jasonau 發表於 2021-11-15 14:10
主要死因咪係因為無地起樓賣錢囉....
唔通真係運客賺你果一個幾毫車費咩....
而家佢都係博下笠唔笠到政府 ...
牛池灣塊地你指安老院？
呢塊地一直都係九建，剛剛補左地價發展，所以唔會係佢架喇
架空方案頂多係搞到拆彩虹邨同坪石邨，霸呢兩塊地（反正本身政府都有考慮過拆，改建彩虹交匯處），另外馬游塘車廠應該可以有上蓋（但又唔係車站，無意義）
地底方案都係有上蓋物業
寶林車廠同康盛站選項明顯就係為左物業發展，樓主康盛站個位仲要係居高臨下超開揚位，問題係呢個走線造價肯定災難級
tonyng 發表於 2021-11-15 22:25
地底STI初步方案補充:
A: 初步是有4部升降機的出入口，足以應付需求
B1: 初步是有2部升降機的小型出入口
STI B1似乎會低估左醫院人流，B2應該會佔用部份溜冰場位置
SMP A1都算係正路，但距離駁上去安健道個條行人天橋距離教遠。A3出口應該會同SMP大堂係同一水平，應該可以作為車站深度嘅參考
高架方案似起唔成，除非搵重慶個隊人玩bot模式
tonyng 發表於 2021-11-15 22:25
地底STI初步方案補充:
A: 初步是有4部升降機的出入口，足以應付需求
B1: 初步是有2部升降機的小型出入口
個站喺正景泰樓門口，但竟然一個去安泰嘅𨋢塔都無？比較接近嘅天韻樓𨋢塔都只有兩部𨋢，好懷疑到底夠唔夠用。始終石礦場RS-2至8都係近順天站多啲。
我寧願佢送咗安達臣石礦場塊商場地俾港鐵，等佢起個出口喺盛泰樓對面同石礦場中部。
至於安泰西同順利、順緻、消防局果邊，前三者雖然唔就腳但應該會行到去，後者就應該係開54M短棍做接駁。
反而假設無科大站，將來接駁科大/西貢塞車機會最少嘅鐵路站就會變咗順天，會唔會安排改接駁點造返大相應嘅入口？
DIH 發表於 2021-11-14 12:11
按#1幅圖，高架方案去到寶達就完，唔駁返任何一條綫經東隧過海，效益成疑，而且迫爆彩虹同鑽石山（本來可以 ...
哩高架方案唔掂，一係下定決心起地下方案，一係話投降...,到時山上居民日日行落山
嗱，老老豆豆，小弟作為安達居民一位，我覺得其實設計高架嗰條友真係冇腦㗎喎，平心而論，若果我由安達行落秀茂坪連埋等lift 都要成最快5分鐘，而且入得站嚟又去咗5分鐘，10分鐘時間點解我唔係山上巴士站3條線是否上一條落山？落得去彩虹都係10分鐘左右，至於嗰條所謂東九龍綫，仲要走去兜埋四順，站站停，真係搭得嚟都嘥氣。再者，我睇過條走線，輕鐵就一定用唔到㗎啦，因為條走線planning 都係傻傻地嘅，首先秀茂坪道上下落差超過20米，跟住順天去順利原來係跟住順安道去行，咁死得啦，大佬順天轉順安嗰個彎90度嚟㗎喎，即係焗住用膠軌啦。咁膠軌嘅實用性就唔使多講啦，睇吓隔離澳門玩成點咪知囉，不過年幾時間就要換電纜，而且載客量也有幾多呢？成個東九龍山加埋幾十萬人口，整條玩具嚟用，我相信一定由朝爆到晚，所以話根本又係一個大白象工程。
呢個係最差嘅設計，純粹係慳錢，hea你，拿我起咗啦咁。
起唔起到入寶琳對將軍澳居民其實冇咩所謂。
不過觀塘山上面嘅居民就慘。本來去到寶琳轉車過海係最快。總站有位坐可以去到會展。反而坑口將軍澳站會難上車咗。而家只落彩虹，鑽石山都去唔到，要一條觀塘線食哂啲人流。如果要過海，去觀塘啲人又未落車，上唔上到都成問題；去西面，啲人未到鑽石山又係未落車，隨時又係上唔到。真係唔知邊個諗啲咁嘅屎橋出嚟。
tonyng 發表於 2021-11-15 22:25
地底STI初步方案補充:
A: 初步是有4部升降機的出入口，足以應付需求
B1: 初步是有2部升降機的小型出入口
秀茂坪C出口應該要佔用南邨範圍？