其實而家周不時都因為入西洋菜南街的士站嘅的士太多，所以都係好易塞
一塞，彌敦道經旺角道轉入去西洋菜南街嘅37、904、905、E21 等線就會塞往咗條彌敦道/旺角道交界南行二線
上面嘅情況無論平日同假日、繁忙/非繁忙時間都成日發生
咁嘅情況下其實33A、66X呢種行法係會快過行西洋菜南街嘅上述路線
再加上條路得兩條行車線，又有唔少巴士經呢條路轉入亞皆老街東行
尤其是西洋菜南街右轉出亞皆老街西行只可以勉強轉到約三架巴士（因為過彌敦道盞燈喺呢個時候永遠都只會係紅燈），
呢個情況下，後面啲車會比前面架巴士頂住咗，轉唔到出嚟
所以條路其實都飽和得八八九九，唔係好適合再塞線入去

washrice 發表於 2018-6-9 15:36
佢個pt係屯公會塞，你個pt係欖隧比屯公更塞
其實你哋都唔係on the same topic

咁講，屯門公路往九龍由深井交匯處到汀九橋口一段未改劃線之前又的確成日塞到去沙倉上斜，嗰陣都只係大約 07:45 嘅事
但自從將 cut 入汀九橋口個路口拉返後之後，屯門公路的確比以前無咁塞
同時間比都係塞到大概青龍頭橋左右，條龍短好多

而且，屯門公路有巴士專線，講完咁多野，其實上面堆塞車理論上都唔關巴士事

再比返 63X 68X 公路前走線，兩條線由田廈路起分道揚鑣
63X 基本上由鍾屋村落到屯門公路條路嘅燈，除咗藍地大街之外都唔會等得太耐
係虹橋同華都花園出站略塞
但相反 68X，洪水橋落到水邊圍快就快，但入到元朗大馬路豐年路到鳳翔路一段，有幾多車唔洗講都知，淨係排隊埋站嘅線都多過 63X 沿路嘅唔少
再加埋係形點下面扭嚟扭去，慢過 63X 又真係唔出奇

如果係田廈路出發，68X慢過63X唔奇，但如果係洪福邨去旺角，我可以好肯定咁講話268X快過63X。

63X係主要輸喺洪福邨轉嗰個圈 vs 268X直接右轉，同埋63X要落美孚，268X唔使。回程無咗洪福邨嘅因素，咁元朗大馬路塞唔塞就變成勝負關鍵。

HB00610 發表於 2018-6-9 16:21
請問我用圖反駁佢，佢都仲要講大欖冇車，我唔話佢講大話可以話佢咩？

深井頂返屯門多數係塞汀九橋，一來 ...

其實就真係唔使你出手狠，佢係咩人大家心裡有數，但你所謂出手狠佢就會收聲咩？唔會
你port佢就會永停佢咩？都唔見得
所以講完咪算，outcome可以係兩邊各有各塞，無人錯哂
但旁人睇就似兇人咁囉，閣下平時多唔多兇人話要port要盛都係心裡有數啦
port咪port，講出嚟大人對討論無乜幫助

至於行邊邊比較快我就無本事評論了，大家慢慢
只係想point out屯公有專線去到沙倉上斜都可以同出面一齊塞的，慢行直到深井
補充

請問我用圖反駁佢，佢都仲要講大欖冇車，我唔話佢講大話可以話佢咩？

佢可以係無知，又未必一定係知道塞而話唔塞
而無知，應該唔犯版規掛

arfung 發表於 2018-6-7 09:23
如果以早上計，屯門公路有巴士專線，其實仲穩陣過行大欖隧道。
洪水橋到形點，68X/268X若要用接近半小時 ...

63X加班？跟260X個價位先至好講。

樂仔〞 發表於 2018-6-9 12:43
當年好似話西洋菜南街太塞，先調 33A 66 66X 出去洗衣街

近年904、905都有減到班，不過又多左條68X
仲有唔好淨係諗右轉大角嘴堆綫，左轉先達堆綫先係西洋菜南街大戶
聽講24又想改返入去......