Ricky403 發表於 2018-12-14 00:45
但用咗屯馬線削出黎嘅車開你口中嘅230，荃威30+30X就可以如九巴所願再減車出黎尤其30X如果撇得甩黃埔會好 ...
將30X撤黃埔係爭黃埔<>QE問題,唔知捷輝仲有無興趣開條小巴線
係有230底下234X可考慮回程飛尖碼同市中心提速
而佐敦油麻地可以搵返30X替代(本身我諗住縮柏景灣)
改去西九龍站既時間應該同塞通菜街/新填地街出入柏景灣差唔多
castanopsis 發表於 2018-12-14 10:52
分開講返上葵西九
35A/X唔夠載，應該直接加車
不如諗下點解我咁 buy GW4866 兄既方案，
好大程度係因為 big picture 要有既野都齊晒，同時無任何已知漏洞或收費問題
正如我隔離 F1 個過海線 post 所講，潛規則唔可以唔理。
但今次係地區潛規則，而且梨木樹上葵都係麻煩
梨木樹併石籬好似好慢，原因係因為要兜入大隴街總站，
回程你可以比較下多條 36A 36B 長沙灣廣場至梨木樹行車片，時間係完全平手
當然，葵涌道飛橋可以再慳幾分鐘，但僅此而已，始終不及飛西廊慳到既時間
再望返下人口分佈，梨木樹加石蔭係同石籬加安蔭基本上打和。
又望下 35A 上葵行法，其實係唔開胃，石蔭非常趕客，直接提速並唔能夠解決所有問題
唔難明白點解我支持 GW4866 兄拆兩條特快，梨木樹併石蔭 36X、安蔭加石籬 35X。
老實，而家回程 35X 一支箭飛返石蔭，已經無得要人行回頭路，但同時又唔能夠令尖咀返上路無車，
因此分返開 35X 36X 去做，兩條去程齊齊行上路，36X 入石蔭不入石籬，回程 35X 上路 36X 下路分返開，係最實際
又唔會製造漏洞出來⋯
當然石圍角最後係唔會有特快線，但重組後 32 加密兼行返長沙灣道，亦唔係無著數。
至低限度唔好製造收費問題或做漏一兩個站搞到拉倒
至於尖咀版 234C，除左觀感外，最大問題係
夾硬將兩個唔關事、本來可以分開處理既區，併埋一齊重組，徒添難度
Ricky403 發表於 2018-12-14 14:07
咪住先
我記得你好似之前係用10.2分鐘麗城到梨木樹做麗城搭象石梨木樹唔會太趕客嘅論據
但之前實測過，其 ...
大涌道出尖咀，巴士競爭力弱，但出旺角唔係⋯
如果開直出尖咀特快，就意味旺角特快可能做唔成。
如果唔係因為尖咀配額問題，30X 234X 二拆三，兩快一慢，兩條快線直出旺角落尖咀係最理想，
其中一條仲有空間做埋荃灣東或楊屋道二擇其一。
當然，兩快一慢唔得既話，兩慢一快都係一條出路，其中一條慢線做埋 QE 同黃埔
相比起其他方法，咁做既規模已經算係適中
GW4866 發表於 2018-12-15 02:13
將30X撤黃埔係爭黃埔QE問題,唔知捷輝仲有無興趣開條小巴線
係有230底下234X可考慮回程飛尖碼同市中心提 ...
之前好似運豬唔想比佢開
據聞有黃埔人話呢間野做得差，又係左收右收啲Friend黎
所以30X飛起黃埔，需要6F幫手先得
234X飛尖碼同荃灣市縮減車時，如果出到黎可以加班都還可以
特別係如果30X唔幫手做祈德尊，星期六日15分鐘一班唔會夠載，平日繁時更加需要有10分鐘一班嘅時段
234X車時本身唔短，就算唔經尖碼、荃灣市，都必定要平均70分鐘左右一單，再倒車落去成本效益唔算好
同時，30X出到黎其實點玩都好難唔再減車
本帖最後由 Ricky403 於 2018-12-15 05:26 編輯
S3BL100 發表於 2018-12-15 03:48
大涌道出尖咀，巴士競爭力弱，但出旺角唔係⋯
如果開直出尖咀特快，就意味旺角特快可能做唔成。
冇錯，荃威加麗城開咗尖沙咀特快就唔會攪旺角特快
但搞旺角特快麻煩位都唔係冇，二拆三我認為規模都算大，因為牽涉到兩條線
無論兩快定兩慢，首先第一個constraint就係凡搞到30X九龍段，都要補伊院
咁玩兩快一慢會點呢？
一慢繁時肯定要10-15分鐘一班，10-15分鐘一班入漆咸道南同黃埔......諗下都反胃
明顯係冇可能由得慢線入到勞審/女拔同黃埔，必須旺角止步 (當然可以又話整特班又盛......但下面仲有問題)
車時長都唔係最嚴重，最嚴重係主打深長荔嘅線九龍由黃埔開出，經過好多塞車位，實好似而家30X咁趕客
開特班，之前先有87D中郵特班同正線拖住行嘅失敗例子
黃埔開車出黎，下繁時路況唔穩定，分分鐘都唔駛等到死亡交叉或塞入加士居道，紅磡灣已經搞到前後車一快一慢
如果縮慢線到旺角，就要先填伊院個氹，6F又好小巴又好，總之先有可行替代服務補得足，但郁6F會牽涉第三班持份者，唔好做......
