新巴路線 798A 及 798B 開辦消息

GK3258 發表於 2015-12-5 00:25
路過唔停站，地區人仕一定會插，運吉唔一定會阻止加站。任798行過達秀，等於引狼入室，後果只有一個，就 ...

我上面個方案將條798A整到慢過秀安沙你又覺得點？
過完寶達後如果條線要兜曉光街、翠屏、麗港城，我相信秀安沙班客就唔會上車
當然，康翠咁兜唔會快得去邊
但我覺得既然都係慢，兜麗港城至少叫做開拓緊新客源，擴大個版圖
點都好過慢得嚟其實只係服務既有的寶林客源

其實最大問題係
運吉指令要新巴開支線
但安達臣枝標就話比左九巴

搞到康翠呢d孤島唔知點做就真

如果由康翠做總站，行山出巿區根本上唔慢

唔計康城因素，其實康翠係咪事必要兜返落去寶林先出巿區?

同埋老實，康翠同康城本身唔係798服務範圍
都可以開到支線

支線係咪真係咁難開?

有時我覺得係署方有心製造一D不可逆轉既局面

秀安沙本身已經係一個問題，覆蓋唔全面走線又奇怪

其實我都諗到走線可以令到康翠寶林厚德都有條全日線出沙田，不過走線比較迂迴D,同埋又可以將798B全日化，(不喜勿插)
798走線:康盛>翠林>厚德>寶林>返回原線
回程:798原線>寶林>厚德>翠林>康盛
798B走線，跟796X出隧道>返回原線
回程:798原線>跟796X入康城

kay 發表於 2015-12-5 07:22
其實最大問題係
運吉指令要新巴開支線
但安達臣枝標就話比左九巴

打從一開始秀安沙方案推出既時候，我已經話如果九巴投到，康翠會好麻煩
之後望著佢一步一步走向不可逆轉的困局，憑空自製一個gridlock出來
服咗佢

講真，如果當時招標的是 康翠+秀茂坪+四順 沙田線
或者全部由798支線做
今日就唔會搞到咁麻煩......

castanopsis 發表於 2015-12-5 03:45
我上面個方案將條798A整到慢過秀安沙你又覺得點？
過完寶達後如果條線要兜曉光街、翠屏、麗港城，我相信 ...

投左番黎既將沙線，講到白就係將軍澳去沙田，你拉到岀厲鬼城，仲係將軍澳範圍咩？從頭到尾問題唔係安達臣將標誰屬，而係新巴借798名義撈埋其他區生意。
798A尾站康翠落將軍澳就梗架喇，問題係將軍澳點行可以既唔影響現有客而又夠客全日既啫

GW5878 發表於 2015-12-4 22:39
你真係覺得你個方案對寶林係差唔多？
對成個寶林而言，798基本上景林已經冇位坐，日日要企去沙田，茵怡更 ...

全世界唔係圍住寶林轉

根本 798 上唔到車亦只係上午某段繁忙時間，而家 798A 根本無清客作用，但想推遲開車時間方便寶林清客
就會避唔到隧道塞車，山上客結果又未必坐，either way 都吸唔盡山上沙田客。

如果真係要清寶林客，正正經經幫 798 加一班車，我睇唔到到底有幾難。

而因為其他時間寶林唔會上唔到車，以幫手清客為由夾硬將 798A 寶林尾站，甚至兩條線做寶林，更加係多此一舉。

我諗你有一點前設，而呢點前設我係好保留，
就係你認為「20分鐘一班既車都有人等，所以30分鐘一班都有人等，所以開20同30分鐘都一班車，做到既個客量都係不變」
首先康翠唔係事必要搭你架車先去到沙田
290轉89又得，98A轉89X又得，98A/290轉火車又得
當然又一定話睇住時間表做人，但係88X三十分鐘一班個效果點樣你都有眼睇，居民未必受落
你個定線做到既客又少過88X，真係咁好彩開到你既定線既話，新巴買左咁多青年單層應該就有著落，比少D隧道費

但問題係，如果要做到你個方案，兩條線都要開 20 分一班，區佬先會收貨，
於是全日要加多兩部車落去，要比起康城夾康翠、798 不變方案，搵多 1000 個新客先可以抵銷到支出。

但你覺得可以單靠一條寶林、一條坑口尾站，就比起康城行山走，額外又搵多 1000 個客？至少因為你要照顧原有乘客，
又夾硬將 798 覆蓋地區拆開，結果係應該無乜可能好似我上面 #76 提出，用逆向剩餘運力做多D去將軍澳的沙田居民。

30 分鐘一班唔係問題，前提係要快過現時其他選擇唔少。而呢樣野，康城夾康翠條線係做得到的。
首先康城而家根本等同孤島，一程車點都快過轉車，而康城併康翠行山係一定快過併將南同坑口/寶林是但一區兜圈。
其次，如果係山上計，98A 轉車要塞觀塘，同 89 無轉乘優惠，89X 比起大隧直出又慢 10-15 分，290 又要預時間，
結果係山上直出線，就算 30 分一班，都會快過其他選擇唔少。

