探討善水迎戰將馬線
本帖最後由 ivan920 於 2022-2-15 18:35 編輯有其他消息人士講過紅鬼好大機會獲得將馬線同將石線嘅營辦權，假設紅鬼獲得將馬線同將石線嘅營辦權，善水不甘示弱，本文旨在探討善水迎戰將馬線可以做嘅事
首先，要理解 798 嘅用途先，原始目的係為將軍澳居民提供直達沙田嘅服務，亦都幫一班要北上嘅人可以轉火車
不過疫情兩年，北上嘅客源就流失咗，原本一半功能係冇咗，未來有殺出將埔線，到底仲有冇呢個功能都係一個迷
隨住駿洋邨入伙，新增嘅目的自然係為駿洋邨嘅街坊提供接駁交通
簡單嚟講，而家 798 嘅功能只剩下兩樣 1) 將軍澳直達沙田市中心；2) 駿洋邨接駁交通
如果善水要迎戰紅鬼將馬線，可以做嘅必然係分拆 798，不過對將軍澳嘅人就必然要保留第1個功能，同時也要維持有第2個功能，所以如何分拆就會係一個藝術
以下方案值得諗諗
正線 798 ：繞經播道書院，坑口過後寶順路直上隧道，不經寶琳
建議效果或賣點：如果照 RPP 建議，新路線肯定會係將廣尾站直上隧道，798 要深入將南，力搶將軍澳南嘅客源，以及坑口上隧道駁得坑口居民嘅歡心，對調景嶺、尚德都比現有路線行車時間有所縮短，大家都有 so
副線 798A：去程寶琳路段與 690 睇齊，唔再經坑口，全日運作；沙田段延長以大圍做總站
建議效果或賣點：保留原有功能，又能夠維持寶琳區最大覆蓋面，快過將馬線上隧道，
副線 798B：改為將軍澳工業邨開出，不經調景嶺及尚德，但繞經藍塘傲；沙田段延長至科學園，經大學站；改經將藍隧道，繁忙時間運作
建議效果或賣點：保留原有功能，並且同正線 798 有互補，但非繁忙時間未必撐得起條線，所以先以繁忙時間運作
仲有，開將軍澳區內分段收費
F1 建議善水都係專心做好本業先啦，以該公司損敵一千，自損一萬嘅迎戰方式，繼續同紅鬼惡鬥只會加快其自身步向滅亡，何況而家紅鬼以本傷人的態度應戰 唔係OMSI咁話改就改
你要運輸署批俾你先至得 hojohn525 發表於 2022-2-15 18:43
建議善水都係專心做好本業先啦，以該公司損敵一千，自損一萬嘅迎戰方式，繼續同紅鬼惡鬥只會加快其自身步向 ...
而且飛寶琳又冇咗一班客
同埋可以咩都唔做等死 F1版請 依家呢個局面，拆又死，唔拆又死
拆，本身798流失咗部份客，再加上疫情未通關，根本唔夠底去做
唔拆，九巴開咗將碩/ 將馬同將埔之後情況更嚴峻，再分走部份客源 JX9097 發表於 2022-2-15 18:58
依家呢個局面，拆又死，唔拆又死
拆，本身798流失咗部份客，再加上疫情未通關，根本唔夠底去做
唔拆，九巴 ...
拆仲有得鬥，唔拆連特快客源都冇埋 將軍澳特快 發表於 2022-2-15 19:00
拆仲有得鬥，唔拆連特快客源都冇埋
拆的話隨時要倒多成倍車落去
回唔回到本先係重點