053h4 發表於 2017-12-7 18:40
其實佢比左好多睇法比大家，而且重係支持高鐵，不過出於立場，咪一句都聽唔入
個人立場係長途車太少，應 ...
請問版友點定義"支持"呢樣野? 如果版友係講完全忽略所有因素, 淨係講對於"高速鐵路"呢樣野既本質支唔支持既話,
咁你可以話我支持"高速鐵路"呢樣野既 (特別係日本新幹線), 但係咁唔代表我支持香港起緊果條高鐵,
反對香港高鐵既原因並唔係我討厭"高速鐵路", 而係呢條高鐵有太多唔公義既成份係裡面 (造價過高, 港中利益輸送, 破壞香港法制等),
我反對既係呢D唔公義既部份, 如果版友可以為左自己喜歡既高鐵而唔理呢D不公義造成既後果, 我會為版友感到可悲,
因為咁樣表示版友仍未有足夠能力去做獨立思考 (雖然好多香港人都係咁), 無法思考一件事所會造成既後果, 只以自己既喜好出發, 鐘意既就支持, 唔鐘意既就反對
053h4 發表於 2017-12-9 09:04
對唔著，你講的不公義唔關高鐵事
我只係想講樓價，咩人政府起公屋，但又反對起公屋？係地方人仕，話搞ch ...
唔關高鐵事? 呢位版友似乎又係試圖將高鐵與政治分割, 可能版友尚未接受到政治其實同日常生活息息相關,
高鐵本身就係一項政治工程, 係為將香港資金送比中國既利益輸送, 港珠(豬)澳如是, 三跑都如是, 港鐵中國製列車就更加係
如果唔係既話點解錢就比得多過人, 做出黎既野質素又差, 又延誤?
我只係想講樓價，咩人政府起公屋，但又反對起公屋？係地方人仕，話搞cheap佢地地區影響佢地層樓樓價
明明自己業主同非業主矛盾試圖拉埋其他因素落去，達到自己政治目的，結果就係樓價升得快過類火箭
請問版友知唔知而家有好多公屋就起係"偽豪宅"隔離架? 西九四小龍對出就係海麗邨, 海麗邨個海景重好過堆四小龍,
啟晴/ 德朗邨就係私樓地盤隔離, 天水圍嘉湖山莊就比一堆屋邨圍住, 我從來未聽過私樓可以成功反對起公屋既
本帖最後由 HU6455 於 2017-12-10 20:03 編輯
ky26042008 發表於 2017-12-10 17:34
唔關高鐵事? 呢位版友似乎又係試圖將高鐵與政治分割, 可能版友尚未接受到政治其實同日常生活息息相關,
高 ...
永遠都唔明, 點解D人可以樣樣野都要同政治拉埋一齊講, 樣樣野都話係利益輸送, 呢D人永遠都唔可以獨立思考?? 定話已經被政治洗腦??
你話依家所有大型基建都話係政治工程?? 咁當年英國人果D又係唔係?? 請英國人設計, 請英國人做監督, 用英國設備, 用英國車, 但又好奇怪同一班人唔會批評當年係利益輸送同政治工程
港鐵入中國製列車就更加係利益輸送?? 咁你當佢入韓國製列車係咩一回事?? 咁九巴新巴大量入ADL, 得少量VOLVO, 又係咪向ADL利益輸送??? 但又唔見你講播
下下只係識批評"點解錢就比得多過人, 做出黎既野質素又差, 又延誤?", 但又唔反問, 點解呢幾年人工漲幅多左咁多?? 點解香港人做野越黎越求奇??
當然, 以朋友你既思維, 以上既答案就只有一個, 就係因為所有野同中國有關, 所有都係中國政府既問題, 香港今時今日既亂局, 都係大陸攪成, 香港市民一D責任都無.
最後你從來未聽過私樓可以成功反對起公屋, 當然啦, 但因為當年你所講既屋村動工前, 塊地一早預留左起公屋, 加上果時班人跟本唔興去反對呢樣野, 亦都唔似依家社會上既人咁無理智, 下下講政治
本帖最後由 ky26042008 於 2017-12-11 04:12 編輯
HU6455 發表於 2017-12-10 19:57
永遠都唔明, 點解D人可以樣樣野都要同政治拉埋一齊講, 樣樣野都話係利益輸送, 呢D人永遠都唔可以獨立思考? ...
