新巴路線 798A 及 798B 開辦消息

唔明你地點解成日咁鐘意將安達臣沙田線要同將軍澳掛鈎
安達臣區應該唔會鐘意俾將軍澳價錢往返沙田

要全個將軍澳區全日有車往返沙田
最好就將798以690/692咁分拆
南邊最多改由康城開

kmb兄 發表於 2015-12-3 18:36
要全日有車到，都要夠客，以哩幾日798AB客量，開1班已經好好

798B今朝見到20個客都冇

castanopsis 發表於 2015-12-3 13:25
咁同秀安沙重疊幅度只會更大，更難獲有秀安沙在手的九巴支持
反而考慮緊我之前個方案會唔會work
（亦即 康 ...

你講既小區分本身係九巴專營權範圍, 直接間接都有89系沙田巴士幅射住, 如果安達臣又比埋比九巴, 係九巴重重包圍下要老運狹縫中開條線比新巴未免太難吧　

kmb71k 發表於 2015-12-3 17:20
唔明你地點解成日咁鐘意將安達臣沙田線要同將軍澳掛鈎
安達臣區應該唔會鐘意俾將軍澳價錢往返沙田

有人聲稱為其他區著想，不斷話經秀茂坪點樣好，但其實一切都係「經寶林先出城是原罪」
講真，除左曉光街落觀繞果個方案，其他方案如果要兜到停內街既站，個時間唔會快得過經寶林(將隧塞車時另計)，但係有人就不斷謝絕經寶林，簡直就係與自己人(將軍澳人)為敵

GW5878 發表於 2015-12-2 19:38
咁既然你既行法同我既行法都可以令山上人唔使轉車，
而我個行法可以令到成個寶林區居民更方便，
係好處更 ...

咁其實幾乎成個寶林區搭 798 都已經好方便，你做多英明苑，我做多怡心園，其實大家都係打和，唔見得你個方案令寶林特別方便，帶來更多好處

呈清一下，我個方案Ａ線係：
康城＞（清半）將南＞調景嶺＞尚德＞靈實＞景林＞寶林巴總＞茵怡＞隧道
將南果度係寶邑路直去，最多只係單向先經調景嶺，基本上兩個方案都比現時798兜坑口寶林再加唐俊街堆燈為快
不過都係果句，康城無論係地理上定係巴士使用率上，都係NO ONE CARE，
你咁CARE康城都係為左你既山上特快，你問心康城+山上唔使798原線既客幫手，客量隨時只有康翠兩小區既人，真係夠玩(EVEN兩味線)？

反而你將 798 本來覆蓋地區拆開兩條線做，必然結果係兩條都要 20 分鐘一班，地區人士先會收貨。
我一路好強調，咁既方案全日的話，比起康翠併康城，至少要出多兩部車。

而康翠併康城，因為無而家覆蓋地區的包袱，全日的話求其半粒鐘一班都可以。

至於你話如果康翠併康城，客量得呢兩個小區既人…
我想講，就算係咁，根本都唔係問題。

點解？因為客量係睇兩條線總共做到幾多客，而唔係每條線去睇。
表面上，康城併調景嶺寶林、或者康翠落山併坑口，各自客量可能都好過康城併康翠一條線。
但實際上呢，你咁拆法，兩條線加埋，同我咁拆法，兩條線加埋，做到的潛在客源係一樣的。

但因為你個方案一定要每條線 20 分一班車，而我個方案，條二奶線可以半粒鐘一班就算，所以你個方案表面每條平均客量都 OK，
實際上因為 overall 用更多資源去做同樣數目的乘客，會賺得仲少過我個方案。

呢一點就算係做兩味線都同樣適用，因為客都係咁多，尤其是 798A/B 上繁服務時段，798 又唔係上唔到車。

既然都係做咁多客，點解唔係用更低成本，正正經經為新增覆蓋地區提供更合理行車時間？

而全日拆線的話，其實仲有一個考慮。
如果夾硬將 798 現有覆蓋地區拆開兩條線做，除左兩條線齊齊都要做 20 分一班外，沙田段覆蓋亦要完全一樣，
因為而家全日都有車由火炭、巿中心、河畔返將軍澳。

但如果康翠併康城的話，因為兩邊都係住宅區，下午前正常都唔會有幾多由沙田出發去呢兩區的需求。
所以可以上午返將軍澳、下午入沙田，用另外玩法，盡吸沙田區乘客。

即係大概可以係咁：
康城頭車至下午約 3:30：康城 -> 清半 -> 寶康路 -> 康翠 -> 跟 798 入火炭
康城 3:30 至尾車：康城 -> 工業村 -> 將軍澳站或尚德 -> 寶林逆時針 loop -> 將隧 -> 大隧 -> 廣源 -> 第一城 -> 濱景 -> 火炭
火炭頭車至下午約 1:30：火炭 -> 濱景 -> 第一城 -> 愉翠 -> 廣源 -> 大隧 -> 將隧 -> 寶林 loop（順逆時針亦可）-> 將軍澳站 -> 工業村 -> 康城
火炭 1:30 至尾車：火炭跟 798 至觀繞 -> 康翠 -> 寶康路 -> 清半 -> 康城

如果夾硬將 798 現時覆蓋路段拆開，就無得咁玩，於是又無左一堆潛在客源

乜原來安達臣去四順搭車就得，四順去安達臣搭車就唔得？之前仲講到四順（順天）果邊同安秀沙刷身而過無緣？
不過難怪，順利同秀茂坪連去大馬路搭車都唔得而要架車入內街時，叫佢地上安達臣先搭到車真係難過NASA去火星

