本帖最後由 mckhgc 於 2017-10-14 20:43 編輯
ADS@81K 發表於 2017-10-14 18:59
要講新田圍有人覺得280P果40個客唔理唔得
又有人覺得果40個客倒落去都無所謂
講起送人上鐵，現實係，次次有巴士路線改動，受惠既，總係山腳堆近港鐵站既邨，被開刀既，就總係遠離港鐵站既新田圍。
仲有新翠咁近港鐵，根本冇誘恩畀優惠引人搭，都有港鐵兩蚊機，新田圍呢？
貧者越貧，富者越富。
據2016年中期人口統計，沙田區80年代落成之公共屋邨，65歲或以上人口百份比，
瀝源 29.63
禾輋 22.91
沙角 30.19
博康 28.25
乙明 25.05
美林 26.66
秦石 26.9
新田圍 27.96
新翠 25.91
隆亨23.3
顯徑 27.4
廣源 16.67
可以見到，頭三位係沙角、瀝源、博康，新田圍係排第四。
當然，除左廣源不知為何特別偏少，隆亨同禾輋算係比較少之外，其他既，根本叮噹碼頭。
但就只有新田圍，瘋狂被指「人口老化」而被瘋狂開刀，巴士如是，商場街市如是。
香港既另一端，另一個XX圍，尤其北邊o個班，就專係鬧樓下「百冇」：冇泳池冇公園冇圖書館冇體育館冇大商場冇戲院....(如果佢樓下係百冇，新田圍大概係億冇)，「乜都要」搭兩個零字輕鐵去南面至有，就係好悲情好痛苦好委屈好慘全宇宙都欠左佢。真係笑而不語。巴打又講起$3.5駁鐵，o個個XX圍D大帝又好興嘈港(西)鐵唔到樓下，免費搭程輕鐵鐵巴至到港(西)鐵係好麻煩好委屈云云。如果新田圍282有得免費駁鐵，呢度真係話知老九cut晒其他巴士線剩返282都冇人出聲！
惡言相向人身攻擊o個D，如果佢去住新田圍試下D咁既服務，保證佢嘈得大聲過我十倍唔止！尤其係樓下3分鐘有港鐵，嫌要企唔搭，所以又要A特快線B特快線C樹快線一大堆o個D！
Ricky403 發表於 2017-10-14 13:21
講講下280X，因為80M要減班，就講咗去80M同新田圍
講真，新田圍最近先多條每小時起碼3~4班嘅86C加停，又停 ...
86C加站係唔係著數就難講LA
之前86C加站,286C班FANS都未真係出黎嘈
新田圍與其話86C著數,不如話九巴皇恩浩蕩,遲來的施捨算
其實都係個句,減唔係問題,比返多D甜頭都好AR
好似聯和墟,當年無左好多線,後來九巴開673,D人先少左插九巴
又好似九巴最唔想做既葵青區
經常就減班重組同區議員拉鋸
結果九巴將本來要整頓路線全部大減班,今年又無條件934/936加時
你見都少左人插九巴
新田圍困局係,有兩條廢線82K/281M,但因為有D原因唔CUT得住
87B又唔上唔落,唯一希望得282,但靠282又養唔起頭家...
地理位置又係FAIL,原路出入,其他區唔BUY兜上去
新田圍出發,唔兜唔夠客,但又到新田圍唔BUY
如果新田圍人口有整個耀東咁多,相信會好做好多
kay 發表於 2017-10-14 20:17
86C加站係唔係著數就難講LA
之前86C加站,286C班FANS都未真係出黎嘈
或者咁講，雖然無論 82K 定係 281M 客量都較為遜色
但係就算比你 CUT 晒兩條線，最後又可以比到D咩新田圍 ?
