brianso198 發表於 2016-4-30 11:38
地區人士可以做既係施加壓力，但連呢步都無做可以講啲乜？
區議員一個月收幾萬蚊如果可以連聲都唔出，
到 ...
點樣比壓力？議會本身又係絕對公平？
不妨回帶，當年2013 RDP，東區交運會有咩工作目標
我記得有
118不經北角
606拆特快
呢d item變左做政績工程，真係施加壓力就有用？條110又比人綁埋落118度
之後又係開口中，地區人士列出既野，份RDP出左唔少
望下第三條跑道，社會有好多聲音話唔應該起，但官方話明係政策
結果都係批左過千億去興建
不如你話，110唔應該連同118一齊做重組算，全世界搭102/106，可能仲好，有得102/106去死
之後110屈耀東太古放棄條線，變身成電車路特快過海服務
你唔覺新創建近年做重組，好多路線重組完，係無空間再改咩？
好似25，25A、26、85、城巴19，都無得再點改，110當年唔改都可以搵辦法陰乾，依家咁改，又係企左係度
仲有，坐低傾有用？署方近年態度係，偏幫巴士公司，有好多合理訴求，巴士公司/署方都無回應到
如果仲係度一廂情願希望巴士公司比D甜頭你，根本不切實際
係其他主題我都有講，想新創建做好D，得，換管理層囉
本帖最後由 brianso198 於 2016-4-30 20:05 編輯
kay 發表於 2016-4-30 16:49
點樣比壓力？議會本身又係絕對公平？
不妨回帶，當年2013 RDP，東區交運會有咩工作目標
果句，
北角當年有無出過一句聲？
畀人滅聲一件事但如果唔出聲既話無人幫到佢。
呢個世界係唔公平但議員作為民意代表點解唔係開會時傾？
議員作為民意代表竟然可以無左件事而閣下講到議員無責任？
如果議員無責任請問選佢出嚟做乜？浪費納稅人金錢？
110呢啲線擺電車路行班次無變過根本不足以令電車路班人回流一樣解決唔到問題 。
咁請問河蟹耀東太古城有乜用？
河蟹完之後更加通過唔到又點算？110呢啲你做下面畀102/106啲頻密班次浸死哂快都無用。
運輸署巴士公司負全責呢啲評論係110/118重組上嚟講我極不同意。
議員係做呢啲工作會議前一定會同巴士公司傾，
咁請問北角班議員做過啲乜務求令對自己影響減至最低？
由頭到尾我無針對過鰂魚涌因為事實上佢地係有出過聲，
只不過補償措施做得唔夠好而已，
但唔見得北角有做過嘢。
無既話除左巴士公司之外北角堆區議員太遲介入甚至路線重組後介入一樣要負責任，
因為你無出聲/太遲出聲導致今日結局。
巴士公司路線重組失誤一件事，但議員有無阻止巴士公司亂改路線？
18X個個做哂投票機器，
結果頭兩日一數出哂事所有人即時唔敢出聲。
brianso198 發表於 2016-4-30 17:34
果句，
北角當年有無出過一句聲？
畀人滅聲一件事但如果唔出聲既話無人幫到佢。
區議員點阻止？
你唔好唔記得23A/25C係市民反對下堅持取消
我都唔明
政府做錯野，點都要將責任推落一班無實權，無勢之人
由運輸署簽字批重組呢一刻，佢就要承擔晒所有問題啦
依家又唔係有人拎住枝槍迫你簽
呢個政府大家再係咁維護同包庇，最終受害既都係自己
本帖最後由 brianso198 於 2016-5-1 13:30 編輯
kay 發表於 2016-5-1 09:48
區議員點阻止？
你唔好唔記得23A/25C係市民反對下堅持取消
25A/25C單野議員係有出聲但110/118單野有無出聲?只係呢點已經有好大分別,
咁請問拎23A/25A/25C單野出黎講有乜用?
根本個情況係好唔同...
我由頭到尾想帶出一點,
「北角班區議員有無做野?」
佢係有做野但太遲介入已經去到要做重組既階段先出聲...
呢單有爭議既事應該第一次開會就要出聲要求再傾過而唔係去到最後關頭知道大獲先急急補救。
你呢個講法只係將議員無做野合理化,
即係議員唔出聲就當巴士公司錯,
請問呢個講法合理嗎?