兩快方面當然會有彌敦道、尖沙咀巴士配額問題，但呢個問題就冇咁大 - 配額呢家野，平時無樹無幹都係睇老細心情姐
兩慢一快呢
呢個方案同樣需要填伊院氹，如果用一條慢線去填，就會到嗰條慢線，同埋成組線都趕客
兩慢明顯可見係需要實行聯合班次，除非資源多到可以有一條線繁時10非繁15做哂，可惜唔係
拉一條慢線入去填伊院氹，其實仲有搶快線客潛在問題，當然鍾意嘅話又可以拆疏半條擺黃埔一條半擺大角咀......但資源唔夠多，行車管理都唔夠好去支持呢
之前拆234X就比castanopsis兄話慢線一定唔夠客，等開30分鐘一班
事實上，除咗柴灣角返放工，30X/234X深長荔客量又真係頹頹地，唔係冇客但獨立成線會比較艱辛
但當新西其他區嗰陣深長荔客量都唔少嘅時候，30X/234X深長荔客量特頹，似乎呢兩條線最趕客嘅地方都唔係來回旺角要行長沙灣道
一快，旺角特快嘅話，阿Tonychow站友都提過對荃威頭站未必真係好吸引
快啲但又唔係快好多，呢度就尷尬，當然可以話荃威係會比而家快到5分鐘出旺角以南，但快過烏龜5分鐘有咩意義
講真，真係無從判斷荃威居民點睇一條兜麗城，行番大涌道但跑西廊嘅線，兜麗城係一個趕客位，跑西廊係一個吸客位，咁吸客位夠唔夠大力嘅？有待商榷
近年西廊特快仲多咗一個困難 - 下繁亞皆老街塞車櫻桃街多車
講咗咁多不如睇番下奇線異事
934快得好誇張，站少公路又多，個個都以為無客正常
點不知九巴玩大聲公之後係吸到一半窗口位搭出港島，好景啲嗰一兩班50人都有，唔差得過234X，但234X一個人頭先係934嘅一半
至於收費平但慢吞吞嘅40就非繁時客都唔係特別多，可能一般都係60-70個，但已經荃葵美兜齊哂，唔好搵都正常
最後就係如果旺角特快做埋黃埔，車數要求唔係少，23架唔太拆得出最疏25嘅班次
而每多一條區內線要抽車，就多一班人有意見
都係難就
而我口中嘅尖沙咀特快方案，並唔算拆線，至少30X走線我唔會大郁
分別由30X、234X抽車，例如可能每邊3架，敢大循環嘅，夠做有餘
當然234X會相應縮到西九龍站減一單車時，令到班次盡量貼近返而家個水平啦
就算尖沙咀特快雙向總站擺尖沙咀東，只要學你之前深井方案咁尖沙咀東10點頭車，我由34M部分時段抽1車，做到；
繁忙時段15分鐘一班，下午對開20分鐘一班，上午中午同晚間一邊20一邊30
不過尖沙咀特快同234X就有一兩個軌係要跳飛機
長洲居民 發表於 2018-12-13 19:35
梨木樹居民多數人搭地鐵去尖沙咀,兩隻大漢奸繼續36b改快 ban ban ban
36M 轉港鐵合計 $14.4，都好甘吓 !!
tonychow 發表於 2018-12-14 11:36
無好仔細咁睇同諗，不過有幾個問題。
其實荃威落 290 走線出佐尖或紅土，呢條線係可以同西約象石梨木樹佐 ...
