本帖最後由 Snoopy@FB8617 於 2017-12-5 15:45 編輯
ky26042008 發表於 2017-12-4 19:26
OK, 似乎我地已經假定左香港高鐵係可見既將來都無法收回成本 (唔好同我講100年叫可見)
呢篇明報既報導亦寫 ...
等等先我從來無假定過香港高鐵係可見將來收唔返成本
分返開兩樣野既係單靠車務收入的確有一定難度
但唔會好似閣下同一眾泛民議員
時刻無視高鐵除車務外既其他收入
同對香港帶來既邊際/間接利益
唔知由幾時開始一個基建應唔應該起
會變左由可唔可以單從票價收入收回成本而定
咁都係同一句
香港大把基建唔使起
東九龍線過二百年都可能收唔返成本
更唔講一眾唔使收費既公路直頭係永遠既大白象
經濟好係唔係可以代表停低唔使郁?
硬件無可避免係需要提升
定係到時香港經濟慢慢轉差既時候
又倒返轉頭話香港政府咩都唔起?
明報既報道只係講政府唔會直接向九鐵/港鐵收租
咁當然無可能收得返成本
不過咁講此安排其實做得差
就算政府係港鐵大股東
都冇現由將盈利交俾無份出錢既人
1.係而家大量遊客經東鐵線落旺區既情況下
高鐵有機會可以舒緩東鐵線運力不足既情況
再講中國人要落香港唔一定係旅遊同旅遊
2.同樣地點解香港上大陸既人又一定係要遊玩同遊玩?
上去開會傾生意唔得既咩?
同埋依你咁講法
香港使唔使禁止香港人出境消費?
就算真係要遊玩
咁節省部分人行程所需時間都係間接經濟效益
最後
東海道新幹線做得好好大家都認同
咁所以同香港高鐵既關系係咩?
係唔係做唔到東海道咁樣就唔得
你話發達地區可以唔使起高速鐵路咩?
咁日本仔起中央新幹線把鬼?
本帖最後由 ky26042008 於 2017-12-6 01:32 編輯
Snoopy@FB8617 發表於 2017-12-5 15:42
等等先我從來無假定過香港高鐵係可見將來收唔返成本
分返開兩樣野既係單靠車務收入的確有一定難度
但唔會 ...
等等先我從來無假定過香港高鐵係可見將來收唔返成本
唔係你講, 不過係政府講之嗎, 呢到寫既, "政府表明有關安排將不能收回高鐵的興建成本"
唔知由幾時開始一個基建應唔應該起
會變左由可唔可以單從票價收入收回成本而定
究竟係應該用者自付定應該政府包底, 我覺得視乎果項基建係咪為左解決本地需求, 並大多數令香港人受惠,
道路基建係免費既並唔係因為唔使收成本, 係因為係稅項已經包左, 版友可以見到好多用B.O.T.興建既快速公路, 三跑等,
呢D只係為較少數人起既基建 (雖然都多高鐵好多), 就要用者自付
所以我係贊成高鐵應該用B.O.T.形式建造, 造價由高鐵乘客分擔, 用者自付, 總之你唔好使政府一蚊, 除非你以後唔使我交稅,
就算政府係港鐵大股東
都冇現由將盈利交俾無份出錢既人
邊個冇份出錢? 持港鐵股份既退休老人? 呢D我認同呀, 全香港相信只有未成年既小朋友同退左休既老人冇份比錢起高鐵,
香港大部分打工仔都係納稅人, 每年都比政府打劫筆錢走去起大白象, 起完又冇得用, 同比人打劫有咩分別?
重有除左新俸稅, 重有一大堆間接稅, 例如燃油稅, 博彩稅, 汽車首次登記稅, 差餉, 地稅, 遲D又話廢物徵費, 不停搶我錢
咁多錢去徙去起高鐵就唔該比返D稅我, 每次交完稅我都唔知為乜, 錢就比左, 都唔知得到D乜?
醫療福利? 年年都Cut緊, 社會福利? 我又未夠窮拎綜援, 公屋? 排到我退休都未到我
你將864億平分比香港人每人收返12000蚊推動本地經濟都好過咁樣拎左去
2.同樣地點解香港上大陸既人又一定係要遊玩同遊玩?
上去開會傾生意唔得既咩?
你覺得一個生意人會唔會搭7個鐘高鐵去上海傾生意? 生意人既時間係最值錢, 7個鐘佢已經可以做到好多野, 搵到好多錢, 同投資有關既公司就更加,
呢D生意人一定會搭飛機, 去邊都係會用最快既方式, 唔計金錢, 因為佢慳到既時間可以搵更多錢, 高鐵服務到既生意人相信大部份只會係香港~廣州既生意人,
長途高鐵對於商務旅行既人黎講應該幾乎0吸引力, 已經唔講係中國有比人偷野既機會啦, 比人偷左商業機密, 間公司隨時可以執笠,
飛機都重話冇得走, 逐個搜身, 高鐵下個站落左車就袋袋平安, 你想搵得返?
