053h4 發表於 2018-8-30 09:57
962day 1就係落銅鑼灣，重有，當日灣仔碼頭無位
961要擺會展。
現今962系大部份日間及繁忙時間路線都已經可以接觸到銅鑼灣依個區，
我諗極都諗唔明城巴要開P962嚟做乜囉....
既然要跟九巴嘅成功案例，咁其實962絕對可以唔駛落銅鑼灣，
灣仔無位擺？要擺灣碼出口絕對擺得到！
問題係城巴一開波已經有晒遠見，直插摩頓台，而且只係收灣仔價。
我想問吓，究竟係城巴成功，定九巴成功呢...
最後，唔該留意返！其實962X都一樣有好多屯碼客的！
唔好講到屯碼個個都係搭59M/59X轉960/961囉！
962全日豪華版淨做屯碼夠做?
真係咁掂既, 962X非繁就唔會咁疏啦
新屯中富健龍門居要快就梗係59M/X轉960/961, 貪佢密車, 想要平又唔趕先揀962X
053h4 發表於 2018-8-30 12:38
灣碼真係無位, 而家下繁5:30 ~ 6:30就差唔多每一兩分鐘就有私牌車入摩頓台等開962/929系列的全程或者短棍, ...
當初960嘅位咪又係中巴/新巴/城巴擺車用，960開線咪又係畀咗960擺車囉！
962要入灣碼唔好同我講無位，只係把中巴/新巴/城巴擺開車嘅位搬去其他地方擺...
非不能也，實不為也:lol:lol
而且，摩頓台當初咪又係無位，只係城巴調吓月台調吓線走先有位吉出嚟，
所以唔好講到摩頓台預咗位畀962系用囉！
之於碼頭區嘅問題，我就真係睇唔明你想擺喺屯門碼頭邊一個位喇！
我更加唔知閣下有冇喺繁忙時段去過屯門碼頭總站，
成個總站已經打晒仗咁，食飯時段九巴啲車直頭擺到去入口嗰度，
得返一條行車線畀巴士、的士及其他車進入，
望吓259D特車都要放兆山苑出面擺街就知咩事...
入龍鼓灘就仲好嘢，依家連點樣發展都未傾好，
龍鼓灘村嗰邊行12米車又有啲難度，再加上屯赤整到啲路爛晒！
你估真係話入就入咩，當玩泥沙咩...
就算要插旗，都唔會係依家嘅事啦！
而且，入中上環唔駛QUOTA嗎？
P960及P968係運輸署加QUOTA畀九巴，
城巴自己開P962，QUOTA從何來？運輸署真係再加QUOTA畀城巴嗎？
053h4 發表於 2018-8-30 14:34
拉條線去龍鼓灘, 就唔需要考慮屯門碼頭打晒仗問題
另外, 龍鼓灘收貴50%有條全日線, 我睇就一定支持
我唔知你憑乜嘢數據話收貴50%會有客支持。
唔好講依條，就算P960喺我樓下經過，我都80%唔會搭佢，除非真係好趕時間/好懶唔想轉車。
專登買幾部短車走過嚟行一啲根本唔會回本嘅重疊路線，
九巴都真係可能會咁做！
城巴？古今中外我真係無見過佢有咁做過囉！
不過算啦，閣下從來都唔講數據嘅，因為閣下只係「一言堂」、「我話得就得」。
睇返上星期N8X嗰四十幾版文就知道啦！
ky927 發表於 2018-8-30 00:52
其實豪華線除左舒服，快同直接先係賣點；唔介意你收得貴，但唔好邨邨停好囉。唔係話睇唔起公屋，但係講負擔 ...
又唔好咁講，起碼三景係租置邨嚟，沿線都有好多居屋同少量私樓
同埋公屋居民都會去旅行去港島返工嘅
bestwishes706 發表於 2018-8-30 01:05
兆康巴士線...如果唔係兆康後上高速，基本上都好輸蝕，例如好似67M咁，上得屯門公路黎，架西鐵都去到荃灣 ...
兆康個位先天問題，做總站車就行邊都繞路儲客，無番十幾二十分鐘都上唔到高速。
虎地站夠爽，但車疏行得遠，和二十年前68系途經時無得比。
不過P960走線中，得兆康欣田獨市，其他位有960，大家都有位坐的情況下，能吸到幾多客存有疑問。