議員一個月收幾萬蚊人士，佢係代表區內居民的。
有做野最後用行政指令KO無辦法咪罵巴士公司運輸署唔聽民意,
但如果連野都無做最後關頭先識出聲(好似110/118重組時北角堆議員)咁可以怨邊個?
怨巴士公司唔去怨自己個區議員無保護好自己利益咁一個月收幾萬蚊咪好易收?
我同意巴士公司運輸署無遠見,但區議員自己唔做野可以唔洗負責任?
brianso198 發表於 2016-5-1 10:43
25A/25C單野議員係有出聲但110/118單野有無出聲?只係呢點已經有好大分別,
咁請問拎23A/25A/25C單野出黎講 ...
所以身為炮台山區選民下次堅決吾會投比現任果位
本帖最後由 cx734 於 2016-5-1 11:49 編輯
cruisesnet 發表於 2016-5-1 11:35
所以身為炮台山區選民下次堅決吾會投比現任果位
人地兩屆自動當選,
就算3年後有人出來選,
你估紅色機構無票咩?
唔計紅色機構,住得果頭都有樓有車,
仲需要巴士阻住佢泊街?
kay 發表於 2016-5-1 09:48
區議員點阻止？
你唔好唔記得23A/25C係市民反對下堅持取消
望見你呢種為反而反，盲目反政府的人，我一定要力斥你以下的歪論。:lol
區議員點阻止？
區議員從來都係要配合政府施政，係地區層面得以運作暢順，
巴士路線重組就例好例子，梁振英早年施政報告就係重點提及要重組路線，你唔配合走去反對阻止就係你失職，
建制派就係要緊跟政府立場，無得揀，你要壞政府大事唔該退出建制派，唔好打著建制派牌頭呃飯食。
寶馬山路線客量低，要整合，有咩問題? 係咪一條都不能少先得?
你唔好唔記得23A/25C係市民反對下堅持取消
東區區議會班建制派甚至想開埋緊急會議質詢，不滿署方行政指令添，結果點啊? 流會囉，係啊我無講錯，
會議因為唔夠人流會呀，你唔信搵番舊文就知。
咁咪好囉，大家配合、合作，運吉又好做巴士公司又好做，行政效率得以提升，
對成個香港都好添。
我都唔明
政府做錯野，點都要將責任推落一班無實權，無勢之人
由運輸署簽字批重組呢一刻，佢就要承擔晒所有問題啦
依家又唔係有人拎住枝槍迫你簽
呢個政府大家再係咁維護同包庇，最終受害既都係自己
首先，政府係永遠都唔會錯，錯的只係你班刁民攪攪震，
政府推重組令更多人受惠，結果你地班人不分是非盲目反對，一係延遲一係做都無得做，
袋住先都唔得，議會攪民主霸權當正自已係土皇帝，呢D 事仲發生得少咩?
第二，運吉做足程序諮詢你已經比面你，它從來可以做最終決定，
唔係你呢種劣質刁民，所以唔好再攪錯，區議會只係伙計，運吉先係老闆，
一個伙計公然申斥老闆，你諗下你份工保唔保得住?
無實權、無勢? 荒謬! 南區區議會先通過左個動議，連傾RPP 都唔傾呀，
沙田區議會唔比83X/89D 重組，249X 全日呀，點解釋啊?
減班縮線唔比，加車唔比，全日唔比，駛唔駛比埋運吉個位你班議員做啊?
brianso198 發表於 2016-5-1 10:43
25A/25C單野議員係有出聲但110/118單野有無出聲?只係呢點已經有好大分別,
咁請問拎23A/25A/25C單野出黎講 ...
北角議員深明大義，肯作配合，理應大大加獎比佢地，
如果沙田區班建制派肯咁配合，83X同89D 一早重組成功了。:lol
cruisesnet 發表於 2016-5-1 11:35
所以身為炮台山區選民下次堅決吾會投比現任果位
許清安深明大義，配合重組，係110同118 重組上多作配合，應記一功，
炮台山選民下次一定要投佢。
siusiupeople 發表於 2016-5-1 14:36
北角議員深明大義，肯作配合，理應大大加獎比佢地，
如果沙田區班建制派肯咁配合，83X同89D 一早重組成功 ...
請解釋點解後來有位雙料議員要同巴士公司傾反對?