通宵車迷思

(1) 點解港島通宵車較多，但九龍較少 ?
eg 大西北都有直接車去港島但冇直接車去旺角，甚至九龍半島仲有D冇通宵巴士或每晚得幾班機場車到既地區

(2) 隨住荃灣 / 觀塘等二線商貿區興起，應否改善當區通宵網絡
最基本既，起碼荃灣有直接車去旺角方便轉乘其他區路線(延長N260及N269)
觀塘有N293同N796，情況尚可接受

(3) N680 應否改行觀塘道 ? 以通宵車計冇乜人上落，如果只停大站應該唔會增加多過5分鐘行車時間，但就方便到成個馬鞍山


雖然通宵車基本上都係蝕住做，但冇左佢又唔得
所以用最少資源做到最多客反而就係值得研究既地方

你頭兩點根本就係講緊九記地頭，
而九記向來通宵線都係不斷叫人轉車，善用佢地通宵網路而唔想開整條通宵線。

971很應該改為只通宵行駛,解決通宵時佐敦油麻地深水埗往來西環華富香港仔的需求。
N171改為970x馬拉松版並延長至N171現有總站難兼顧黃竹坑的通宵往來需要。
N170九龍至南區段跟970馬拉松版延長至黃竹坑運動場也值得考慮

原帖由 AVD1 於 2015-6-10 16:15 發表
你頭兩點根本就係講緊九記地頭，
而九記向來通宵線都係不斷叫人轉車，善用佢地通宵網路而唔想開整條通宵線。

呢個就係問題所在
比如我要荃灣去將軍澳
先要搭N260/N269去到美孚轉N241再去到旺角轉N293/N796
等車+搭車隨時天光都未到

不過亦要承認，咁長途既通宵客理論上冇得幾個
所以去「中心點」轉車都無可厚非

但係問題就係連去中心點都要轉車就有點兒那個

原帖由 AVD1 於 2015-6-10 04:15 PM 發表
你頭兩點根本就係講緊九記地頭，
而九記向來通宵線都係不斷叫人轉車，善用佢地通宵網路而唔想開整條通宵線。

問題係一批N線車的路線定位真係令人卻步。


N241 ﹐N237﹐N260﹐N269等路線﹐應該加以重組大改動﹐善用美孚作為大型轉車站。


例如
N241 由旺角開始便走高速直達美孚(可轉其他N線)﹐之後直入青衣。
N260 或 N269 其中一條拉長去旺角﹐替補N241位置﹐2線可在美孚互換轉車。
N237 做埋荔景山路


這樣﹐油尖旺的人返青衣及新界﹐可以減省 "漫遊" 美孚至深水埗一段﹐加快車程吸引乘客選用。


有時﹐轉車都唔係太大問題﹐最大問題係路線實在係太兜了。
係時候審視乘客需求﹐點去大範模改動﹐影響乘客最少﹐得益的乘客最多(主要係行車時間)。

試問你在旺角返青衣﹐你會唔會花多幾蚊選用不合法的的士服務? 真係可以會快半小時。



PS. 通宵線未必會蝕﹐始終有一定需求。但係走線上真係無競爭力﹐真係 "漫漫長路"﹐令到乘客會選擇其他乘車方法去買時間。

原帖由 kei_hk 於 2015-6-10 16:39 發表

問題係一批N線車的路線定位真係令人卻步。


N241 ﹐N237﹐N260﹐N269等路線﹐應該加以重組大改動﹐善用美孚作為大型轉車站。


例如
N241 由旺角開始便走高速直達美孚(可轉其他N線)﹐之後直入青衣。
N260 或 N269 其中一條拉長 ...

我一向都有同樣睇法。
九巴應該起新界東、南、西、北返一大型轉車站，
九龍區一樣如是。

我建議中個轉車站會起
新界：荃灣、上水、元朗、沙田
九龍：美孚、紅磡站、觀塘

當中應該返路線貫通每個轉車站，並延長至該區 o既細區。
例如：而家九龍東去新界東係有真空情況出現，我認為應該要開返呢 d 線去填補呢個位：即觀塘前往沙田，再之後先諗將個總站放起邊個細區 (先叫呢條線做路線 A)。
假如路線 A 起沙田個總站係起大圍，並經過沙田市中心。

又假設而家九巴網路黎講，係冇條線由新界西去新界東 － 又即荃灣去沙田（N48 係假日線）－ 又先叫呢條線做路線 B，
如果呢條路線 B 到最後沙田區總站係起愉翠苑，又路線 B 會經過沙田市中心，
咁沙田市中心就可以作為區內通宵轉車站。

事實上，今年 RDP － 荃灣區都有建議兩條區內通宵線 N36 同埋 N39，
我覺得某程度上可以將呢兩條線大幅延長出市區方便乘客，
再起荃灣市中心作為轉車站，將乘客中轉去荃灣區其他地方。

而家九巴個通宵網路最大問題係唔完整。

原帖由 GW5878 於 2015-6-10 16:32 發表


呢個就係問題所在
比如我要荃灣去將軍澳
先要搭N260/N269去到美孚轉N241再去到旺角轉N293/N796
等車+搭車隨時天光都未到

不過亦要承認，咁長途既通宵客理論上冇得幾個
所以去「中心點」轉車都無可厚非

但係問題 ...

你呢個問題只係因為 N260 同埋 N269 唔三唔四，
有咩可以日間有咁多條線，到夜晚比哂 N241 就算數（雖然北行都仲有部份通宵過海線幫下拖），
但我覺得九龍西有咁多條路，將 N260 同埋 N269 拉落去柏景灣，一條行荔枝角道，一條行長沙灣道都唔過份，
就算 30 分鐘一班車都好過叫人坐的士先。

9巴獨營通宵線，特別係九龍南果幾線，根本脫節到離晒譜。
做轉乘應該嚮香港中心位置而且深宵最多人嘅旺角做，而唔係用美孚/九龍城。
新界線(N260,N281)兜到九彩，土瓜灣、深旺道全靠通宵過海線，
石硤尾、何文田就一條通宵線都無。
好簡單咁諗，不如紅磡站/尖沙咀一兩條密線駁旺角(如N241/N281)，將N260,N269,N237拉埋落旺角仲有d用。
N281,N260新界段最好拆開2條線，屯門/沙田南+北2線都好。

[ 本帖最後由 hon_son_wilson 於 2015-6-10 17:48 編輯 ]

如果要搞, 不如跟手做埋轉車站定時, 將各線到達轉車站嘅時間相若,
做乘客互換(類似以前N121/N122紅隧口轉車模式)

原帖由 hon_son_wilson 於 2015-6-10 17:46 發表
9巴獨營通宵線，特別係九龍南果幾線，根本脫節到離晒譜。
做轉乘應該嚮香港中心位置而且深宵最多人嘅旺角做，而唔係用美孚/九龍城。
新界線(N260,N281)兜到九彩，土瓜灣、深旺道全靠通宵過海線，
石硤尾、何文田就一條通宵線都 ...

其實好多地方都冇通宵線
亦都難會有通宵線
始終深宵既需求真係好低

反而我覺得做轉乘唔應該一定要係旺角做
實際上而家美孚都可以係一個好合適既位置