新蒲崗九龍城土瓜灣過海客對於106與116觀感實際比較

不過即使有土瓜灣去筲箕灣紅小線，好似都唔係好搶到106客

poohpter 發表於 2015-10-3 01:23
應該會係小弟入iTalk以來最長一篇文。

可能樓主想幫忙分拆106/116，但當簡單之102/112/118都搞唔掂，唔該唔好處理106/116住。

102/112/118慶幸的是於九龍由紅隧口至深水埗路線相同，只有長沙灣工業區及美孚一段102獨市；但106/116九龍只是服務區域相同，但其實兩線各有各做。最簡單黃大仙去東區為106獨市位，116更是慈雲山/斧山唯一過海服務。

然後新蒲崗/九龍城雖然有齊106及116，去銅鑼灣、北角及鰂魚涌都係等116為主，因為116行土瓜灣上路會比106行下路為快（就算116要入鵝頸橋都係咁話。）；當然等116時有106到站每次都有人轉投，但唔會多。不過106亦並非無人等，因為要去西灣河打後又唔想轉車的話，就只有焗坐106。

到馬頭圍土瓜灣，去銅鑼灣就點都係坐116居多，北角及鰂魚涌就視乎出發地近106還是116車站而定上邊部車（偉恆昌與工聯會距離都幾遠）；唯一有得選擇就係上下路交叉位，之不過再因為116行上路比106快，所以116紅蘋果排長龍（差不多坐滿），但106啟明街又只有西灣河打後乘客。

土瓜灣後高山及歐化一帶居民較少，基本上已非116主要客源，每站上幾個上滿部車；此時就輪到106下路發圍，大量住宅加上工業大廈無論去東區邊處都係最直接，紅磡廣場、街市及蕪湖街每站簡單計有十幾廿人等車三站加埋六七十人，加上黃大仙至土瓜灣就大致坐滿，所以連埋紅隧口就頂閘。其實想睇兩線九龍區主要客源應該睇港島出發，過紅隧後116只係零零星星有人落，要去到洋葵樓先開始有大量人落車；106則反轉，唯一大廈之前都已經無四分三車人。

以上係九龍區情況，但千祈唔好以為港島區鰂魚涌至維園有齊兩線就可隨意抽走一條，因為都係視乎目的地揀車坐。銅鑼灣海旁/中心區只有106/116就費事提；英皇道沿途要去上路、新蒲崗、斧山及慈雲山就上116，有106到站都無用，去下路或黃大仙就上106，就算116到站係唔會游離，等車心態好清楚。（！請留意106行興發街出告士打道入紅隧定116經銅鑼灣根本並非考慮因素，唔似102/112快慢之分，出面定入面塞唔塞車都係咁諗！）西灣河打後唔嫌106慢兼啱路就會（焗住）上車（真係會有一部分人小西灣坐106出九龍城新蒲崗），覺得慢或唔順路（例如去斧山）就會轉車，包括118隧道口轉101/111/116甚或轉返106，又或2X/8P中央圖書館轉116都有。

所以就算只看重疊區域，106及116九龍上下路係兩個Market，港島北角鰂魚涌過九龍兩線都係各有捧場客（更大鑊係東區中學派位會有機會派過海！）。簡單抽走106無論西灣河、鰂魚涌抑或北角（已經好慢）上東廊116係填唔到氹，北角都唔上東廊等於現時用興發街出；九龍區更加無機會俾任何一線飛走拆線。所以當巴士公司連港九情況均相對簡單之102/112/118都辦不妥時，處理106/116只會更加難以想像會完美。

！！最恐怖係116仲有大家估唔到但每日都有一定數量之A：港島流水，及B：新界客源。呢班人就算上到RDP巴士公司必定唔會Care ，然而卻係難以填補。下次開估。（九龍流水之3B/5/5C/11/21 vs 106/116，算吧啦！）

果堆紅隧線都唔係覆蓋齊哂所有九龍來往港島既地點組合，典型既例子包括何文田/旺角東來往東區。
這些行程組合預左例如一係兩條紅隧線互轉，一係紅隧線與本土線互轉。
因此我唔明例如土瓜灣打後來往鰂魚涌打後有何必要保直車搞到106不能在土瓜灣道止步？
總唔見到例如115有類似既藉口搞到九龍段拉長(115港島方向搞到又行馬頭圍道又行紅磡道導致海逸豪園既過海客要行去馬頭圍道搭車我都仲未認真話城城)，106/108改行紅磡道。

paul2357paul 發表於 2015-10-4 11:04
果堆紅隧線都唔係覆蓋齊哂所有九龍來往港島既地點組合，典型既例子包括何文田/旺角東來往東區。
這些行程 ...

