運輸處email回應了啟德巴士路線建議

原帖由 kay 於 2014-9-9 08:42 發表
區議會有反對聲音

而且係好似藍田等小區反對改動

亦都有人問過運吉紅隧可以快過東隧幾多
坊間依然有種想法係紅隧好慢，但近年東隧塞車嚴重係事實，大家都係咁塞情況下，反而紅隧可以快過東隧少少過海

始終紅隧去東九，東 ...

我一直對東隧線改行紅隧有保留
身邊的人一聽見紅隧車就走都走唔切
我係唔同情況下至少都對5-10次建議人地搭紅隧車過海，但絕少成功
反而東隧車個成功率高好多，甚至會有人主動建議我搭東隧車過海
可見紅隧係市民心中的reputation有幾差
要知道雖然紅隧下繁會快過行東隧
但其餘大半日都會慢過東隧，唔少乘客都有戒心
大部分乘客憑藉感覺行事，唔會用錶計時
所以東隧車改經紅隧，生客個反應難料（留意，係生客，通勤客日日搭當然熟知路況，唔會被趕）

原帖由 castanopsis 於 2014-9-9 10:58 發表

我一直對東隧線改行紅隧有保留
身邊的人一聽見紅隧車就走都走唔切
我係唔同情況下至少都對5-10次建議人地搭紅隧車過海，但絕少成功
反而東隧車個成功率高好多，甚至會有人主動建議我搭東隧車過海
可見紅隧係市民心中的r ...

其實好睇你邊處入紅隧，當然唔係"係又行唔係又行"

經灣仔北?非繁都塞塞地(試過搭722去港島東係灣北塞左3個字)
經大道東?未出到去天樂里已經塞左好耐(試過下繁跟車過九龍係大道東塞左超過3個字)
經景隆街/興發街?3個過海方法一樣唔係快

剩低係灣仔道，呢條內街算係少塞車，堅拿道西頂多多車而唔會塞到行唔到
而且仲可以行巴士線過海

好似141呢類為紅隧而紅隧，當然效果唔理想

但如果係好似601/619，下繁搵幾班次經灣仔道、紅隧、東九廊返東九

肯定比依家行電車路>東廊>東隧>觀塘道快好多，就算唔快都可以做到合理時間，減省不必要的塞車時間
因為依家巴士公司都無咁多車，長遠只會搵計避開塞車黑點，避得幾多得幾多

原帖由 kay 於 2014-9-9 08:42 發表
區議會有反對聲音

而且係好似藍田等小區反對改動

亦都有人問過運吉紅隧可以快過東隧幾多
坊間依然有種想法係紅隧好慢，但近年東隧塞車嚴重係事實，大家都係咁塞情況下，反而紅隧可以快過東隧少少過海

始終紅隧去東九，東 ...

果陣係麗港城反對。

另外大家應該記得，當時城巴同利東兩位議員試過上繁 176 vs 671X，結果 176 比 671X 仲快一分鐘去到觀塘，
去九龍灣更加唔駛講。留意係上繁，如果係下繁，我諗差別會更大。

原帖由 樂仔〞 於 2014-9-9 10:56 發表
其實大家有無諗過觀塘道擠塞既問題 ...
觀塘道下繁係東行塞過西行 ...
如果 641 真係要變 141 , 141 就應該要行牛頭角道避開哂 D 塞車位 , 否則出到觀塘道塞車一樣扣返哂 D 時間
不過唔出觀塘道又少好多客 ...

觀塘道下繁係東行塞過西行，但西行由東隧出來，經迴旋處入裕民坊，分分鐘仲塞…
六月尾試過一次，搭 619，一去到藍田地鐵站就中伏，一路塞到迴旋處，唔見左三個字。
仲要係 weekday 下晝四點幾…

東行行紅隧，就應該常怡道天橋直飛牛頭角道，避塞車，
但我唔覺得對客量有咩影響，反正係落客，唔係上客，行多兩步都唔係太大問題。
同埋心目中唔係用 141 做，而係拎條 601P 改，物華街轉左上返秀茂坪，反正都會快過而家條特慢 601P，
灣仔又可以搶自己 101 客，反正下繁時段分配差唔多。

原帖由 Ravenclaw 於 2014-9-9 04:13 發表

唉呀，救命呀，典型巴士迷/居民的思維...

