本帖最後由 GD1570 於 2020-8-23 16:49 編輯
053h4 發表於 2020-8-23 16:09
城巴專利權二因為港珠澳A車乘客量明顯增長下, 基於利潤分享計劃的指標, 而把加價推遲, 但唔代表佢往後唔會 ...
港珠澳2018年先正式開通。
城巴專利二部就由1997年起開始營運，由1997年到2018年足足21年都無加過一次價。
反觀龍運巴士與專利二部相若時間開始營運，由1997年至2018年期間請問加過幾多次價呢？
同埋，想問吓由1997至2018年期間，請問巴士公司嘅營運成本是否維持一模一樣呢？
唔係嘅話，點解你認為好好嘅九巴集團加價就無問題，但城巴唔加價就講到好似係「抵佢死」咁呢？
成本增加而加價我認同係天經地義，咁請問因為成本增加而無申請加價又係咪應該「值得一讚」呢？
又或者咁講：成本增加，但間公司唔申請加價之餘仲可以回蝕優惠畀乘客，咁請問依啲又應該點樣睇法呢？
而請問閣下又會否認同1997年至2018年期間，龍運巴士「不思進取」呢？
就算到今時今日，城巴都未為專利二部申請加價，就算係延後(我就未聽過城巴要為專利二部申請加價，所以我唔明「延後」係咩意思)
，我想問吓，如果一個部門財政唔係穩健的話，真係可以容許佢「延後」增加收入嗎？
有腦嘅人一睇就會明，有人喺度盲撐九巴但盲插新城囉...
053h4 發表於 2020-8-23 16:49
龍運加左一次價咁大把jar
係呀...但人哋城巴加咗零次價囉..
城巴專利二部面對嘅競爭遠比龍運為大，但都竟然可以唔會因為競爭及成本上升而申請加價。
反觀龍運，可以話係獨市生意，反而就要加價去面對成本上升..
咁請問，邊間叻啲呢？
053h4 發表於 2020-8-23 16:49
龍運加左一次價咁大把jar
加咗兩次
053h4 發表於 2020-8-23 16:52
城巴專利權二係2008申請加價，係交咨會唔知批而已。
咁人哋唔批之後到2018年期間又有無再申請過呢？
無嘅話，即係代表你九巴同龍運無鬼用囉..
同埋唔批，咁咪即係無加過價囉...
053h4 發表於 2020-8-23 16:52
城巴專利權二係2008申請加價，係交咨會唔知批而已。
前面第一個post講明討論市區專利，話新城環境唔好得九 ...
你標顯無寫明只可以講專利一唔可以講專利二...
同埋，唔夠人講就強行拉返入去專利一呀？
我就同你講專一。
你講到九巴咁叻叻..我又真係好想問吓九巴除咗安達臣之外仲有咩新區係中標..
啟德又係城記、香園圍都全日線都係由城記中，
講真，如果九巴真係咁叻豬嘅話，政府又係咪應該畀晒上述兩個區嘅線畀九巴呢？
起碼，叫做有地區專利先啦..
但事實係，無囉...
新城經營困難係事實，但我唔認為九巴經營得好好...
前面有版友講過，九巴係咁好嘅，脫班收車率應該係0%，
就算有0.1%都唔可以接受...
實際呢？少，唔代表係啱；多，亦唔代表唔好...
望埋實際道路環境先講嘢啦..小朋友...
053h4 發表於 2020-8-23 16:56
你認為專利權二的利潤，同專利權一或新巴經營情況有咩關係
唔夠人講就落閘只准講專一...
專二唔係城巴？專二利潤唔駛歸入城巴所有？
我無話專二補貼專一，但同一間公司，唔同部門各自搵錢，有乜問題..
再者，你標顯講成間公司，無指明係專一...
咁係咪新股東就唔駛理專二呢？
同埋，唔該留意埋：
專一專二，同營運壹營運二係有分別的...
專一專二，簡單啲講句只係畀運輸署分辨，
巴士公司內部根本唔係咁樣分囉..