cmho1010 發表於 2022-4-13 16:18
由旺角出發去九龍東，其實冇乜人會揀向南行經油麻地加士居道，主要係觀感問題。咁行要響彌敦道食燈，一共十 ...
論觀感旺角道塞車仲恐怖
旺角去加士居道要廿分鐘係行路時間唔係搭車時間
cmho1010 發表於 2022-4-13 16:18
由旺角出發去九龍東，其實冇乜人會揀向南行經油麻地加士居道，主要係觀感問題。咁行要響彌敦道食燈，一共十 ...
其實好睇你邊度上車，如果係 9 95 呢啲，彌敦道北行之後兜一大圈去西洋菜南街，就多數時間都唔會快得過彌敦道南行經加士居道走
相反 93K 旺角站上車好少二十分鐘都未到加士居道，一般十分鐘都過咗油麻地
有陣時旺角道塞車，98C 十分鐘都係啱啱去到嘉道理道，當然多數情況十分鐘都已經去到醫管局
所以 795X 旺角返將軍澳，時間上快唔過 796C，多數只係打和，而西行就更加唔使講
795X 係就係做埋油麻地，但屎水改慢 796C 趕人去貴價 795X 搶錢就有問題
但去到 16X 情況又唔同，九巴冇搞慢條 16，充其量都係減班
而且 16 本身唔單止唔到油麻地，而且係連太子都唔到，如果 16X 改做太子、旺角、油麻地逆時針循環，效益會更高
當然，一般嚟講東九人同van仔都醒目
而且都習慣行去菜街、旺角道搭車避走旺角黑洞塞車
而講循環線班次唔穩定，其實唔見得旺柏同佐敦開出黎嘅車，塞完旺角道/佐敦道之後班次會好穩定
唔塞車嘅時候，藍田開出黎都可以班次穩定
本帖最後由 cmho1010 於 2022-4-14 22:33 編輯
10598C 發表於 2022-4-14 22:04
其實好睇你邊度上車，如果係 9 95 呢啲，彌敦道北行之後兜一大圈去西洋菜南街，就多數時間都唔會快得過彌 ...
其實9, 95呢啲，我識得嘅熟客係會直接行去先達等，因為分分鐘搭到miss咗嗰班車，而且菜街/先達已經過咗旺角最塞嘅位，感覺會好過上車陪塞。
至於時間，我其實同意係差唔多，不過食燈係好影響個觀感。但我都同意太子同油麻地都係一個可以開發嘅市場。
另外，條線同堆啟隧線做埋轉乘，可以打埋將軍澳呢個冇紅小市場，都有得諗。
cmho1010 發表於 2022-4-14 22:19
其實9, 95呢啲，我識得嘅熟客係會直接行去先達等，因為分分鐘搭到miss咗嗰班車，而且菜街/先達已經過咗旺 ...
多數情況係雅蘭出黎見到送 9 203E 95 車尾，慢慢過馬路去先達係一定追到
當然，如果出到巴士站部巴士未到，就當然上左車坐先，好過食廢氣