你葵盛新區條線就算係經荃富街，荃灣東其實都只係算擦邊，站位唔方便 (同埋個人認為果個站等車觀感唔好)。更重要係回程無一個合適走線，無可避免地第一個站已經係上咗大窩口道停站
回程荃富街擺唔到站係缺憾
解決辦法唔係無，德士古道天橋底其實勉勉強強夠位劈開花槽起巴士灣
但咁大工程值唔值得就係後話
不過又放心，油尖旺線從來都係回程多客過去程
回程就算無荃灣東客支持應該都夠做
尤其大窩口道行返落山去熊貓酒店一帶，都仍然近過大窩口站
回程站位無咁重要既情況下，就算停唔到荃富街我相信都會有荃灣東人肯搭
就算唔計荃灣東，其實楊屋道沿線 (全條楊屋道、海濱) 出旺角以南都唔算話好方便。就算搭西鐵，一係就喺美孚行路，一係就俾多 $3.7 轉 701，一係就行落海濱搭 238X (我假設你覺得行長沙灣道觀感唔好，而雖然我唔係咁諗，對沙咀道一帶居民行去搭 238X 就真係太遠了)，一係就搭 33A 兜路。加上西約來往楊屋道無巴士線，如果西約拆到條西廊線，經海邊去西站、楊屋道，環宇尾站上公路，我覺得唔差，既有荃灣流水，又有同 33A 重組空間。當然咁做會影響到條 238X (工廠客)，詳細要再諗。
同樓上有同一疑問
西約條234X已經近乎直出
兜多條楊屋道所需時間，會幾乎抵消飛西廊節省既時間
同時234X咁拆線，長深荔條線班次分分鐘跌穿30
西約服務絕對係退步
我建議30X行楊屋道飛西廊
係基於30X本身來回程都兜要喺荃市兜大圈，行楊屋道走唔會話慢好多
變咗荃景圍出旺角會真真正正比宜家快到5-10分鐘
最重要既係，荃景圍可以透過拉直30去補長深荔位
新30食唔少流水之下，班次唔會好似西約長深荔線咁樣衰
變咗做到楊屋道特快既同時，荃景圍整體服務都有進步
至於影響238X工廠客，that's the least of our concerns
西九住宅區集中喺長深荔，搭238X去荃灣工業區返工既，主要都係呢班客（有錯請指正）
楊屋道旺角特快，唔會影響呢個客源
梨木樹經新區大窩口上公路會好少少
新區大窩口條33A又慢又疏
佢地最需要既，係一條快線去旺角油麻地佐敦
開梨木樹/新區/大窩口<>尖沙咀線，其實係漠視咗佢地最需要既嘢
如果真係好似 castanopsis 兄所言，拉 6C 上山補位，基於茘景山仲有條 42 出到茘枝角道同太子，我覺得只有旺角以南服務有較大影響 (特別係以前有 45 46 兩條線，而 6C 亦去唔到彌敦道太南)
46本身都唔到佐敦以南
6C拉上麗瑤取代45/46，除咗何文田之外所有位都補曬
而何文田拉條新30上去，6C<>30密轉密算係足夠補償
尤其新30無必要再入旺角，車程會快過一條45
Ricky403 發表於 2018-12-14 14:07
咪住先
我記得你好似之前係用10.2分鐘麗城到梨木樹做麗城搭象石梨木樹唔會太趕客嘅論據
但之前實測過，其 ...
10.2分鐘麗城尾站到禾宜合運動場，係九巴網站攞返來
當然如果你有實測，歡迎補充
我會覺得咁，西約角度，當然係直出最好
呢點我從來都無質疑過
亦無意攞條經梨木樹既尖咀線，同你建議入面條直出線鬥快
我純粹係覺得
巴士喺西約/荃景圍天橋未必要快過去西站搭鐵先吸到客
西約就算經梨木樹，都做到25分鐘到佐敦
最低限度都會比起現有234X快15分鐘以上，作為一個客量穩陣既中途方案，係可取
點解話客量穩陣？
計返人口分佈
西約：33530
荃景圍+荃灣中心+荃景花園：28609
千里臺:8506
象石：25911
梨木樹：34847
如果西約>象石>梨木樹>尖沙咀咁行，會覆蓋102794人
而跟你荃景圍>西約>尖沙咀咁行，就只係覆蓋70645人
前者唔夠客仲可以葵涌道加站，明顯係梨木樹線比較穩陣
當然，九巴若肯做，我唔介意拆西約特快
70645人雖然真係唔係多（其實仲少過坑口）
但考慮到兩個區都半獨市，可能都勉勉強強夠做
如果真係拆西約尖沙咀特快
我覺得最理想既方案就會變成咁——
230X荃景圍<>西約<>尖沙咀
234X西約<>大涌道<>美孚至佐敦
30X 荃景圍<>楊屋道<>旺角<>（尖沙咀？紅磡？）
30 荃景圍<>荃市葵涌道<>長深荔<>何文田
32A（西站）<>象石<>梨木樹<>長深荔<>大角咀
32X（西站）<>象石<>梨木樹<>（光輝圍）<>旺角<>尖沙咀
亦即係
梨木樹跟版友238X個方案
西約尖沙咀線跟你個方案
30X拆線跟我個方案
其中32A/32X可以考慮逆走
GW4866 發表於 2018-12-15 00:23
首先35X走線已經係有問題所在
而且石籬呢邊班居民話快得好少搵笨
假設間飛完葵涌道天橋後跟936經屏麗徑果 ...