更何況新田圍居民都未必希望 CUT 呢兩條線任何一條，因為眾所周知 82K 係靠新田圍維生，281M 亦有唔少新田圍既學生客支持
新田圍先天地理位置問題，加上交通需求又係以區內為主已經好難再有誘因加強服務
所以都係爭取 BBI 或許係新田圍目前僅有可以做到既野
Snowbb 發表於 2017-10-14 20:08
87B 要用黎補番 87A 同 88K 個 BBI ， 加上澤安至旺角一段流水
想 87B 改行青沙公路真係諗下好
都係o個句，照上面文件，加返81K/282 BBI 280X、287X、240X，城隧線方面，加返263、269D，或者47X出(入)秦石巴總後(前)繞新田圍一圈(新田圍巴總已難以再放47X，所以搬去唔可行)，問題已解決一大半，
偏偏最簡單易做又唔會影嚮現有乘客既措施，老九就係偏偏明係針對你一直唔做。姓程既，除左86C之外，唔知做過乜。
kay 發表於 2017-10-14 20:17
86C加站係唔係著數就難講LA
之前86C加站,286C班FANS都未真係出黎嘈
86C，主要用途係新田圍來往馬鞍山(貴過人就一定係啦，尤其去馬鞍山方向)，同埋九龍西回程，尤其係近黃金商場間M記有站，砌完機或買完電腦野可以唔使行咁遠搭86，而且同86同價，一樣咁貴！
新田圍往九龍西，其實幫助不大，不知為何收費特別偏貴，86 $6.4、86C $ 7.8。
當然，八仔年代，畀錢感覺唔太強烈，幾多都係「嘟」一聲」，好多人都係見車就上。
有時o係好運中心，往秦石既47X 收成$5.8，一樣客似雲來，甚至明明睇著收$4.5既81K就o係後面，都一樣大把人上47X ，仲要好多都唔似係兩蚊人，當然唯有新田圍人冇得揀就一定要81K啦。
本帖最後由 mckhgc 於 2017-10-15 01:06 編輯
AV115 發表於 2017-10-13 11:42
咦新田圍好慘，火炭山好好？睇下新田圍有咩車先：
獅隧公路：74A, 80M, 85A, 86, 86C, 89
火炭山，應該係指穗禾苑啦(火炭公屋落成就另計啦)，穗禾苑仲有綠小811去一城威記(新田圍都有架人人退避三舍既垃圾王，唯有到新田圍就變成寶既82K既，你揀邊架？)，有邨巴去中環，又有港鐵兩蚊機，呢D新田圍都冇。
因為港鐵兩蚊機，穗禾苑變相最平$2.3(綠小811 $4.3分段)就可以落山駁鐵(上山就冇計啦)，新田圍駁鐵起碼$3.8，架282仲要同山腳班食兩家茶禮人share，咁又點計？
而且都係o個句，穗禾苑係居屋，仲係不用補地價可自由買賣，同私樓無異，住得入去都係自己選擇，搬入去住之前，有責任了解交通同各樣環境配套係咪滿意，唔滿意有權唔搬入去揀過第二度，搬左入去至唔滿意，亦大可賣樓換樓(租亦一樣)，所以幾差都冇得怨。
但新田圍唔係，住得入去未必係自己選擇，尤其係80年代已搬入去既一群，當年未係差得咁緊要。
本帖最後由 Tummy 於 2017-10-14 22:20 編輯
今日中午喺禾輋放學 要過又一城市大學 info day
見 80M 就有車又唔想行過沙田上東鐵 所以就上咗 80M
過獅隊客量兩隻手數得晒 (最多多兩三個人啦) :lol
大家最關注嘅新田圍都只係上咗三條友 ;P
(利申 禾輋邨都係上咗三個)
非繁咁嘅情況 80M 縮時都無可厚非
btw 如果九巴將 80M/281M 包裝做火炭/新田圍+顯徑獅隊駁腳會唔會係出路 ? :o(雖然去到沙中線都應該命不久矣)
6516 發表於 2017-10-14 09:00
其實你嘅數據就冇錯嘅
不過當你做比較時, 要諗下個站究竟有咩人用
瀝源好衰唔衰對面有一系列公共設施
瀝源＋禾輋有十間學校（連幼稚園＋ive)還有游泳池及運動場 連九巴也要開83S 288特車 86S做源禾路客 領展翻新禾輋商場 你便知道附近人流是多誇張
80K 88K正常日子收一收車已經班班頂閘，有次有學校陸運會88k 80K各收一班車之後連85 81 72A也爆，已經明白瀝源＋禾輋是超多人去
別忘記禾輋有新公屋，舊樓矮人口少，長者多，自然個數拉高左
mckhgc 發表於 2017-10-14 20:14
講起送人上鐵，現實係，次次有巴士路線改動，受惠既，總係山腳堆近港鐵站既邨，被開刀既，就總係遠離港鐵 ...
也是那一句，居住平均年齡不代表人流
中西區夠舊，但商業區人流多wor
旺角夠舊，但著名行街勝地
一個區值不值得有多少資源是要睇埋附近設施帶來的需求與替代區
本帖最後由 Lawliet 於 2017-10-14 22:40 編輯
我都好同情新田圍交通慘況
不過現階段都係增取番282現有既轉乘福利
47X如果要經新田圍
我諗九巴寧願擺新田圍 都唔想架架車每單都上落一次山兜圈
不過問題新田圍唔夠位擺47X堆車海
或者唔係交通方面講 不如叫區議員起幾條連接電梯 秦石<>新田圍 可能重實際
青沙線方面 我認同可以有多條新線出旺角幫287X分流
但偏偏新田圍有條87B係到 好難新線都係出旺角太子一帶
白田一帶起左堆新樓後 客量好似提升左D(白田澤安一帶來往旺角?)
郁87B又係難題(其實我覺青沙出旺角/太子 獅隧番沙田都唔差 但咁整會變得單方向有青沙轉乘)
所以如果要開 比較可行既方向都係葵涌+荃灣一帶