053h4 發表於 2017-12-6 08:28
機管局係租金+廣告，港鐵係租金39億，未計廣告
另外，入境旅客人數，前面已經講左好多外國人香港申請China ...
要經香港申請簽證進入中國既外國人並唔會因為冇高鐵而唔黎香港, 佢地係一定要經香港進入中國, 係唔係都要黎香港
另外，你亦請搞清楚，經查証，機場統計係離境人次，但香港人係一出一入，政府統計係計人數的分別
香港政府既統計係離境人次, 入境唔會計多次架, 同時, 旅客亦淨係計入境人次, 都係計一次, 請問有咩分別?
要計哂出入境次數只需將數字 X 2 即可
另外, 高鐵站的商業樓面部份, 唔係屬於"上蓋". 係地底車站部份出租面積
我唔係討論西九站商場係架構上係"車站商店"定係"上蓋商場", 而係佢實際上係"地鋪"定"商場",
就算佢架構上係"地鋪", 但係以商場既模式去建造既話, 佢都係一個商場, 情況有D類似紅磡站大堂二樓既餐廳, 你覺得果D餐廳有冇可能用地鋪呎租去租出?
不過因為全香港暫時只有紅磡站有類似既設計, 面積亦唔算大, 所以係計算全港車站商店收入時可以忽略呢個因素,
不過高鐵32萬呎既商場你覺得有冇可能全部都係用類似MTRShop既模式設計, 分佈係車站通道兩旁? 好似美孚站西鐵去地鐵果條通到咁?
如果係既佢咪有資格32萬呎都收地鋪呎價囉
本人再次多謝你補充觀點，原來你都係認為旅客(特別係長途客及中轉客)銷費較高
我既觀點唔係"旅客(特別係長途客及中轉客)銷費較高", 而係"乘搭昂貴交通工具來港既旅客消費力會較高"
係以票價, 而唔係距離計算, 高鐵廣州~香港有本事收10萬蚊單程既我都相信果架高鐵既搭客消費力唔會低得去邊
就算係歐洲黎, 如果果架飛機只係每位收10蚊, 我都會覺得果班飛機既搭客消費力會低
我係話"既然搭飛機來港既人, 連幾千甚至過萬既機票都買得起, 消費力高係正常"
而唔係"搭飛機來港既人住好遠, 所以消費力高", "黎既人住好遠"同"消費力高"係冇直接關系既
全年的訪港旅客入境人次中，機場管制站的訪港旅客有1340萬人次、陸路管制站有3857萬人次、海路管 制站則有469萬人次。
根據港鐵2016年年報: 該年車站零售商務收入為37.2億圓, 而廣告收入為10.9億圓, 共48.1億圓
就算計埋廣告收入, 點解全香港車站都少過機場收入既75億既? 你可能話機場廣告費貴, 但係油尖旺區, 中西區既地鐵站廣告費又會平?
由此可見, 就算經陸路來港既人多過經機場來港既人, 都係機場既商店+廣告收入多過車站店鋪+廣告既商店收入,
得出既結論為: 經高昂既交通工具來港既旅客消費力係會較高, 呢個係票價問題, 與距離無關
本帖最後由 ky26042008 於 2017-12-6 16:47 編輯
Snoopy@FB8617 發表於 2017-12-6 14:59
點解收唔返成本
係因為將條高鐵接近送俾九鐵將批俾高鐵營運
咁緊係無可能咁快收得返成本啦
咁咪即係政府送條高鐵比九鐵, 然後唔收返成本囉, 咁重大鑊, 就算高鐵如版友所願大賺, 政府都分唔到錢
當年日本國鐵其中一個負債原因就係因為1960年代日本內閣既"日本列島改造論", 被迫起好多收唔返成本既鐵路, 又不停借錢新幹線, 最後連利息都還唔起
不過當然香港政府財政健全好多, 年年都水浸 (最新消息係財政儲備將會突破一萬一千億), 唔會好似日本國鐵咁負債,
假如東海道新幹線係日本政府自己俾錢
然後用同樣安排交俾JR東海營運
每年收返JR東海收15000 yen 加個少少地租
日本政府都唔會係可見將來收得返個成本囉
所以而家日本起新幹線咪要諗過度過先肯起囉, 四國新幹線你可以見到係打死都唔肯起架, 因為起完都血本無歸,
行BOT唔係唔得
但如果政府本身有足夠既資本
其實無需要咁做
再講以高鐵既做價兼營運鐵路
行BOT其實有幾多人入到標?
點解唔得, 台灣高鐵/ 深圳地鐵4號線, 杭州地鐵1號線, 北京地鐵4, 14, 16號線同英法海底隧道就係用BOT建造, 點解唔得?
營運商賺唔到錢就自然會提高票價, 搭唔起就唔好搭, 想搭就麻煩比錢, 用者自付, 好似西隧咁, 比唔起60蚊一程就唔該去紅隧
講到上大陸咁危險咁恐怖
根本閣下已經有嚴重既偏見去睇高鐵
成個世界都好險惡咖其實
你估得大陸先有人偷野偷資料咩
中國犯罪嚴重都唔係第一日既事黎架啦, 網上資料好多, 中國騙徒既手法層出不窮, 你有冇試過講普通話既入境處搵你?
