AtrHenu 發表於 2025-2-13 08:27
特工兄,即暗示所有沙田M仔學華潤U購一樣係毫無先兆下會死亡??
而家得番80m, 84m, 85m，前2者預左瓜，後者好難瓜。
本帖最後由 DIH 於 2025-2-13 10:00 編輯
XZ4201 發表於 2025-2-12 23:10
如果將慈沙任務交俾82x/85m做會唔會比較好
我唔明點解成日有人想開慈沙線，連鑽石山都頹，上慈雲山做乜？作為鑽石山居民，我自己除拜山同當年讀中學之外都搵唔到理由上慈雲山。
慈雲山係純住宅區，無吸引人的大型商場或景點，除返放學／工之外冇乜跨區流動（消遣通常去旺角觀塘），調轉亦唔覺好多慈雲山人要去沙田，如果有肉食一早有人開線啦。入沙田轉東鐵個市場，而家有屯馬都已經唔同玩法。
若286M未取消，拉佢上蒲崗村道兜個圈試水溫未嘗不可；但線都執埋就無謂搵另一條行之有效嘅線去改。
我諗九記睇八仔條數都知客量分布係點，可能「沙田線轉車上慈雲山」真係有人搭，但沙田嗰邊係分散好多條線，好難用一條線串連晒，就算有客都只係兩味單向線級數。我認同#1265板友所講，大老山線加3D/3M轉乘已經夠。
若不考慮資源及現有路線，慈雲山＋黃大仙＋大圍＋沙中可能會養到一條線，但就會連鎖掃冧晒80/89/89B。而家呢堆線落觀塘，至少有一批唔想行嘅流水客捧下場，而且觀塘出到嘅客點都多過慈雲山，因為背後又再加埋觀塘山及將軍澳轉乘。
LAK2 發表於 2025-2-13 08:53
學48X整個橫頭墈分段得啦
何來上游downgrade
咁就輪到下游（黃大仙/ 鳳德/ 鑽石山）downgrade？
DIH 發表於 2025-2-13 09:42
我唔明點解成日有人想開慈沙線，連鑽石山都頹，上慈雲山做乜？作為鑽石山居民，我自己除拜山同當年讀中學 ...
秀茂坪/ 安達臣同藍田山有88/ 88X，轉山下沙田線應該跌到近乎零
連協和街都有89/ 89X，真空嘅得番樂華/ 功樂道
將軍澳就得康城、尚德同康翠會有機轉九巴
其他一係坐鐵（如調景嶺/ 將軍澳），一係坐798（坑寶）
不過仲轉車嘅，吸引力其實都跌緊
因為兩程車都拉疏哂
隨時比以前用多十幾廿分鐘先去到
（都未計依家沙田其實冇乜好行）
本帖最後由 DIH 於 2025-2-13 10:09 編輯
JX9097 發表於 2025-2-13 09:55
秀茂坪/ 安達臣同藍田山有88/ 88X，轉山下沙田線應該跌到近乎零
連協和街都有89/ 89X，真空嘅得番樂華/...
我有老人親戚住馬鞍山，偶爾會去坑口或寶琳，佢以前會由坑口搭地鐵到鑽石山轉85M，而家有屯馬都費事出地面等巴士。我自己一家去沙中而家都係搭屯馬多過89，所以條屯馬真係對沙田巴士好大殺傷力，基本上只得整合資源減班合併一途，想搵錢都係靠A/B線啦。;P
DIH 發表於 2025-2-13 10:05
我有老人親戚住馬鞍山，偶爾會去坑口或寶琳，佢以前會由坑口搭地鐵到鑽石山轉85M，而家有屯馬都費事出地面 ...
坐得鐵而又有直通的話99%都唔會半路上番地面
因為車費會貴咗，時間又未必慳到
咁不如繼續碌鐵好過
鑽石山對正屯馬
入沙田都唔使諗
（而且舊客群去龍翔道西行都要入黨鐵站
咁梗係直接吸走埋🙊）
JX9097 發表於 2025-2-13 09:49
咁就輪到下游（黃大仙/ 鳳德/ 鑽石山）downgrade？
同價的「分段」
限死橫頭墈至鑽石山上75X
大老山轉82X(+其他有需要路線如89C)先回贈
技術上無難度
JX9097 發表於 2025-2-13 09:55
秀茂坪/ 安達臣同藍田山有88/ 88X，轉山下沙田線應該跌到近乎零
連協和街都有89/ 89X，真空嘅得番樂華/...
當連沙田市中心都冇乜好行，馬鞍山比沙中更加冇吸引力，俾條馬鞍山線去慈雲山係冇乜用，反正咪一樣要轉車
反而整條慈雲山經鑽石山黃大仙去上水既巴士線仲有用，可以俾慈雲山人駁鐵北上消費，又可以俾北區人有返直車落黃大仙
LAK2 發表於 2025-2-13 10:33
同價的「分段」
限死橫頭墈至鑽石山上75X
大老山轉82X(+其他有需要路線如89C)先回贈
但是九龍方向似乎做唔到呢樣野，最多老隧口整$8.6分段收費（不能便宜過85X）
kingprowm 發表於 2025-2-13 10:38
當連沙田市中心都冇乜好行，馬鞍山比沙中更加冇吸引力，俾條馬鞍山線去慈雲山係冇乜用，反正咪一樣要轉車 ...
調返轉沙田/馬鞍山出東九龍行街買餸客都仲維持到坐巴士，呢批先係非繁主力。