238X 發表於 2018-12-7 07:28
睇低象石客量好正常。石圍角其實有半條村近地鐵，象山太細
其實九巴又拉 936 又拉 36R，主要目的唔係拉 ...
個價錢同對手比唔可能再差太遠
所以貴價流水以外，都係插旗性質居多
封死對家拓展機會
238X 發表於 2018-12-7 07:28
睇低象石客量好正常。石圍角其實有半條村近地鐵，象山太細
其實九巴又拉 936 又拉 36R，主要目的唔係拉 ...
之前曾經計過
按勞動人口，象石係拍得住海濱+海灣
我覺得象石少人搭巴士，最主要既原因係無條線似樣
32慢之餘，長深荔走入少客既荔枝角道
43X去唔到沙田多人去既地方
936/40P都要兜曬全個東北葵
固然石圍角近地鐵站會影響基本盤
但如果有返幾條正常既油尖旺線
我唔覺得象石無得做
至少我覺得上面建議既32X（象石/梨木樹總站>[不停站]>長深荔/旺角/佐敦）
頭站區都會幫手出到客
又想知你覺得呢組線應該點？
castanopsis 發表於 2018-12-7 08:48
之前曾經計過
按勞動人口，象石係拍得住海濱+海灣
我覺得象石少人搭巴士，最主要既原因係無條線似樣
呢D老牌公屋多數有人口老化問題
kay 發表於 2018-12-7 09:07
呢D老牌公屋多數有人口老化問題
留意，係計勞動人口，而唔係總人口
castanopsis 發表於 2018-12-7 09:14
留意，係計勞動人口，而唔係總人口
常理計都唔會好過私樓
以象石落成年份比較
接近同期既有新田圍邨
舊屋邨無邊條邨無人口老化問題
不過長者2蚊同有月票情況下
拉線去石圍角隨時幫到唔少
所以我以前話936開全日既
加個長沙灣分段,幫手做埋重組
kay 發表於 2018-12-7 09:21
常理計都唔會好過私樓
以象石落成年份比較
其實有為數不少既中產鍾意揸車/搭邨巴返工
所以以同等數量既勞動人口計，私樓對巴士需求反而會相對公屋區細
而叫得做勞動人口，就即係要出去打工
數字唔會呃人，象石交通需求確實唔細得過海濱，問題只係巴士食到幾多
936加個分段唔見得對重組有幾大幫助
castanopsis 發表於 2018-12-7 02:58
先釐清一點，我條象石梨木樹葵涌道天橋特快，會喺佐敦止步
尖沙咀碌到美孚先走真係太慢，我打算另外拆一 ...
唔反對佐敦止步，但正如我之前講，九記開快線目的純粹係為咗減車同 upgrade，一係節省資源，一係開空氣線 (934 等)。
所以我會擔心緊價錢同班次問題。
依家 41A 先開緊 20，63X 非繁仲要開 30。本身客量唔算少，其實有得做大，但我唔覺得九記會咁做，原因亦好簡單: 只要有特快，九記取向會係班次疏少少都無問題，順便谷 ETA 睇廣告。
所以有幾個延伸問題:
依家荃葵都叫做每區/1-2 區有一條線出深長茘旺角，基本上只要唔收車，都算合理服務。例如 33A，唔計楊屋道果段，新區上車落深水埗甚至旺角，我覺得都仲喺接受範圍入面。
問題係如果改快拆線重組等等，基於客源減少 (由深長茘油尖旺 變做 只做深長茘 或者 只做油尖旺)，最後會唔夠客。
依家 234X 非繁都未坐滿就上公路，拆完線就會更少客。
一個正路解決方案就係將路線兜多一區，例如 30X 同 234X 合併，一條荃景圍兜西約，一條西約兜荃景圍；一條做深長茘，一條油尖旺。
呢類解決方案個問題係，如果兜路選擇係唔順路 (順唔順路就好主觀，例如我會覺得西約兜上荃景圍甚至象石係唔順路，和宜合道兜上安蔭等等都係唔順路)，有一區就會慢咗上公路。