其實就算 88X 情況都差唔多，唔好以為效果好差，兩繁單靠藍田客係要企人的，因為事實係快過其他選擇唔少。
至於非繁，基本盤係咁多，根本唔關 30 分一班事。

而如果你的理論係成立的，咁唔係更加應該 798A/B 合併做一條，起碼山上同康城都會有兩班車可以揀，
唔會因為時間唔岩、得一千零一班車就唔搭。

同埋都係同一點，你既定線係秀茂坪好大問題
秀茂坪區居民見到自己區架沙田車左兜又兜，指住架甜橙話「點解有快車經過我果區又唔停站」，一定會對區議員反映
區議員唯有周街掛BANNER又不斷係會議上面爭取，但又明知要食白果，但又要做下Show
結局就係議員會認為居民覺得自己廢，但明明自己已經做左野，
居民就未必因為呢件事而下屆唔選佢，但係一定會覺得個議員幫唔到自己
到時運吉、九巴、新巴、議員同居民五者會處於膠著狀態
我係運吉就一定唔會比呢件事發生，唯一可以阻止到既方法就係呢條線一定唔行得寶林路出。

加站可以有好多理由，唔加站都可以有好多理由

即係咁，好似隔離應該沉左底的 A29 post，有觀塘道沿線版友一直嘈 A29 機場方向要加站（利申：我都係觀塘道沿線人），
嘈話咩 A29 得 10 個客、班客見到架車飛站無得上車而被迫坐特慢 A22/E22、A29 浪費資源、云云，
我相信好多人都想 A29 加站，亦肯定有人同議員反映，但運吉/城巴有無加過站？

當然，A29 加站，就算將軍澳放行，觀塘區內都會衍生唔少其他問題，例如浪費資源的問題去左 A22，但又因為藍田站而唔郁得，
仲分分鐘搞到日後油塘機場線不倫不類，之類，但呢D係後話。

秀茂坪根本染紅太犀利，幾個區議會議席都係穩陣的，你唔需要同佢地擔心。

我想問過條馬路就可以由順天/順利過左去順安係咪難過去月球？
就算現時798沿線都有小區要穿過兩三個屋苑先搭到車，例如將軍澳醫院/明德/將軍澳中心又或者係將軍澳村
如果咁都有得嘈既，ok，觀塘山區既居民的確係比較唔要面

咁你亦否定唔到，本來如果係翠秀沙的話，整個四順連安泰村居民，都可以合理步行距離內上到沙田車，但而家安秀沙就唔得。

GK3258 發表於 2015-12-5 00:25
路過唔停站，地區人仕一定會插，運吉唔一定會阻止加站。任798行過達秀，等於引狼入室，後果只有一個，就 ...

唔同意「現況已經好好，唔需要再改」

本來九巴計劃將北區域重組，係會有翠秀沙，係運吉玩野，搞到條線無左

呢條數，運吉點都要找，而家只係講緊點樣可以做到山上沙田線全日

其實康翠加寶林都勉強算係合理定線，問題係做唔到非繁 20、繁忙時間 10-15 分鐘一班，而做唔到呢個班次，寶林一定唔會收貨。

想最少資源做到全日，康城併康翠，非繁 30 分一班，基本係別無他選。

至於路過唔停站，其實就算係 E22A A29 290 都早有前科，我唔覺得得有咩問題。

S3BL100 發表於 2015-12-5 13:43
唔同意「現況已經好好，唔需要再改」

本來九巴計劃將北區域重組，係會有翠秀沙，係運吉玩野，搞到條線無 ...

逐樣講
第一樣係飛站問題，你用A29同290比，根本唔洽當。A29班客上唔到，一樣死死氣坐A22，根本班客無得走，而A29加停反而可能對將軍澳客觀感有影響，得不償失，剩係得市民有聲音，城記唔想做，自然唔成事。290，一樣有290A輔助，唔會有唔停站就客量流失，何況市民都話知你。你講既兩條線根本連巴士公司都唔會有意加站，市民嘈乜都無所謂。反而如果將沙經寶達秀茂坪，新巴想搶客自己都想加站，市民又會想，九巴仲阻到咩？根本一比左條線行，就預左嗰兩區會失守比新巴。所以咁行唔使諗 。
第二樣，無錯康翠加寶琳support唔到廿分鐘一班，拆唔到線，改去坑口岀寶琳又唔會 buy，行完去坑口再行番寶琳岀又可能搞到山上客唔坐，呢個問題係死症黎。
運吉伏過九巴太多次，根本唔會對比佢經呢邊有信心，基於現實，根本798A走線係無得改，除非一個更唔可能發生既事，就係康翠夾秀比九巴做左，不過新巴一定反對。所以基於現實考慮，我會話依家已經係最好。呢個大頭佛係運吉搞岀黎，要怪只能怪佢

S3BL100 發表於 2015-12-5 13:43
唔同意「現況已經好好，唔需要再改」

本來九巴計劃將北區域重組，係會有翠秀沙，係運吉玩野，搞到條線無 ...

康翠寶林？咁798cut左佢？同埋寶林支唔支持到2條沙田線？

GK3258 發表於 2015-12-5 15:26
逐樣講
第一樣係飛站問題，你用A29同290比，根本唔洽當。A29班客上唔到，一樣死死氣坐A22，根本班客無得 ...

咁你夠竟係想山上有全日沙田線定想山上有快車坐？行完山去厚德再番寶林又話驚佢地唔坐，佢地唔坐咪唔坐，如果798A全日化佢地又話行番落山先出市區好慢又唔坐，咁咩都佢地講曬，成日話要咩線咩線，但行隧道就唔坐，690都有樣你睇，佢地如果798A又唔坐，咪又係搞到好似690咁非繁出哂單層hea住做，但係如果798行完山再去厚德再番寶林起碼有厚德寶林支持著，798A山上客唔坐只靠寶林客支持咪要面對殺線既風險