你話發達地區可以唔使起高速鐵路咩?
咁日本仔起中央新幹線把鬼?
中央新幹線起黎既目的係分流東海道新幹線, 而家東海道新幹線都接近飽和, 佢同東海道新幹線一樣,
都係服務東京~大阪間既城際運輸 (東京品川~名古屋只係第一期), 即係代表, 中央新幹線全線通車後就可以發揮完整功能, 客量亦有十足保證,
你某程度可以當佢係第二條東海道新幹線, 不過快一倍 (285km/h vs 505km/h)
ky26042008 發表於 2017-12-5 21:28
唔係你講, 不過係政府講之嗎, 呢到寫既, "政府表明有關安排將不能收回高鐵的興建成本"
如果照朋友你以上既理論, 大嶼山既機場/青馬橋當年應唔應該起?
希望你用岩岩你自己講既計算方法計算同講解一下我我地呢班無知人仕聽下
本帖最後由 ky26042008 於 2017-12-5 23:06 編輯
053h4 發表於 2017-12-5 14:16
港鐵公司車站商舖近年租金急升獲巨額盈利，隨着規模龐大的西九龍廣深港高鐵總站2016年落成啟用，港鐵經營 ...
其實3.6億呢個數係根據板友以下既理論再加以計算得出黎既, 其實係十分低估左實際既數字, 只係為滿足版友既幻想先嘗試下計, 搞搞下我都以為呢個係實數
另外, 你自己睇番當年數字, 高鐵造價其中669億裡面, 扣左管理費, 近百億, 扣埋額外開支, 成個建造成本係430億, 其中180億係總站
如果180億起的總站成本租金你的唔計, 同時因為旅客帶動出明顯高於週圍地區的租務收益, 根本打橫離
雖然我之後而計算過比較準確既數字 (車站造價223億港圓), 50年回本期為每年4.5億
當時高鐵總站既成本佔全部成本既27%, 而家已知最新高鐵造價864億, 假設高鐵全部工程係平均地超支, 我地可以得出現時西九站造價為233億 (864億 X 27%)
不過其實我認為呢個數都唔係最準確, 因為高鐵冇隧道段得車站就唔成事, 所以冇理由淨計車站造價, 我地不如試下掉轉計
已知864億高鐵, 我地定左50年回本期, 政府預計車務收入每年7億, 864億 - 7億 X 50年 = 514億, 呢個先係車務之後既回本數字,
514 ÷ 50 = 約10.3億, 呢個先係我地實際要既數, 唔係我亂計, 係一開始我地就計錯左
根據呢篇報導, "港鐵上蓋商場租金收入達39.45億元......其中最賺錢的商場是圓方，去年收入為10億元"
呢筆數講緊係港鐵上蓋商場租金收入既4份1, 圓方全年既租金收入, 你覺得真係可以收返?
(原來租值 X + 高鐵造成嘅升幅 Y = 實際租值 Z)
根據呢條公式, 以圓方為例, 應該既收入係 10億 (X) + 10.3億 (Y) = 20.3億 (Z), 因為頭10億係唔起高鐵站都會有既錢黎,
唔好同我講直通巴因素, 直通巴本來就有, 唔起高鐵因為直通巴帶黎既生意額都唔會消失, 個Z值係港鐵上蓋商場租金收入既一半
可能你話有成32萬平方呎商場, 一定有啦, 根據報導"港鐵擁有的可租出零售物業樓面面積達212,500平方米。", 約231萬平方呎, 高鐵商場既7.2倍,
地鋪既呎租本來就比商場高, 地鋪係賣人流, 呎租高但係面積細, 版友見地鐵站既店鋪以至地鋪都係以細間為主, 好少有千幾呎既大鋪, 因為冇人會租得起
商場係賣包裝, 大面積靚鋪面吸客, 唔係邊個租商場萬幾呎黎開鋪? 15000呎鋪收500蚊呎租咪成750萬一個月? 蘋果都破產啦, 你估你開係廣東道?
經濟日報話, 蘋果係又一城間鋪都係$250/呎, 月租375萬, 就好似市區板間房呎租係高過新界獨立屋豪宅既, 但係豪宅係賣大間, 整體租金仍然遠高過板間房
本帖最後由 ky26042008 於 2017-12-6 01:34 編輯
HU6455 發表於 2017-12-5 22:24
如果照朋友你以上既理論, 大嶼山既機場/青馬橋當年應唔應該起?
希望你用岩岩你自己講既計算方法計算同 ...