如果最後條線兜多 5-10 分鐘先上公路，然後等車又等多 5-10 分鐘，跑西廊仲要唔知會唔會停美孚俾 63X 撤出，塞落美孚多 5 分鐘加加埋埋條快線喺西廊識飛都無用。更嚴重問題在於加價。依家 33A 收緊 $6.4、32 36B 收緊 $6.8，如果開快線旺角頭站，估計起碼要加到 $8.9。
而如果唔想呢種情況出現，我反而想其他區都用佐敦做分界，而唔係旺角做分界，特別係好多區域都有能力二拆三 (例如 30X、234X 拆一條直落尖沙咀)，如果二拆三有兩條都係深長茘或者旺角頭站特快，咁就未盡用資源了。
當然如果象石開到線直落佐尖，我都唔反對，最怕係搞搞下又無客，然後九記又會左兜右兜，亦做唔到雅翔道單向轉乘 (有條直達線 936)。
castanopsis 發表於 2018-12-7 03:31
鬼唔知
我唔係比較緊 西廊/大埔道 同 長沙灣道
你的32A/32X當然快，但九巴都唔會咁做，佢一向都唔願意改革果度的交通。:'(
不過，你同時要解決來回石圍角至華員邨，同埋石圍角去石籬(回程有94小巴)的交通問題，尤其是返放學時間。
本帖最後由 238X 於 2018-12-7 13:37 編輯
castanopsis 發表於 2018-12-7 09:36
其實有為數不少既中產鍾意揸車/搭邨巴返工
所以以同等數量既勞動人口計，私樓對巴士需求反而會相對公屋區 ...
先講揸車。公共交通好基本上無人想揸車。海濱連去錦田都可以一程鐵，揸車誘因其實頗小。我自己都係非繁去九東、新東或者南區先會揸車（當然喇，咁唔代表我去港島北會搭 930X）
至於邨巴，238X 自己已經係一條邨巴，甚至 NR38 一至六都係九點七尾車，連星期六朝早要過海都係 easy job。
但你講私樓少客過公屋區就一定係啱，至少人口密度一定係公屋區贏。假如海濱海灣環宇柏傲係公屋，可能 238P 要全日，甚至 38A 會夠客夠牙力分 42C / 48X 啲資源。
另外象石仲有一個大問題，就係要上山。我好多年前聽過人話 36B 未加冷之前蝕得好甘，如果屬實，條線多上落斜未必無關係。梨木樹有得嘈某程度上只係因為佢哋條邨大啲，石安蔭同石籬交通真係比較好亦都只係因為佢哋條邨更大，而且與工廠為鄰，雙向都有客源保證。
--------
32 食 36A 係最簡單，但我會認為呢條只係一條「中間線」，飛完葵涌好大機會都係要跟 36B (北行跟 36A)。
之後我會考慮拉埋 31B 玩四變三：
新 32B：石圍角 <> 沿 32 舊線 <> 九龍改跟 31B (北行跟 36B 行元州街)，擺到明流水。唔一定要食哂 31B，但 31B 要同新線同路 (即係入埋元州街)，咁樣石籬可以 keep 住叫兩飛
32X：真正特快，停完和宜合道下一個站就鴉蘭街，如果驚唔夠客可以停埋同珍甚至光輝圍，但葵俊苑打後全部都要飛
----------
如果九巴唔跟，我都係傾向認為九巴自己圍唔啱條數，唔會好似某啲 (前) 梨木樹居民咁，覺得九巴虧欠佢哋。唔講其他，就算而家啱啱全日條 47A 都係要經梨木樹。佢想玩葵芳特快其實大可改行德士古道（我知貨 van 會咁做，佢哋話咁樣停少啲燈）
238X 發表於 2018-12-7 13:32
先講揸車。公共交通好基本上無人想揸車。海濱連去錦田都可以一程鐵，揸車誘因其實頗小。我自己都係非繁去 ...
係果邊的議員衰先，九巴幾年前主動搞36B特快，又嫌乜嫌物，而家又話想延去尖沙咀，到運署同九巴落閘係正常。
最重要係，九巴始終以商業利益做考慮，提出整合路線，又遇到各山頭議員反對，搞完一大輪又未必多錢賺咗，所以九巴都係諗一條線就加一條線，好似搞現有的路線。