你要知道一樣野，巴士，就算我比你中環直飛觀市，你點行都好難夠地鐵快，唔好發夢！想賣特快又唔夠對手快，賣條毛呀？！

講明先，我的立場系，巴士唔做舒服生意的，靠賣有位坐的路線，呢d線我寧願唔會 ...

唔夠對手快，但至少要做到合理行車時間，加埋價錢平過地鐵，咪有返合理競爭力。
情況咪同九巴拎 40 提速一樣，唔見得快過地鐵，但本身潛在客量多到傻，
又平過地鐵，又一程車過，睇下而家 40 客量升左幾多？

而家唔係話要快過地鐵，只係要合理時間，亦唔需要在意觀塘有幾多條東隧過海線。
因為用的資源都係咁多，但如果堅持得幾多條線，搞到由頭碌到尾，影響競爭力，
搞到做唔到更多乘客，令到巴士公司潛在收入俾左對手，咁咪有問題囉。

要記得，過海線同本土線相比，有一樣好得意既野，就係有時段分配的問題，
而家就係因為咁，搞到成抽過海線幾乎全日都要固定私牌去對站維持班次，
根本就可以唔駛加資源，都可以拆到線，減少私牌，等多D車真係做緊生意，而唔係載空氣運過對面海…

明明同樣資源可以搶到更多客，就偏要由頭碌到尾塞爆架車，又送客俾對手，呢D做法好白痴…

就算你話中環唔夠對手快，咁灣仔呢個全日多客的位呢？
菲林明道至堅拿道西之間一段灣仔內街，明明大把客，人流又多，地鐵又唔就腳，但係就要碌 101
或者碌 601/619 慢慢碌到北角再塞東隧，呢D位根本如果巴士行車時間吸引的話，競爭力好大。

同埋你岩，觀塘區道路網，根本無可能一條線做晒山上，但又有咩問題？
係咪唔可以 601/619 自己拆線先？都話左，拆與唔拆，咪又係一樣咁多資源…

而家個問題，根本唔係開幾多條線，而係你用幾多架車，做到幾多客。

你拎 680/681 來講，不如又諗下，680/681 如果非繁合併返做一條，你估會唔會送客俾對手？
反而 680 太兜路趕客走，681 馬鞍山又得咁少站，非繁注定唔會太好客，
班次又唔係執得靚。如果 681 一野減到非繁定點 20 分一班，同 307 睇齊，俾 680 馬鞍山拆線，
每條定點 20 分一班，一條耀安尾站，一條做埋錦泰，結果又係咪會一樣？

原帖由 Ravenclaw 於 2014-9-9 04:13 發表

唉呀，救命呀，典型巴士迷/居民的思維...

你要知道一樣野，巴士，就算我比你中環直飛觀市，你點行都好難夠地鐵快，唔好發夢！想賣特快又唔夠對手快，賣條毛呀？！

講明先，我的立場系，巴士唔做舒服生意的，靠賣有位坐的路線，呢d線我寧願唔會，送晒比港鐵做，然後槍線好過，我識淋的只系點樣塞爆每一班車，我沒興趣去淋辦法如何為居民著想...

因為呢，我sense到如果我唔講清楚我的立場先呢，應該會無止境地討論下去，但我又唔想引發罵戰...

OK，上面的立場帶出左點解我話觀市特快/以觀市為主力的過海線沒得做啦...

真係唔好意思，如果 641 唔塞車，牛頭角去金鐘係同港鐵平手，依點係不爭既事實。
（每日 641 下繁頭車，5 點左右到創紀次城，大約 25 分鐘到分域街）
641 唔塞車，灣仔碼頭試過 15-20 分鐘到觀塘裕民坊。

所以麻煩你先撇除 641 慢過港鐵依點，641 定線可以係快得驚人，
641 慢係慢返九龍在兜灣仔內街，同嚴重塞車，我希望依點可以推翻你前設。

我唔否認巴士唔係買舒服，但既人口規模要買合理車程時間。
一班頂閘就當佢好彩，固定時段出現頂閘係代表服務不足。

而係怡和街頂閘仲要白行一堆無人上到車（北角）既路段，唔該你優化路線。
你開快特快線加快回車，再將多餘資源開另一條線，好似對巴士公司有著數。

九巴就係下下用「我識淋的只系點樣塞爆每一班車，我沒興趣去淋辦法如何為居民著想」依種思維，
引敢好多慢到死大流水線出現，只要有對手一出，嚴重流失乘客。
好彩九巴開始放棄依古舊思維，否則 15X 就唔應該出現。