我反而唔明版友點解重可以認為而家D人係"下下講政治", 版友似乎唔明政治係深入每一件日常生活既事,
唔係將件事政治化, 而係每一件事都同政治有關, 就算你係深山獨居, 你都避唔開政治架, 因為可能某一日有政治決定要開發深山,
你都會比人趕出深山, 所以身為一個市民, 認識並參與政治係佢個人既基本義務, 我講既參與政治唔係話要做議員/ 示威遊行咁複雜,
只係了解下身邊發生緊既事, 睇多D唔同渠道既新聞 (CCTVB果D就睇多壞腦啦), 唔好連自己比人搞緊都唔知,
最緊要投票日去投選出自己覺得好既候選人, 盡自己公民既義務, 香港投票率只有不足六成, 已經計埋掌心雷果堆 (唔知咩係掌心雷既麻煩上網搵)
就好似好多年前領匯上市, 有一班唔識政治既人唔了解到領匯上市造成既後果, 走去反對果班阻止領匯上市既人,
雖然領匯上市後一開始佢地係有著數, 但係當領匯開始瘋狂加租, 迫遷時, 佢地先知大禍臨頭, 交唔起租不突止, 交得起果D都唔同你續約趕你走,
呢個就係唔了解政治, 倒頭來被政治所害既例子, 而家我地唔係"政治化", 而係唔再去忽視一件事裡面既政治部分, 佢一直都存在緊, 只係以前冇人理,
呢D人永遠都唔可以獨立思考?? 定話已經被政治洗腦??
唔可以獨立思考既係你, 被洗腦既都係你, 因為版友竟然可以天真到認為一件人為決定可以完全與政治無關, 政治講白D就係利益, 邊個唔係為利益做野?
每一件日常生活既事都可以同政治有關, 舉幾個例: 出街食飯/ 搭車/ 租樓住/ 交水/ 電費
出街食飯:
出街食飯貴, 又唔好食 -> 因為全部都係連鎖店 -> 因為租貴, 小商戶租唔起 -> 因為領匯大幅加租 -> 因為房署冇錢, 要賣商場比領匯 ->
因為房署冇得賣樓 (居屋), 搵唔到錢 -> 因為政府決定停售居屋 -> 政治決定 (政府停售居屋)
搭車:
搭地鐵好貴 -> 因為地鐵又加價 -> 因為有加冇減機制話可以加 -> 因為政府搞有加冇滅機制出黎 -> 政治決定 (政府搞有加冇滅機制)
冇巴士搭 -> 因為巴士線Cut左 -> 因為地鐵新線通車, 要Cut巴士線 -> 因為運輸署保鐵政策, 要人去搭地鐵 -> 政治決定 (保鐵政策)
租樓住:
租樓住好貴 -> 因為業主又加租 -> 因為政府廢除租務管制, 令業主可以隨意加租 -> 政治決定 (政府廢除租務管制)
交水費:
又加水費 -> 因為東江水加價 -> 因為政府唔用海水化淡, 要侷住貴用東江水 -> 政治決定 (政府唔用海水化淡)
交電費:
又加電費 -> 因為天然氣加價 -> 因為政府唔比起天然氣碼頭, 冇得用市價買國際天然氣, 要侷住貴用"西氣東輸" -> 政治決定 (政府唔比起天然氣碼頭)
我地可以睇出我地身邊每一件事都係源於政治決定, 唔去了解, 關心政治即係放棄自己既權利, 任人擺佈,
當然, 以朋友你既思維, 以上既答案就只有一個, 就係因為所有野同中國有關, 所有都係中國政府既問題, 香港今時今日既亂局, 都係大陸攪成, 香港市民一D責任都無.
咁一個被中國控制既地方起一條連接中國, 用中國系統, 用中國列車既鐵路唔關中國事唔通關美國事?
香港市民當然有責任, 重要係最大責任, 因為香港一堆"我討厭政治"既人, 對政治不聞不問, 淨返既人幫你出聲重鬧返人轉頭, 最終自食其果, 只可以話"抵死"
港鐵入中國製列車就更加係利益輸送?? 咁你當佢入韓國製列車係咩一回事?? 咁九巴新巴大量入ADL, 得少量VOLVO, 又係咪向ADL利益輸送??? 但又唔見你講播
韓國製係因為本身有價錢上既優勢, 賣得平, 但係版友睇下C-Train? 睇下隔離Post既偽SP1900? 呢兩款車冇賣平過, 但係出黎既質素點?
下下只係識批評"點解錢就比得多過人, 做出黎既野質素又差, 又延誤?", 但又唔反問, 點解呢幾年人工漲幅多左咁多?? 點解香港人做野越黎越求奇??
