JX9097 發表於 2021-2-18 15:17
若果21/ 26重組
簡單啲嚟講即係加轉乘落26解決
因為26點都唔會入彩虹道同下路
學前面師兄嘅提議，攞91M梳一梳返順條走線，再駁落九碼都可以殺到21。
xdxd 發表於 2021-2-18 17:01
學前面師兄嘅提議，攞91M梳一梳返順條走線，再駁落九碼都可以殺到21。
個人認為91M拉出去下路冇乜作為
因為科大同普通通勤線繁忙時間並唔一樣
變咗條線一係就拉到個繁時好長，一係就是但得罪一邊
而且91M本身係收平咗...拉到出去下路，九巴點忍手唔加價？
本帖最後由 2076 於 2021-2-18 18:10 編輯
JX9097 發表於 2021-2-18 17:40
個人認為91M拉出去下路冇乜作為
因為科大同普通通勤線繁忙時間並唔一樣
變咗條線一係就拉到個繁時好長， ...
咁有91P嘛，91M繁時唔加班，加晒落91P搞掂
91M反正本身都有21 -4.2 轉乘，最多咪可以加0.7去到6.8，不過唔加價可以殺21果7部車，事後只需補番2部車比91M，點睇對九巴來說都係成本效益最高的方案，實際收埋5部車喎，加上冇左21，變相推埋下路班客上至少貴0.2的11K，好彩的話每位畀多0.9上5C，點睇都除笨有精，仲未計下路去科大有直車，地區都可能冇咁大反應。
至於26走線其實根本沒有空間調整，上路去彌敦道佢獨市，鐵又唔就腳，又有順利獨市，客又多，點都搞唔郁。不過有屎忽數，學290咁全日拆26同26X，兩邊總站開聯合班次......對九巴盤數一定夠晒靚
2076 發表於 2021-2-18 18:07
咁有91P嘛，91M繁時唔加班，加晒落91P搞掂
91M反正本身都有21 -4.2 轉乘，最多咪可以加0.7去到6.8，不過 ...
我覺得JX9097師兄或者係想講21繁時點搞(?
始終91M寶琳開 去到彩雲嗰陣未必對應到彩雲客嘅通勤時段啩
咁可能保留21上繁幾班出紅火會理想少少
xdxd 發表於 2021-2-18 18:22
我覺得JX9097師兄或者係想講21繁時點搞(?
始終91M寶琳開 去到彩雲嗰陣未必對應到彩雲客嘅通勤時段啩
咁可 ...
咁本身91M都係開緊20，21最密都係15，比到盡延長91M 15分鐘一班時段多兩個鐘，其實都只係開多兩班車，點都唔駛開幾班21咁嚴重
本帖最後由 S3bl430 於 2021-2-18 20:03 編輯
91M延長＋加價還會有往返將軍澳科大收費的問題。我個人傾向21減班了事or直接取消
PS.我認為10，29M已經足夠服務彩虹往返新蒲崗既客。新蒲崗一段的彩虹道既客，不是來自黃大仙和東頭邨（10覆蓋），就是來自內街（29M覆蓋），近太子道東更加有九巴26，27車海。另外，95往佐敦方向也是彩雲直達彩虹道。
其實乘客行多幾步（彩雲總站行去白虹樓）係唔會死既……
ATENU364TC196 發表於 2021-2-18 11:35
咁242X 加到上去10-12 分鐘一班乜又唔會佔用配額咩？
都係果句，成個重組其實係當成41 取消嘅補償其中一 ...
我諗你可以再望返下你 quote 緊我果篇回應既後半段，我無其他太多補充
重點係，有配額唔代表完全扼殺塞多條線入去既可能性（所以我係唔同意呢度部分版友提議不如只拆旺佐就算，咁只會令到青南永世無全日線落尖沙咀）；但可以擺多條線入去亦唔代表可以批准繁忙時間個位數字班次，呢個情況好多年都無發生過
至於你話 242X 全日係 41 取消既補償，首先純粹資源角度計，242X 用返而家 42A+43C 資源已經可以做到，唔需要郁到 41 一條毛，尤其是唔太大貪既話
其次，如果按照你既邏輯，唔係只係得青衣南可以 claim 一條全日尖咀線，作屯馬線全通後補償。唔好忘記，仲有大把區排緊隊想要全日尖咀線
荃景圍一樣可以話，30X 屯馬線全通後打殘，要 230X 全日去尖沙咀；
康盛翠林一樣可以話，93K 得返半條命，唔該用 93K 資源同我換全日尖咀線
再講落去，沒完沒了。咁運署會唔會一次過放咁多條線咁多班次入尖沙咀呢？仲要呢兩個區既優次，我唔認為排得後過青衣南幾多，但佢地無論資源同客量都唔會大咬到繁忙時間個位數班次
學 GU9338 師兄話齋，42A 一密遮三醜。整體規劃點先係最好係一回事，但現實歸現實，歷史因素、資源、配額、收費、地區意見，往往局限左想像空間，退而求其次好多時係不可避免。有好多野，有時候見好就要收，否則最後只會一拍兩散，咩都得唔到
S3bl430 發表於 2021-2-18 19:58
91M延長＋加價還會有往返將軍澳科大收費的問題。我個人傾向21減班了事or直接取消
其實將 21 併入是但一條大家 up 過出來既路線，都會有收費問題
下路同十三街咁多條流水，最容易收檔既係 3B 5D 兩條，同其他線重疊程度最高，尤其是 3B 可以用來幫慈雲山交換禮物。收左呢兩條檔之後，剩返其他幾條線，重疊程度已經大為減少。留返一條密車 5C，一條獨巿位多既 12A，同埋幾條各自有獨巿位既疏車線，已經交到功課