但係你有冇試過講英文或者日文既順豐速遞? 我就未試過啦
跟據閣下既觀點
中央新幹線其實無必要
現有服務都未完全飽和
行車時間縮短又唔係閣下著重既地方
我發現版友真係似乎未坐過東海道新幹線喎, 佢而家每小時14班 (10+2+2) 最密3分鐘一班, 同你樓下架地鐵差唔多, 幾乎同山手線一樣密
但係人地係高速鐵路黎, 唔係通勤鐵路, 咁都叫未飽和? 重有, 快一倍可以吸引更多飛機客轉坐新幹線,
中央新幹線東京品川~新大阪車程預計1小時7分, 比現時飛機東京羽田~大阪伊丹既1小時10分更快, 呢D先係真正搶到飛機客,
如果你話香港高鐵可以行得快過飛機我就信會多人搭啦
呢條片係現時東海道新幹線上午繁忙時間既班次模擬
https://youtu.be/D0pEuX3nj40
呢個係東海道新幹線東京站既時刻表
ky26042008 發表於 2017-12-5 22:36
所以玫瑰園計劃起既青馬大橋, 西隧, 大欖隧道咪用者自付, 收過橋/ 過隧道費囉, 佢而家唔係免費喎, 你知唔 ...
你覺得起高鐵係錯, 就一蚊一蚊咁去計
但你覺得起新機場係岩, 就係咁二講幾句就算
跟本朋友你自己都唔可以用番自己講, 自己用黎計高鐵既計算方法去計
開始時係高鐵度你又要人地只係直接用車費收益去計, 其他間接既經濟收益/利潤全部唔理
跟住新機場呢度你又用間接既經濟收益/利潤去講, 跟本係隻重標準
再講, 青馬大橋, 西隧, 大欖隧道用者自付, 真係已經收回佢個建築成本嗎?
本帖最後由 HU6455 於 2017-12-6 17:35 編輯
ky26042008 發表於 2017-12-6 16:31
如果你話香港高鐵可以行得快過飛機我就信會多人搭啦
只係回覆你最後一句啦, 我保證一定可以
因為高鐵沿線有大量無機場既車站可以比乘客到達, 例如東莞, 潮汕, 肇慶
依家日日都有大量人香港上深圳北坐高鐵去潮汕廈門沿線各站, 不過相信朋友你都係可以直接忽視
本帖最後由 ky26042008 於 2017-12-6 18:09 編輯
HU6455 發表於 2017-12-6 17:14
你覺得起高鐵係錯, 就一蚊一蚊咁去計
但你覺得起新機場係岩, 就係咁二講幾句就算
咁不如我地又一蚊一蚊去計, 機場核心計劃建築包括:
香港國際機場, 機場鐵路, 青嶼幹線, 西九龍填海計劃工程, 西區海底隧道, 三號幹線, 西九龍快速公路, 中區填海計劃第一期, 東涌新市鎮第一期, 總值964億,
先唔講新機場盈利 (因為未去除原來價值部分), 我地黎睇賣地, 呢項計劃直接令原啟德機場用地空置, 可以用黎發展,
呢個係啟德區住宅賣地紀錄, 咁多塊共424億港圓,
啟德發展計劃總發展面積為328公頃, 淨係住宅賣地已經佔去造價一半,
呢兩張係啟德發展區地圖
可見私營房屋面積為26.9公頃, 只佔總發展面積8.2%, 賣地價值已及造價一半,
唔計都冇咁得人驚, 一計出黎就嚇死人
再講, 青馬大橋, 西隧, 大欖隧道用者自付, 真係已經收回佢個建築成本嗎?用BOT建造既建築, 係由營運商透過營運收益回本, 就算最後回唔到本, 都冇權向政府拎返差額, 只能怪自己投資失利
(注意: 我冇話上述建築會收得返/ 收唔返成本, 因為唔關我事, 有興趣研究既版友麻煩自己去搵資料)
ky26042008 發表於 2017-12-6 17:55
咁不如我地又一蚊一蚊去計, 機場核心計劃建築包括:
香港國際機場, 機場鐵路, 青嶼幹線, 西九龍填海計劃工 ...
真係唔講唔知, 原來啟德發展既收益, 係用黎cover另一個項目(新機場)既開支, 如果照你咁講, 西隧一通車就唔應該收咁貴啦, 反正都一定回到本
另外, 你用一份今日既資料, 去衡量一個廿幾年前已完成既項目, 但另一方面, 你只係用今日既資料, 去衡量一個一年後先完成既項目, 又係咪公平呢?
本帖最後由 ky26042008 於 2017-12-6 21:52 編輯
053h4 發表於 2017-12-6 17:25
港鐵額外收入48億元, 機場75億元, 學你咁計我都係計額外收入20億LOR
重有, 佢定一定要來香港? 你唔知大陸 ...