原本有服務都一向冇服務又係兩件事

KG1428 發表於 2015-10-3 01:26
講到此TOPIC，已經好火
上星期在小西灣總站去九龍城，在非繁忙時間搭
都要100分鐘

100分鐘
一至五下午基本需要
兩個多星期前試過坐1091@106由藍灣去富豪1519開車都係成五點先到

假期全程都100分鐘的

paul2357paul 發表於 2015-10-4 11:04
果堆紅隧線都唔係覆蓋齊哂所有九龍來往港島既地點組合，典型既例子包括何文田/旺角東來往東區。
這些行程組合預左例如一係兩條紅隧線互轉，一係紅隧線與本土線互轉。
因此我唔明例如土瓜灣打後來往鰂魚涌打後有何必要保直車搞到106不能在土瓜灣道止步？
總唔見到例如115有類似既藉口搞到九龍段拉長(115港島方向搞到又行馬頭圍道又行紅磡道導致海逸豪園既過海客要行去馬頭圍道搭車我都仲未認真話城城)，106/108改行紅磡道。

唔係唔可以將106縮短到九龍城碼頭（下路一直都係106主打），
之們係你唔可以單靠116填補黃大仙至馬頭圍往返西灣河至小西灣。

就算整106轉116轉乘優惠，
最大問題係黃大仙至馬頭圍會由本身一定上到106，變成到紅隧口上唔返車；
其次係黃大仙無106後直頭無得轉出去（唔通113轉116咩？）；
再加上116本身慈雲山至采頤客量都唔少；
除非巴士公司慷慨到俾大家111/116<->102/102P/106/106A/106P/118/118P（不過110/606重組時話俾大家知唔會），
咁都仲叫俾D甜頭人（但都係解決唔到紅隧口上唔返車危機）。

港島區地理比九龍區簡單得多，要拆線正路都係用東廊飛走重疊區域；
但再講多次當102/112/118情況簡單時都搞唔掂，唔該唔好處理港九都唔同路o既106/116住。

補充：有人覺得106好慢，選擇118轉106/111/116或2X/8P轉116係一回事，
唔代表無需要為另一堆人繼續提供$9.8來往小西灣至西灣河與馬頭圍至黃大仙之服務。

jpoon 發表於 2015-9-26 21:46
其實早繁馬頭圍道（佛光街）都會塞車架
下繁更加唔駛講

仲有就係南行出完紅隧106/116都會塞銅鑼灣...

Gary_B 發表於 2015-9-26 22:06
你見過蕪湖街轉十次燈都出唔到一架車入漆咸道北未？

見過, 真係好鬼得人驚...

果次好在唔趕時間, 反而隱約聽到其他車D司機大佬爆哂粗

106116_1023 發表於 2015-9-26 23:49
咪玩啦樓主, 開口埋口都話縮, 車費都唔見話縮
新蒲崗九龍城搭乜返太古筲箕灣？
我唔想坐116下下塞摩理臣山 ...

106都唔見得好好多(好D一定梗, 塞少個天樂里同埋SOGO已經好D), 一樣要塞銅鑼灣同慢碌英皇道...

alan2011super3 發表於 2015-9-27 02:35
仲有九碼油鼓出面個燈陣
加埋家計會個站
106在九龍冇得贏

講起九碼油鼓燈陣, 有次同幾個friend係九龍城食完飯返港島, 2100係富豪東方上車, 2130都未過完果堆燈陣, 我有個friend開始發火, 話乜仲未到紅磡架, 呢條106執左佢把啦

2150先到紅隧口, 出完紅隧又要塞告士打道加埋英皇道燈陣, 我自己就2225先落到車, 我最後落車個friend筲箕灣落其實都只係2238, 可想而知106南行(北行都係)有咩問題啦...