所以玫瑰園計劃起既青馬大橋, 西隧, 大欖隧道咪用者自付, 收過橋/ 過隧道費囉, 佢而家唔係免費喎, 你知唔知大欖同西隧收幾貴?
搬機場就話可以釋放九龍城建築物高度限制, 真正提升土地價值, 高鐵釋放左D咩? 洗頭艇?
機場市區搬去郊區之後留低一大塊市區土地, 價值不斐, 起公屋又得, 賣左佢亦得, 得左, 帶黎既利潤係億億聲
重可以開發東涌新市鎮, 增加大量土地供應, 用黎起住宅/ 公屋/ 商場, 造福市民, 高鐵反而係佔用左市區一大塊地
本帖最後由 ky26042008 於 2017-12-6 00:30 編輯
053h4 發表於 2017-12-5 23:22
高鐵佔用左土地？高鐵放在係地底，上蓋係可以起樓
而家係因為配合文化區要起廣場，先唔可以加密度JAR
...
地底唔係土地可以使用既部分? 版友知唔知幾多商場有地庫層, 幾多樓用地庫做停車場,
地底比高鐵霸左呢D本來可以起係地底既設施咪被迫搬上地面上, 變相造成土地浪費,
重有, 機場係使完一大筆錢就市區多塊地用, 高鐵係使完一大筆錢除左高鐵我都唔知變左D左咩出黎比人用
你而家話你自己錯？機場就其他業務收入就75億，可租用樓面就上文列出，根本用機場，同港鐵車站可租用樓面，都可以得出人流可以帶動高額租金收益的結論
圓方德福就呢一個部份，香港物業或其他業務
180億呢條數係版友比我既, 既然版友果180億數字本身係錯, 咁用呢個數字計出黎既野當然都係錯啦
“零售特許經營權及廣告收益增加 3.7% 至 78.03 億港 元,佔收益總額 41.9%,這是由於更佳的特許經營權 條款、機場客運量增長及在中場客運大樓開設新零 售店鋪,以及於整個年度進行零售推廣活動使收益 增加所致。"
可見人流可以大幅為商鋪增值
既然你話"可見人流可以大幅為商鋪增值", 咁首先請比出機場商鋪人流既數字, 唔洗勞煩你搵, 我比埋你,
2016年機場出境既香港居民有1100萬人次, 2016年遊客有5666萬人次 (所有管制站入境, 即係已經計多比你), 共6766萬人,
而經羅湖同落馬洲出境既有香港居民有5212萬人次, 2016年中國遊客有4300萬人次, 共9512萬人次,
以版友理論, 人流越多 = 商鋪價值越高, 咁港鐵係邊境車站既店鋪收入應該高過機場果78億喎, 咁點解2016年港鐵全線車站收入只係37.2億既?
明明兩個邊境車站都多過78億啦, 點解計埋其他站會淨返37.2億既, 唔通有人食左筆錢?
港鐵係車站收入還車站收入，上蓋還上蓋，即係57000平方米(2016)的可租用樓面的車站鋪，收左37億租，點做到？你自己引用報導係因為人流，位置好，可以收貴十倍，一間鋪仔幾十萬租
咁既然版友都識講"車站收入還車站收入, 上蓋還上蓋", 咁版友重將高鐵站上蓋商場用車站地鋪呎租計算?
兩者既租金準則根本就唔同, 版友用地鋪既呎租 (最高$3000/呎) 計算商場既收益本身就係錯誤既
我引用車站商店既租金只為得出邊境車站免稅店既收入, 因為邊境車站免稅店既收入係計埋入車站商店收入既
ky26042008 發表於 2017-12-5 21:28
唔係你講, 不過係政府講之嗎, 呢到寫既, "政府表明有關安排將不能收回高鐵的興建成本"
點解收唔返成本
係因為將條高鐵接近送俾九鐵將批俾高鐵營運
咁緊係無可能咁快收得返成本啦
打個比喻
假如東海道新幹線係日本政府自己俾錢
然後用同樣安排交俾JR東海營運
每年收返JR東海收15000 yen 加個少少地租
日本政府都唔會係可見將來收得返個成本囉
行BOT唔係唔得
但如果政府本身有足夠既資本
其實無需要咁做
再講以高鐵既做價兼營運鐵路
行BOT其實有幾多人入到標?
交稅一向唔係所有服務都自己用得到
大把福利/服務我都無份用
咁我都唔交稅lu
講到上大陸咁危險咁恐怖
根本閣下已經有嚴重既偏見去睇高鐵
成個世界都好險惡咖其實
你估得大陸先有人偷野偷資料咩
跟據閣下既觀點
中央新幹線其實無必要
現有服務都未完全飽和
行車時間縮短又唔係閣下著重既地方