港鐵額外收入48億元, 機場75億元, 學你咁計我都係計額外收入20億LOR
重有, 佢定一定要來香港? 你唔知大陸直飛海外航班(特別係深圳/廣州越來越多)
我唔係好明版友想講D咩, 港鐵48億係全香港車站商店同廣告收入, 唔可以同機場做直接比較, 客源完全唔同,
我係用黎證明盈利與人流同出發地無關, 旅客消費力先係關鍵, 10億窮人黎香港旅遊都冇辦法帶黎幾多收益,
我講緊"外國人"例子係根據版友提供既資料
同樣，本人做過直巴，大量外國客就係係去香港申請china visa入大陸
外國人經香港上內地的數量很多，部份是他們所住的城市未必有中國領事館，與其到中國領事館辦簽證，不如直接到香港申請，第二天就拿到，錢還是要付。
如果該外國人係必須經香港申請簽證前往中國既, 咁有冇直航前往該國都冇關系, 佢點都要黎香港搞簽證
其實討論過程中, 佢提出左好多"支持高鐵額外收益"的論點
好似唔講都唔知原來港鐵車站人流帶動下可以收天租
唔講都唔知原來佢認同機場客流, 以旅客, 同轉機客, 中長途旅客為銷費高收好貴租
一般地鋪人流多 = 貴租是常識吧? 相信唔使我教版友都知啦, 問題係高鐵客210蚊張飛既消費力可以同過萬一張飛既飛機客比?
我再講一次, 我認為經高昂既交通工具來港既旅客消費力係會較高, 呢個係票價問題, 與距離同人流無關,
以經濟角度, 我寧願要100個高消費力旅客都唔要10萬個窮人旅客
所以港鐵一開始就計劃開長途車, 大量增加租用樓面(即負1, 負2層個32萬呎)
真係非常正確
起商場賺錢係商業角度梗係正確架, 不過唔起高鐵一間商場都賺緊10億一年 (圓方), 咁起高鐵有咩意思? 可以搵多幾多?
開長途車? 我見到既係8成係短途車喎, 唔通京廣高鐵未起好? 高鐵去唔到北京?
重有長途車越多, 高鐵車務收益越少, 因為要計里程分帳, 越長途香港果26公里就分得越少
重有, 轉機旅客係無需入境, 亦即係話原則上唔會計入訪港人數, 請問你個2000萬人點黎?
正確D, 係1100萬香港人經機場出境, 4632萬人經機場入香港境, 總旅客5666萬人, 減返機場既4632萬, 淨返既既1034萬係唔經機場入境既旅客, 唔係轉機
3跑未起好前, 高鐵又唔可以直達南中國主要地區, 機場再落客就麻煩啦
三跑起唔起好關機場接客量咩事? 而家係唔夠泊位同航道, 起多10條跑道都冇用
我前面已經講左, 停車場唔夠車位係咪開多幾個出入口就解決到問題? 而家係唔夠車位同出邊條路太窄, 你起出入口有咩用?
只係回覆你最後一句啦, 我保證一定可以
因為高鐵沿線有大量無機場既車站可以比乘客到達, 例如東莞, 潮汕, 肇慶
呢D唔係叫快過飛機, 呢D叫做獨市生意, 所以現時東莞同肇慶已有直通車覆蓋,
正如去飛驒冇新幹線, 冇機場, 得在來線, 係咪起條新幹線去就叫快過飛機? 你咁講在來線特急都快過飛機, 因為飛機都唔到
當年日本國鐵其中一個負債原因就係因為1960年代日本內閣既"日本列島改造論", 被迫起好多收唔返成本既鐵路, 又不停借錢新幹線, 最後連利息都還唔起"
好似有好道理咁WOR
跟者話"新幹線係有利潤"咁反應左咩, 國鐵負債唔係因為新幹線LOR
因為新幹線之前日本國鐵已經負債
兩個都係因素, 分別係"起蝕錢鐵路"同"借錢起新幹線", 兩個都係原因, 正如蘋果加價,
除左加租, 重可以來貨一齊加, 咁係唔係因為"蘋果來貨加左價"就可以無視"加租"?
賺大錢既係東海道新幹線, 借錢起冇錢還既係山陽同東北新幹線, 唔係話東北新幹線冇錢賺, 不過未起完你點賺?
重有, 你講得啱, 東海道新幹線每小時14班, 平均4分鐘一班, 都可以話飽和啦, 同樓下條地鐵差唔多密
咁你話"東鐵飽和未啊"?
高鐵淨係食東鐵飽和後既客有冇錢賺? 人地中央新幹線係除左食東海道新幹線既客,
重可以大量食飛機客喎, 因為重快過飛機 (到時相信東京羽田~大阪伊丹既飛機都可以準備執)
重有, 東海道新幹線, 1972年班次都係每小時8班, 同港鐵而家話114班差唔遠, 咁反映咩先?
咁反映日本國鐵營運東海道新幹線 (淨係東海道新幹線) 營運得好, 人地一小時7班都可以7年回本, 最初期甚至一個鐘2班添,
港鐵開一個鐘5班就要100年先回本, 高下立見