JB5571@3B/103 發表於 2022-3-14 23:32
合併兩巴，唯一出路
唔爭在學埋澳門咁
公辦交通再招標路線
VK4642 發表於 2022-3-14 22:02
20A、22M、797回復原狀
當初就唔應該開
做好20/22班次
跟住793做埋797
港島唔蝕嘅應該一隻手數得晒，一堆出血線要加價/cut線先
然後要政府配合比新市場佢做，如果唔係困死喺港島同少量九龍新界嘅exclave，住嘅又suffer （唔夠客量去支持服務），公司又suffer（唔夠客量支持營運）
唔駛救，亦都唔應該救。私人公司自己生意自己救，何需外人插手？
客觀講，新城走到今日咁既地步，有外在因素，亦都有內在因素。
******
外在因素黎講，港島人口下跌 + 老化，係致命傷。
而從未來角度去睇，東鐵過海，隧道線盈收必然倒退（差在多與少既問題），
再加上呢3年政府玩弄疫情，令機場、邊境線一盆死水。
同時，以往靠A、B線發圍既城仔，無左賺錢支柱。
另一外在問題係全港性既：移民、換血、老化。
先講老化，人口老化，對交通需求未必低左好多。
（喂，而家60歲先中年，70歲仲可以搭$2周圍走黎走去）
問題係，就算有政府補貼車費，人口老化始終令整體平均座上客既盈收少左。
至於移民，呢3年走既人已經多？
未必，其實大把人想走，只不過因為種種原因（如家人、儲錢、疫情等）而仲未走，
可見將來，如果香港既社會繼續差落去（都唔駛如果，一定係），
只會更多人走。
而呢班人走，好多都係一家大細且相對有經濟能力。
咁成個交通需求，已經要重新評估。
總會有人話，香港人走，咁咪換血成功，人口未必會跌架。
係架，每日150個腥港人，
只不過呢150人對交通需求又會係點既呢？
諗下腥港人拎住綜緩，由安達臣坐車落觀塘飲茶，巴士公司收幾多錢；
同原來未移民既香港人，由大西北坐車出中環返工，巴士公司可以收到幾多錢，
已經睇到就算人口不變甚至上升，
但人口結構唔同左，
巴士公司既盈收都會有所衝擊。
************
講完外在因素，
到內在因素，
亦都係點解咁多人呢幾年唔妥屎水既原因。（講明先，唔係撐狗，認為兩間都係一擔擔，不過屎水呢幾年完全無眼睇咁解）
公司要Maximize profit（利潤最大化），
簡單來講，必然係開源節流。
撇除其他非車務收入唔講，
如何從路線之中開源節流就係重點。
屎水有無嘗試開源？
有，好積極添，不過策發部班高層咩質素，
咪搞到積極完唔單止開唔到源，反而仲蝕多左。
無錯，有時招標線唔係好好做，甚至會係豬頭骨，
但唔代表呢間公司亂咁改就會變好。
W1政治線無得好講，
但20都勉勉強強唔太差，做咩要夾硬開20A去搶1A客，然後先發覺自己根本無能力去搶之餘，仲日日載空燒錢？
又如797條走線一定無98咁靚，但係咪延長去新蒲崗（仲要用萬年塞偉業街天橋），就解決到問題？最後，就係唔單止無多左客，反而仲因為脫班，趕走埋九商僅餘既客。
又或者796C要加成10部車以上去拆線，又係咪可以增加到咁多客，去cover呢10部車既成本？我完全見唔到有可能。
好啦，開源唔到，仲可以節流。
屎水有無節流？
有呀，不過節流節錯哂嘛。
有客既線就不斷收車、cut班、取消。
當年18、720系推左幾多客落黨鐵？
要記住，推左落地底，
就唔好期望班客會上返水面。
呢個亦都解釋左，
點解18死死氣地認輸改返全日之後，
客量依然無未cut非繁之前咁好。
更加唔好講堆流水線2A、82做得咁差，
俾堆隧巴線102、106、116做左幾多流水客。
表面上，屎水既呢堆隧道線多左內陸流水客，
但同時間，有一半客係過左去狗公到。
相反，真正蝕錢既線，25、27又唔去搞。
咁，你想我地點幫你呢？
執左佢算啦。
本帖最後由 又加價 於 2022-3-15 01:53 編輯
neoplan720p 發表於 2022-3-15 00:57
唔駛救，亦都唔應該救。私人公司自己生意自己救，何需外人插手？
客觀講，新城走到今日咁既地步，有外在因 ...
仲有好多搞咗好多年都唔成功嘅線喺度獻世
例如12, 63, 971, 973
係就係私人公司，但提供公共服務，你估政府用超必接收生意會改善到服務咩....
瘀血始終都要走，但間公司個文化咁中意自己友圍威喂，圍內熟人揸旗而唔係比有心有經驗嘅人做，恐怕都係難逃一劫
E21A 發表於 2022-3-14 21:43
E21A再唔提速，滿逸啲客應該未等到東涌西站開已經走清光。
依家E21 E21A咁既服務水平真係好難接受到佢拆線，隨時變60分鐘一班
neoplan720p 發表於 2022-3-15 00:57
唔駛救，亦都唔應該救。私人公司自己生意自己救，何需外人插手？
客觀講，新城走到今日咁既地步，有外在因 ...
師兄分析準確獨到
A、B線清零係不可抗力（邊個會估到有COVID），無計無得怪
新線就算基本面唔太好，要投我覺得都無得怪，for長遠擴大版圖係必要
大環境就更加唔多講了
但舊線亂改趕客，新線又亂改倒米，就係佢哋公司自己問題，與人無尤
如果唔趕咁多客走，唔倒咁多米，前者收多一百幾十萬，後者怪番一百幾十萬，埋數起碼唔係月蝕幾千萬先啦
E21A 發表於 2022-3-14 21:43
E21A再唔提速，滿逸啲客應該未等到東涌西站開已經走清光。
E21A早繁拆線係應該，但全日或半日拆線就有問題。
neoplan720p 發表於 2022-3-15 00:57
唔駛救，亦都唔應該救。私人公司自己生意自己救，何需外人插手？
客觀講，新城走到今日咁既地步，有外在因 ...
2A/82、18/720呢兩單，想upgrade班客，結果upgrade不成，連原本個幾蚊都收唔返
FBI2 發表於 2022-3-15 08:51
E21A早繁拆線係應該，但全日或半日拆線就有問題。
佢唔好再喺度加兜就得，遲啲仲要入裕雅苑嘅話淨係行東涌北嗰段已經等如以前E21A行晒成個東涌嘅時間
反正E21無客不如將E21兜埋入逸東而不入客運大樓，E21A東涌北後改去機場取代S56咪算
新E21B服務範圍咁細，我驚佢開60分鐘一班倒走晒啲客添