觀塘綫延伸康城工程建議
本帖最後由 MK01 於 2025-6-21 23:54 編輯觀塘綫調景嶺站嘅掉頭隧道雖然去到將軍澳站下層，之後嘅去路畀樁柱擋住，冇辦法再延伸。另一方面，日出康城南面嘅137區開始發展，未來將提供5萬個住宅單位，隨著人口增加，到時必須要將將軍澳綫由康城延伸到137區，但康城支綫嘅班次受到寶琳正綫嘅影響，延伸之後一定會對其中一邊嘅班次有影響。所以，我建議調景嶺站同將軍澳站月台進行擴建，以便觀塘綫由調景嶺延伸到康城同137區。
根據調景嶺站同將軍澳站嘅設計，同埋舊post版友嘅建議，兩站擴建方式如下：
調景嶺站喺翠嶺路地底興建上下兩層側式月台，工程期間需要封閉維景灣畔至景嶺路一段翠嶺路。當月台完成興建後，會興建新路軌接駁新月台（新月台使用路綫同方向同而家近翠嶺路一邊嘅月台相同），然後填平舊月台，填平工程期間會喺舊月台路軌上面搭建臨時橋，類似紅磡站舊月台，方便乘客來往兩邊月台。下圖紅色長方形部分為新月台位置
將軍澳站擴建方法同調景嶺站相似，同樣喺寶邑路地底興建上下兩層月台，但唔同嘅係，因為將軍澳站下層嘅觀塘綫掉頭隧道路畀樁柱擋住，所以寶邑路下層月台需要興建島式月台畀觀塘綫使用，然後興建新路軌接駁康城支綫。由大堂落觀塘綫月台需要先經將軍澳綫月台，再喺擴建部分落觀塘綫月台。工程完成後，同樣興建新路軌接駁新月台，喺填平舊月台期間同樣會搭建臨時橋。下圖藍色長方形部分為新月台位置
由於觀塘綫調景嶺站打後路段係靠右行駛，同將軍澳車廠出入廠行車路綫相反。因此，將軍澳站觀塘綫路段設有側綫，方便有列車出入車廠時以將軍澳站為尾站，然後列車經渡綫掉頭返回黃埔方向月台上客。
當觀塘綫延伸到康城之後，將軍澳綫唔會再受支綫班次影響，可以將全部資源投放到坑口至寶琳，康城同137區亦可以擁有最高班次達兩分鐘嘅地鐵路綫。
當觀塘綫延伸到康城之後，將軍澳綫唔會再受支綫班次影響，可以將全部資源投放到坑口至寶琳
但係終極班次就變咗受寶琳影響:lol
he_01 發表於 2025-6-22 00:59
當觀塘綫延伸到康城之後，將軍澳綫唔會再受支綫班次影響，可以將全部資源投放到坑口至寶琳
唔理點都好，條綫一條過點都好過多多分支，搞到要就嚟就去最後每邊都疏車
1. 黨鐵已經就觀塘線延長「蓋棺」
基本上要使錢嘅都唔使諗
2. 即使「排除萬難」都無用
因為寶琳縮水做單月台之後
不論做將軍澳線定觀塘線嘅唯一總站都唔適合
結論：此po已完 JX9097 發表於 2025-6-22 01:53
1. 黨鐵已經就觀塘線延長「蓋棺」
基本上要使錢嘅都唔使諗
2. 即使「排除萬難」都無用
最衰而家東九龍綫「壽終正寢」，咪係寶琳站應該改建返做地底島式月臺:'( 本帖最後由 petershum0711 於 2025-6-22 05:19 編輯
JX9097 發表於 2025-6-22 01:53
1. 黨鐵已經就觀塘線延長「蓋棺」
基本上要使錢嘅都唔使諗
2. 即使「排除萬難」都無用
1.咁遲早咪將軍澳站拆卸重建騰出空間俾觀塘綫起月台囉，而且遲早過多幾十年將軍澳一帶重建都可以科水:lol 本帖最後由 petershum0711 於 2025-6-22 07:39 編輯
JX9097 發表於 2025-6-22 01:53
1. 黨鐵已經就觀塘線延長「蓋棺」
基本上要使錢嘅都唔使諗
2. 即使「排除萬難」都無用
2.未來可以計畫將寶林站月台地底化嚟起兩個月台，始終得一個月台。機場舊T2都只係用咗十幾年就重建:L 點解唔將問題去F1板？ 吳宗錡 發表於 2025-6-22 02:24
最衰而家東九龍綫「壽終正寢」，咪係寶琳站應該改建返做地底島式月臺 ...
寶林縮口做單月台關東九龍綫咩事......黨鐵只係好單純咁想慳錢（無記錯係2億）
咁你話佢會唔會「大費周章」拆咗個寶林站再起？
同埋一拆，寶林同坑口齊齊無鐵
以今時今日兩間巴士公司嘅服務去頂？
開玩笑了吧......🤡
petershum0711 發表於 2025-6-22 05:17
2.未來可以計畫將寶林站月台地底化嚟起兩個月台，始終得一個月台。機場舊T2都只係用咗十幾年就重建 ...
諗你都唔使諗
黨鐵當年慳得錢而縮水
今日更加唔會使呢嚿錢