你成日都話唔睇好觀市過海特快線無市場，
運輸署幾十年前講明觀塘去柴灣兩繁特快過海線無市場，
九巴同中巴認為 619 全日無市場，運輸署認為四順早繁特快過海線（619X）無市場。

依十年內發生咩事？原來有觀塘過海市場，最重要係觀塘返工市場，只係以前低估左而送晒比港鐵。
否則 101X 東九龍返工線唔會咁輕易出現（以為佢地係保鐵再轉車／紅小），
你繼續當佢地透明吧，事實同我講，依幾年班返工仔開設棄鐵。

因為現時大方向證明左，你果套縮數理論同觀塘無返工客已經過時，
全部正線要改特快，要做返工市場。

[ 本帖最後由 dennis28a 於 2014-9-9 22:44 編輯 ]

東隧咁排隊法
根本應該整巴士打尖專用線
而家咁塞
根本倒走下繁客

原帖由 Ravenclaw 於 2014-9-9 04:13 發表

最後，過海去觀市呢，一系地鐵，巴士的話，唔坐101走去坐東隧線系蠢的，另一個方向就ok，講完...

我想補充依點，正常情況下，101 好彩既話，九龍灣係落淨 5-10 個人，當中部份人仲要九龍區上車返觀塘。
而對家 619 係裕民坊落 30-40 個人。

所以個個人都話，過海返觀塘坐 101？傻左咩？我深信有一半觀塘區居民都係蠢人。

點算呢...我比以前已經沒咁屎忽，但似乎你班友仔仲系咁鐘意做大觀市過海呢個市場...

以前我一定同人講，唔洗淋，將來咩都601咩都619，咩619P/671呢d全部槍鬼晒佢，收工！繼續碌飽佢算數...

跟著我後來淋，點解炮台山北角會有直車全日往來觀塘呢？望下d對象，其實唔多合理wor...

咩唔系應該一開始早全部東隧線一去就舊灣警，東行興發街走人的呢？然後隨著炮台山北角開始多商廈，先開始開翻d P線2繁做北角炮台山呢？

即系最初我淋的系，咩唔系應該掉翻轉d P線經炮台山北角，主線唔經呢？呢d問題我有淋過架...

601我就唔知點解要經北角啦，619我仲估到點解...

因為做分拆(119變115+619)，如果唔擴大服務範圍，增加客源同利潤，分拆黎做咩？以前d人淋野天真好多ge，唔會淋下『納』左邊d位黎做將來會出事...

所以我之前幾個回應咪話囉，OK，唔想碌北角，得！非繁唔該全部都踢快佢，你唔好比市民有得選擇，唔好比佢地鐘意就上快線，唔鐘意就上慢線...

但記得一樣野，呢條全日東隧線，唔可以用灣北做尾站上公路...

如果你問我603好唔好客，我會答你唔好，因為非繁未能夠去到大部份班次都坐滿的地步，2繁就真系幾好，雖然都系不同時段單向(比著我，早繁全部603s，東行一班都唔開!)...

討論區就唔系你有你講，我有我講的，所以竟然你地認為特快有得做，fine...咁做呀，但只許2擇1，全日特快，然後炮台山北角留2味，or，繼續碌...

BTW，比多條屎忽數你體：phrase1，踢快條619，咁619飛甩左銅鑼灣，phrase2，槍鬼左佢，倒車落111，將條111拉上順天，601港島踢快...

跟著，我將樂華、和樂(601繼續做)、觀市、九龍灣、紅隧口、維園、炮台山、北角炒埋一碟，班次，hea hea地夠了，咁你淋下我想點啦，仲有d線意味著會被犧牲架 ~

當系一個小小的分享啦，無謂搞到呢個POST氣氛咁差...

觀塘山屋邨提升服務，ok，但始終，我唔BUY觀市特快，更唔BUY 641...

有人同我講641可以好快，但唔好意思，就算比你車手，夠港鐵快，有幾多班641系唔塞車架？港島有幾可唔塞車架？最多人用的時候先識塞車，有咩用呀？開咁多班641，有幾多班641系好客架？有幾多班可以同我頂爆架？呢d垃圾班次，身為繁時路線，仲要能頂閘班次比例咁少，有鬼用呀？

仲有，頂閘系應該的！繁時唔識頂閘系有問題的。