搞清楚先，安泰村去順安搭車好近，唔代表順天順利去安泰村好近，要先行去順安再坐電梯上去，同安泰直接有得搭電梯落順安，已經爭好遠

事實係四順對今次秀安沙定線唔做佢地生意，都唔高興。

寶達唔停站？
講就易，想當年唔知邊區係要爭取將荃係該區停站，仲要原本唔係想行果條路既
如果要令到當區完全死心，唯一可行既方法就係唔經果度
呢個亦都係運吉想做到既野，你睇佢過左將荃之後都傾向分返開玩
所以就算新巴想咁行，運吉放行機會都好微

同將荃果次點同？

將荃係因為佢地本身無一條去荃葵的巴士線，但有秀安沙之後，寶達本身有大隧車入沙田。

其次係新巴就算想寶達加站，都好可能要睇運吉同九巴面色。如果的確係九巴中左安達臣枝標的話，運吉會放行新巴加站的機會都好微，但唔代表佢地一定唔會放行新巴路過。

S3BL100 發表於 2015-12-4 12:08
咁其實幾乎成個寶林區搭 798 都已經好方便，你做多英明苑，我做多怡心園，其實大家都係打和，唔見得你個方 ...

根本喺地理上來講，翠林同寶達應該用一條線，安達臣同順利應該用一條線

S3BL100 發表於 2015-12-4 12:08
咁其實幾乎成個寶林區搭 798 都已經好方便，你做多英明苑，我做多怡心園，其實大家都係打和，唔見得你個方 ...

你真係覺得你個方案對寶林係差唔多？
對成個寶林而言，798基本上景林已經冇位坐，日日要企去沙田，茵怡更係望車興嘆
點解有新資源既時候係就係有服務寶林，但幾大問題：
＊與798並非同站（早前講過相同站位係重要）
＊有快車唔搭點解要搭慢車？（除非將隧嚴重塞車，否則一般塞由上橋位開始塞，8-10分鐘乜都出到收費站，但架上山車停康翠+停燈都要10-15分鐘）
＊唔係全區都受惠
相比之下，我既方案起碼有位坐，主要站頭又可以同站，我覺得對寶林人而言，我既方案點都吸引D
再睇埋調景嶺果邊，你既方案佢地冇快過，我既方案起碼快左個坑口，部分區可以再兜少D做到更快
對康城而言，你既方案的確會吸引少少，但有幾多人會Care？
咁既情況下，你覺得山下既人會受你個方案咩？

我諗你有一點前設，而呢點前設我係好保留，
就係你認為「20分鐘一班既車都有人等，所以30分鐘一班都有人等，所以開20同30分鐘都一班車，做到既個客量都係不變」
首先康翠唔係事必要搭你架車先去到沙田
290轉89又得，98A轉89X又得，98A/290轉火車又得
當然又一定話睇住時間表做人，但係88X三十分鐘一班個效果點樣你都有眼睇，居民未必受落
你個定線做到既客又少過88X，真係咁好彩開到你既定線既話，新巴買左咁多青年單層應該就有著落，比少D隧道費

798A/B做得唔好既地方並唔係定線，因為咁行其實係有798本身客源頂住
佢做得唔好地方係開得太早同得一班，如果798A跟返98P時間開，比如開7:40已經唔同講法，去到寶林都一定有大把客會上
而晚繁客源其實就冇早繁咁集中，其實幾點開都死，除非成個晚繁都開車

同埋都係同一點，你既定線係秀茂坪好大問題
秀茂坪區居民見到自己區架沙田車左兜又兜，指住架甜橙話「點解有快車經過我果區又唔停站」，一定會對區議員反映
區議員唯有周街掛BANNER又不斷係會議上面爭取，但又明知要食白果，但又要做下Show
結局就係議員會認為居民覺得自己廢，但明明自己已經做左野，
居民就未必因為呢件事而下屆唔選佢，但係一定會覺得個議員幫唔到自己
到時運吉、九巴、新巴、議員同居民五者會處於膠著狀態
我係運吉就一定唔會比呢件事發生，唯一可以阻止到既方法就係呢條線一定唔行得寶林路出。

我想問過條馬路就可以由順天/順利過左去順安係咪難過去月球？
就算現時798沿線都有小區要穿過兩三個屋苑先搭到車，例如將軍澳醫院/明德/將軍澳中心又或者係將軍澳村
如果咁都有得嘈既，ok，觀塘山區既居民的確係比較唔要面

S3BL100 發表於 2015-12-4 12:08
咁其實幾乎成個寶林區搭 798 都已經好方便，你做多英明苑，我做多怡心園，其實大家都係打和，唔見得你個方 ...

路過唔停站，地區人仕一定會插，運吉唔一定會阻止加站。任798行過達秀，等於引狼入室，後果只有一個，就係新巴乘機加站搶客。總之放行798上山岀，諗都唔好諗
基本上現時798A走線直岀係無得走，問題係寶琳根本 support唔到全日798A(就算798縮去坑口都唔可能)。所以一句講哂，現況已經好好，無須再改。

jocosben 發表於 2015-12-4 01:14
你講既小區分本身係九巴專營權範圍, 直接間接都有89系沙田巴士幅射住, 如果安達臣又比埋比九巴, 係九巴重 ...

講真，如果用麗港城方案同89系直接重疊都只係翠屏單向一個站而已
我又真係唔覺得會對89客量帶來多大影響

反而如果秀茂坪直出觀繞，秀安沙最主要既客源岌岌可危，九巴反對既機會大好多

至於間接搶客
798開線搶既89轉車客更多
但我唔見九巴有反對