文匯報頭版講皇后山交通

同一問題，而回覆又係果幾句，不贅。

今日文匯報以頭版全版報導皇后山巴士服務問題，並引伸至十四鄉新線及巴士線投標制度，當中不少重點與早前財金 KOL 批評城巴經營新界新區路線的質疑如出一轍，並專訪了九巴署理副車務總監。但報導中一些內容不禁令人懷疑準確性，例如副題寫「皇后山街坊預早兩小時等車返工」，並指「九龍灣返工的梁小姐提早兩小時、即朝早 7 時到達巴士站等城巴 78X，『78X 半個鐘一班車，好疏』」，但事實上該時段 78X 為 20 分鐘一班，無需候車兩小時，未知兩小時是否包括車程等時間；而報導指「2019年起新路線改以競投方式決定由哪間巴士公司營運」亦明顯錯誤，該制度已使用超過二十年。


不過報導亦有引述城巴回應指城巴曾爭取將 56A 改為全日服務，惟礙於政府收到其他公共交通營辦商的不同意見，令城巴的服務調整申請屢次受阻。而運輸署則指除十四鄉外，近一年另外四次的新線遴選工作均揀選了九巴營辦。而張欣宇議員則認為，運輸署在引入競爭的同時也必須提供支援，例如覓地讓城巴於新界設車廠，以提升車隊靈活度，創造增加班次條件。

文匯呢篇算持平起碼幾個持份者都有訪問邊個岩留返讀者自行判斷

文匯出得聲，即係有阿爺中人覺得運輸署而家既招標機制不完善，其實而家招標模式，對九巴和城巴都是雙輸。最好是修改招標遊戲，將路線招標改為新地區優先權招標。玩法係，例如十四鄉是新發展區，就索性搞一個十四鄉範圍招標，兩間公司各自各入一個全面既proposal，想開乜線，停乜站，班次，用車，等等，但票價必須根據現時里數規定去收，不能再以減價去爭招，避免出現90，96，97事件。中標者也不等於有地區獨家營運權，只是有優先權而已。

呢d報道成日只會講出個問題點樣點樣，但講唔到個原因徵結，即係各營辦商利益衝突、分配問題，做唔到對症下藥

FBI2 發表於 2023-10-13 08:19
文匯出得聲，即係有阿爺中人覺得運輸署而家既招標機制不完善，其實而家招標模式，對九巴和城巴都是雙輸。最 ...

Again又係利益問題，營辦商自己設計路線，觸及對方利益區點調和衝突？大前題運吉係咪比自由競爭先？

其實不如直接給原地區巴士公司做就算，協同效應又大，居民得益。好似長沙灣西咪連條12都比埋城巴做囉，都唔知搞招標為乜

jocosben 發表於 2023-10-13 08:26
呢d報道成日只會講出個問題點樣點樣，但講唔到個原因徵結，即係各營辦商利益衝突、分配問題，做唔到對症下 ...

講到都解決唔到
但皇后山問題係個環境一日比一日差
78A 503K好似開幾多車都清唔晒客
以往都唔常見
就算好似213M大排長龍
但九巴都叫做解決到而且有214幫手分流

不過上繁開到車無用
沙頭角公路都會塞車
車程耐左架車返唔切又係出事

反而可能係78A太多人搭
谷左一班可以搭78X 79X既人搭城巴
城巴呢兩條線連埋979
都係入晒伙客量先上升

cx838 發表於 2023-10-13 08:29
其實不如直接給原地區巴士公司做就算，協同效應又大，居民得益。好似長沙灣西咪連條12都比埋城巴做囉，都唔 ...

我好支持九巴12轉俾城巴做，統一小區專利。

Ps:蝕死城仔

cx838 發表於 2023-10-13 08:29
其實不如直接給原地區巴士公司做就算，協同效應又大，居民得益。好似長沙灣西咪連條12都比埋城巴做囉，都唔 ...

過海線聯營？

"原地區" 點定義都好有討論空間，舉例十四鄉開條青沙線去深長荔，九巴可以用 99 299X、城巴可以用 701 702 話自己係 "該區原有服務提供者"

FBI2 發表於 2023-10-13 08:19
文匯出得聲，即係有阿爺中人覺得運輸署而家既招標機制不完善，其實而家招標模式，對九巴和城巴都是雙輸。最 ...

以港九新界規模，應該可以容納多於兩間巴士公司

如果時光倒流，近年多個發展區落成，咁多區加埋可以砌夠接近 中巴 88 線 的規模，歡迎載通、善水、冠忠以外的公司投標

可以包括：香園圍口岸、54 區、皇后山、十四鄉、富碟、安峰、青富苑、將青、將馬/將埔、白石角等