沙田市中心爆棚問題
如果大家有留意沙田區內線(不包括馬鞍山)設計，早期有一批路線都是「A - 市中心 - B」設計，毋須佔用市中心做總站，又可以方便不同屋苑往來，例如：80K 新翠 - 市中心 - 愉翠
81K 穗禾 - 市中心 - 新田圍
88K 顯徑 - 市中心 - 駿景園
但後來越來越多新屋苑落成，新開辦路線多數直達市中心，而佔用了市中心站位，例如：
282 新田圍 - 市中心
283 美松 - 市中心
284 濱景 - 市中心
288 水泉澳 - 市中心(已經冇位，被迫做循環線)
為了減輕市中心總站負擔，九巴應該合併一批區內線，而且將來新開路線亦應該盡量善用「A - 市中心 - B」模式，因新增車程而加價問題亦可以透過提供分段收費解決，例如：
283+288 美田 - 市中心 - 水泉澳
282+284 新田圍 - 市中心 - 濱景
83K+新線 黃泥頭 - 市中心 - 駿洋
歡迎討論。 283+288 無so...
288 太多人, 283 無咁多人, 美田 - 市中心 - 水泉澳要就288客,, 要加好多車. 「A - 市中心 - B」里數長左，有機會要收貴一級，對乘客無so
282/283/284全部都要沙中做總站走唔甩bo 本帖最後由 wally 於 2019-9-23 12:39 編輯
其實咁改用既空間唔會因此多左, 仲會因為多左288班客而更塞~ 沙市既問題要攪唔容易而且點攪都出事, 所以只可以係可行情況下唔再放線入沙市~ 要慳線慳車，首要廣泛使用雙向分段
做到上下車拍卡，唔一定車頭，係沙中站內加拍卡機做輕鐵式嘅雙向分段，就已經可以提升到區外線係區內嘅使用率，從而提升區內線重組嘅可行性
樓主建議嘅282/283/284重組係可行，但加左里數價錢會加左，所以要有雙向分段
本帖最後由 HM3044 於 2019-9-24 11:27 編輯
搬走個的士站，踢啲線出去算啦
88K/85/81/89/72, 80K/86, 踢出外面，即係希爾頓>沙田正街(市中心外邊)>好運中心
HM3044 發表於 2019-9-23 12:39
搬走個的士站，踢啲線出去算啦
88K/85/80M/280X, 80K/86, 踢出外面，即係希爾頓>沙田正街(市中心外邊)>好運 ...
理論上應該係最理想~ 問題又變左改善左車流, 但亦都改變左人流~ 1號坑既電梯一定頂唔住新增既人流, 行返入2/3號坑又會影響返2號坑既車流~ 除非的士站有位加電梯, 但行既位都唔夠又點加~ 真係要用到正行可能要填左的士站去比位人等車+做電梯, 再用慢線做站以正街既車流頂係頂得住但工程亦唔細~ 村巴落客區出面堆違泊趕X左佢
已經可以擺幾架車啦
將一條大線&兩條細線改去果度上落就得,大把位
E.g. 288 & 88/85 hoaaa 發表於 2019-9-23 12:10
283+288 無so...
288 太多人, 283 無咁多人, 美田 - 市中心 - 水泉澳要就288客,, 要加好多車. ...
283 日間 10-12 分鐘一班，288 日間 6-12 分鐘一班，如果繁忙時間梅花間竹加開「水泉澳 - 市中心」特班就可以解決，令 283 不必再佔用一個總站位。