本帖最後由 Ohm 於 2021-1-9 16:30 編輯
dennis28a 發表於 2021-1-9 05:08
8 點半至 9 點九展搭 215X 98D，
九展開車 20 分鐘後仲係歐化，當中有 15 分鐘又係由土瓜灣街市塞去歐化。 ...
根據你所講，即係你只係知道東九龍走廊橋上嘅情況，而唔知道橋底漆咸道北究竟係咩環境，我而家就話畀你知
呢道係漆咸道北佛光街橋底，係每朝早塞車嘅源頭之一，反而沙中線工程封路一向都唔係土瓜灣一帶塞車主因
由東九龍走廊落嚟嘅車，想要過海嘅話，要keep住橋上左線，落橋後就cut左準備入紅隧，而巴士要停平治街站，停完之後就會cut去三或四線，避開排隊入紅隧嘅車龍
每朝因為呢個交叉位，於是車龍就一直排，通常情況最差會去到浙江街遊樂場，如果嗰日咁黑仔而又驚返工遲太多，最好就果斷落車喇，因為由呢度去平治街要預半個鐘或更多:L
至於我所講由土瓜灣街市到理工要30分鐘，我諗係大概係3rd quartile嘅時間
不過你得閒先試一次就嘥氣啦，而家個個wfh，少咗私家車就已經順咗好多，疫情稍為舒緩就會故態復萌
至於你講得出中上環紅小，唔知你知唔知人地去到土瓜灣之後，其實都係會上返東九龍走廊，原因就係因為要避上述塞車
當然，7-9點之間不同時段，段路交通情況都好唔同，你應該係屬於相對較早時段就會經過，然而晏多少少，例如8點半嘅話，下面就會好塞，小巴佬(中上環抑或佐敦道)自己都會走哂上東九龍走廊
Ohm 發表於 2021-1-9 16:26
根據你所講，即係你只係知道東九龍走廊橋上嘅情況，而唔知道橋底漆咸道北究竟係咩環境，我而家就話畀你知
...
呢層我又唔明喇，對西官嚟講，土瓜灣一向都係食糊位，天光道中銀係熱門留位地點，走上東九龍走廊應該唔係主流?
本帖最後由 dennis28a 於 2021-1-9 17:35 編輯
Ohm 發表於 2021-1-9 16:26
根據你所講，即係你只係知道東九龍走廊橋上嘅情況，而唔知道橋底漆咸道北究竟係咩環境，我而家就話畀你知
...
我可以答你，我唔係未試過依個鐘數搭紅小 101 111，而係無刻意計時。
不過只從沙中線工程搞好，平治街同曲街塞車問題係有改善，依點係疫情前反映左。主因係曲街段無再九曲十三彎。
試過有次佐敦道紅小行到去土瓜灣上東九龍走廊避塞車，
結果我部 111 去到歐化又見番同一部紅小塞緊係中線落唔番黎，我到紅磡站架紅小先爬我頭，當時係疫情前。
依點亦係點解我咁多年都唔鐘意搭中上環或官佐紅小，因為次次上親橋避塞車結果仲慢過我橋底塞車，搭 10 次有 10 次都係咁。
當然，上繁我無過百次經驗好難比較，但下繁如果橋底要塞成 30 分鐘，橋上試試塞 20 分鐘落唔到曲街。
wingho_cwh 發表於 2021-1-9 16:39
呢層我又唔明喇，對西官嚟講，土瓜灣一向都係食糊位，天光道中銀係熱門留位地點，走上東九龍走廊應該唔係 ...
中銀之後就行上鄉道落下路，喺煤氣鼓上返橋，東九龍走廊佢地叫「私跑」;P
另外回應返橋底橋面嘅問題，換個角度諗，小巴車費本身貴過巴士，又無交通補貼，班次又遠疏過101、111，為咩每朝都有人寧願等小巴都唔坐兩三分鐘一班嘅101、111？原因不言而喻
Ohm 發表於 2021-1-9 18:58
中銀之後就行上鄉道落下路，喺煤氣鼓上返橋，東九龍走廊佢地叫「私跑」
另外回應返橋底橋面嘅問題，換 ...
去西環嘅乘客：因為佢係告士打道特快／西隧特快
Ohm 發表於 2021-1-9 18:58
中銀之後就行上鄉道落下路，喺煤氣鼓上返橋，東九龍走廊佢地叫「私跑」
另外回應返橋底橋面嘅問題，換 ...
老老實實，如果官石同西觀咁多上路客，就唔會一野比 KO 淨得上繁限定。
不過班非繁小巴客去左邊？我都想知。
更大問題係，101 夠膽死非繁紅隧口搭成 45 分鐘先到上環文娛中心，沿途無塞車，早繁你敢唔敢搭？
早繁工聯會見有紅 Van 仲唔上車？起碼有位坐兼一定到目的地。
所以有屯馬綫二期，紅頂應該可以取消。
dennis28a 發表於 2021-1-9 21:00
老老實實，如果官石同西觀咁多上路客，就唔會一野比 KO 淨得上繁限定。
不過班非繁小巴客去左邊？我都想 ...
錯，西官搞成咁係隊車個班底有問題，而其他人又唔敢叉隻腳落去（勢力問題）
邏輯問題：西荃淨係西環搵客去葵芳同荃灣都夠玩足全日，西官去咗大半個東九龍會無客?
由此可見，日後東鐵過海加屯馬線全通後，九東或紅土至中西區過海巴士前景將會非常堪坷。
dennis28a 發表於 2021-1-9 21:00
老老實實，如果官石同西觀咁多上路客，就唔會一野比 KO 淨得上繁限定。
不過班非繁小巴客去左邊？我都想 ...
早繁想坐西環/中上環紅van要排隊架，係人等車，而且未必上到即班車
就係因為漆咸道北塞車太嚴重，坐小巴行東九龍走廊避塞車，好過喺巴士呆坐，而小巴乘客有好多都係去灣仔/中環/上環
Ohm 發表於 2021-1-10 00:37
早繁想坐西環/中上環紅van要排隊架，係人等車，而且未必上到即班車
就係因為漆咸道北塞車太嚴重，坐小巴 ...
正如我上面所講，紅隧口非繁都隨時搞到 45 分鐘碌到上環。
就算下繁過後夜間時間，都要跑 30 分鐘。
紅隧口紅小同巴士相遇，紅小直飛告士打道到六國酒店，架 101、111 分分鐘仲係時代塞緊車。
早繁仲會唔會搭 101、111 去中上環、西環？
漆咸道無論橋上橋下點都要塞，爭在塞多塞少。
但行告士打道同灣仔道係天與地，去中環係快 30 分鐘，早繁班客點會唔揀紅小？