香港既基建已經係全球數一數二貴架啦, 比完錢你又起得唔好 (高鐵延誤, 港珠(豬)澳飄移)
咁只有兩個原因: 1. 做野求其, 比足錢都求其 2. 根本筆錢唔知去左邊, 都唔係全部用黎起野
你知唔知香港既"基建"可以買幾多架F-22, 造幾多隻核動力航空母艦, 射幾多架好奇號上火星?
比埋數字你, F-22每架4.1億美元 (約32億港圓), 尼米茲級每隻45億美元 (約351.2億港圓),
福特級每隻51億美元 (約398.1億港圓), 好奇號計劃用左25億美元 (約195.1億港圓)
目前已知既大白象有: 高鐵香港段, 造價864億港圓 (約110.7億美元), 機場第三跑道, 造價1415億港圓 (約181.2億美元),
港珠澳大橋, 造價1123億港圓 (約143.9億美元) (2017年2月, 持續超支中)
你話依家所有大型基建都話係政治工程?? 咁當年英國人果D又係唔係?? 請英國人設計, 請英國人做監督, 用英國設備, 用英國車, 但又好奇怪同一班人唔會批評當年係利益輸送同政治工程
咁九巴新巴大量入ADL, 得少量VOLVO, 又係咪向ADL利益輸送??? 但又唔見你講播
當然以前英國要香港巴士公司買英國/ 英聯邦造既巴士係唔公義既 (呢樣野係1984年廢除), 但係留意, 香港果時係英國既殖民地,
設立殖民地既目的就係為宗主國既工業提供額外市場, 所以呢樣野係殖民地上係正常既, 不過英國車質素又唔差, 所以咪由得佢
除非版友認為而家香港係中國既殖民地 (雖然我一直都覺得實際上係), 有責任買宗主國 (中國) 既制品, 否則, 呢堆大白象只不過係港中利益輸送
(其實香港1997年唔係"回歸"中國, 而係"轉會"中國, 由英國既殖民地"轉會"做中國既殖民地, 香港1997年之前從未屬於過中國,
不論"中華民國"定"中華人民共和國", 1997年之前兩者都從未統治過香港, "清朝"個名係叫"大清國", 唔係"中國")
九巴係1984年禁令解除後就試過買非英聯邦國家既車 (例如日本豐田同三菱既巴士, 近年中國堆BYD, 五洲龍(蟲)) 最後都係無法符合香港需求而冇買
(最重要應該係全世界得德國同英國有出似樣既雙層巴士)
重有九巴唔買VOLVO走去買ADL唔係政治上既利益輸送, 只係商業決定, 無人走去逼九巴買ADL, 只係九巴自己覺得ADL適合佢,
(梗係啦, E500九巴有份設計架, 度身幫自己做既唔買多D?)
而且九巴同ADL都係商業公司, 唔係政府, 商業公司之間既"利益輸送"講白D咪係"做生意"囉, 係商業上只不過係正常不過既事黎
本帖最後由 jpoon 於 2017-12-11 03:32 編輯
ky26042008 發表於 2017-12-10 17:34
啟晴/ 德朗邨就係私樓地盤隔離, 天水圍嘉湖山莊就比一堆屋邨圍住, 我從來未聽過私樓可以成功反對起公屋既
麗港城咪反對緊茶果嶺後山起公屋囉
你果堆例子，前者係規劃時已經預留公屋，後者係李嘉誠唔想搞畀錢搞基建，所以放棄部分用地以換取政府幫佢起基建
jpoon 發表於 2017-12-11 03:30
麗港城咪反對緊茶果嶺後山起公屋囉
你果堆例子，前者係規劃時已經預留公屋，後者係李嘉誠唔想搞畀錢搞基建 ...
根據呢篇報導, 人地反對係因為交通問題, 唔係上面版友講既影響樓價,
換言之只要政府應承增加交通供應, 麗港城居民就自然會唔反對 (到時再搵藉口就另計)
有鄰近麗港城居民不滿港府只着眼覓地建屋，卻漠視新發展區對交通配套需求的增加
本帖最後由 jpoon 於 2017-12-11 15:17 編輯
ky26042008 發表於 2017-12-11 03:40
根據呢篇報導, 人地反對係因為交通問題, 唔係上面版友講既影響樓價,
換言之只要政府應承增加交通供應, 麗 ...
你自己去麗港城兜個圈睇下Ｄ居民banner先講啦
當然，除咗驚影響樓價外，仲會驚整雜個社區、屏風樓、景觀等等，最後呢D因素咪會影響樓價囉
jpoon 發表於 2017-12-11 15:14
你自己去麗港城兜個圈睇下Ｄ居民banner先講啦
當然，除咗驚影響樓價外，仲會驚整雜個社區、屏風樓、景觀等 ...
咁請問佢地既訴求有冇得到政府重視?