我心目中既35X
去程行西廊，回程行大埔道，雙向經上路，東北葵走線跟35A
然後兩繁再開X35，石蔭行葵涌道天橋走
無錯，只係去程快10分鐘，回程快5-10分鐘，唔係話快好多
但單係長深荔/油尖旺分家，減少彌敦道車流俾多一條線入尖沙咀，已經值得做
回程行大埔道主要係想解決太子問題
36B經葵涌道天橋快就快,但做得個梨木樹又無區內流水客非繁邊夠客
比你搭埋象石都係唔夠
講真,你成日拿住個勞動數字唔代表d乜,事實上咁多年來32咩客量大家有眼見
而且石圍角行落地鐵站唔係話遠,除非條巴士線係逆走石圍角做尾站,唔係既想快都唔會搭你新36B
32又慢又疏，仲要行荔枝角道，無客有幾奇？
如果條31B兜多10分鐘先出西九，減到25分鐘一班，然後西九走線行荔枝角道，一樣唔會有客
咁唔通到時我又可以話石籬無人搭巴士？
我個方案入面
條新線（石圍角<>佐敦）會食曬32/36A/B象石梨木樹所有既客源
三條線加埋既客，連一條線都養唔起？
仲要條線無論係出長深荔定旺角油麻地
都明顯快過/密過現有既路線
肯定吸引到唔少人回流
最後，你有無考慮過，新線出美孚轉地鐵會快過36M/32M一截？
就算出西九真係無客，轉鐵客一樣可以撐起條線
仲有,將31B收檔又係不切實際,本身佢d九龍獨市流水同回程分段無合適方案解決
基本上佢除咗深夜外非繁都有一定數量捧場客
又點會無方法解決？
最簡單，全程$7.7，往九龍方向石籬分段$4.9，往安蔭方向深水埗分段$5.8
咁至少長深荔<>石籬、長深荔<>安蔭 兩個主要既客源，價錢不變
至於大角咀，有理論上可以將個$5.8移前
但本身唔係31B主要客源之下，有反對聲音再算
GW4866 發表於 2018-12-15 00:50
1)
其實無放棄到,只係唔開快線做
荃灣東你指荃富街一帶?果到近大窩口站多d
係，指荃富街
佢地位處大窩口站/荃灣站中間，兩邊都唔就腳
我個方案入面，至少單向會有條237X（葵盛新區旺角特快）
楊屋道我係諗住改30X過去
同樣係"慢線"既234X同238X,佢地一區直出九龍,經長沙灣道落到旺角都唔輸蝕喎7 `! v' R. }( E1 o# x* Q) K
而改動30X改楊屋道係尾站,即係同238X"同級",一樣時間唔輸蝕
係荃威差d,但有新線230做安慰獎,同時早繁230X係仲有
30X拉落楊屋道
如果唔同時改做旺角特快，荃威有機會會嘈
同時我會覺得楊屋道旺角特快既戰略價值，會高過楊屋道長深荔線
尤其半條楊屋道本身已經喺238X步程以內，本身又有慢線33A去長深荔
最簡單就跟280X,之後紅磡繞道過黃埔再出土瓜灣
咁行對紅土真係有吸引力？
單係條柯士甸道都已經塞你唔少時間
我仍然係覺得你條230定位好模糊
走線如果跟290，即係荃葵除咗頭站荃威之外，覆蓋唔到住宅區
而當山上唔少位都已經有尖沙咀線既時候，唔見得好多人會落葵涌道轉230出尖沙咀
尤其有好幾條駁腳（33A/37）都做得好差
同時紅土搭230去荃葵，時間上觀感上吸引力都麻麻
當然條線真係開出來，客量應該都唔會太過差
但咁樣東拼西湊，俾人既感覺係無一樣嘢做得好