44同238X行同一段高速出九龍，點解44從來無被官方宣稱係特快線？

HE7921 發表於 2021-2-6 21:20
89X個X個for第一城往來彩虹至觀塘一帶(當年89A要繞經富豪花園、沙角、紅梅谷、獅隧及黃大仙) ...

行大老山隧道就特快, 普通巴士路線由沙田出市區只可行大埔公路(71/72)或獅子山隧道(70);

所謂非特快係好似變到紅色小巴咁, 唔可以行由特快概念(吐露港公路/荃灣路)出現後落成既道路

shakugan2005 發表於 2021-2-6 22:18
50由青山公路提升到68行屯門公路都唔夠68X行荃灣路快, 咁就知荃灣路真係快到識飛, 而且就係因為荃灣路先有 ...

係，所以30X經荃灣路名義上絕對係「特快線」，只係區內悠長既走線，輸番曬快到既時間，令其不夠快而儲唔到客。

屯元X線那些年係好正。細個搭68X，路線新開無耐，好多客在碼頭總站和廟街附近果個站，去到油麻地(經上海街)已接近坐滿，當時68X貴68一級，旺角打後D客個個等下班或下下班都唔上68，記得好多時68去到大窩口仍有位坐(收緊佐敦價)。一到屯門市廣場，68X就落左1/4到1/3乘客。

係有一次68X出勝利二型，後面跟住68係平治，就罕有地搭後者。

paul2357paul 發表於 2021-2-6 21:57
44按現時里數可以收盡$8.4，
拉長多少少可以收盡$9.4。
而41A係穩陣地可以收盡$9.4，

41A由慢碌長沙灣道，提升服務到直出太子/旺角時，即時「上浮」一級價錢，由七個幾去到八個九，並取消(罕有的)旺角往青衣的特平分段。

arfung 發表於 2021-2-6 22:44
41A由慢碌長沙灣道，提升服務到直出太子/旺角時，即時「上浮」一級價錢，由七個幾去到八個九，並取消(罕 ...

41A以前係深水埗碼頭, 咁點解個分段SET左係旺角而唔係SET係深水埗? 同樣由深水埗碼頭延長過去既35A個分段就SET左係過深水埗碼頭(欽州街)

shakugan2005 發表於 2021-2-6 22:56
41A以前係深水埗碼頭, 咁點解個分段SET左係旺角而唔係SET係深水埗? 同樣由深水埗碼頭延長過去既35A個分段 ...

以荃葵青南九龍線來說，熱狗年代：
32/36B/42A/44旺角全票，美孚分段一次。33A旺角全票，深水埔分段一次
35A尖沙咀全票，深水埔分段一次
舊41A尖沙咀全票，旺角分段一次，美孚再分段一次。

如是者：
旺角計：32/33A/36B/41A/42A/44同價，35A尖沙咀價

深水埔計：33A/35A較便宜，其他跟旺角價
美孚計：全部分段睇齊


估計41A延長時，主要為和44睇齊。

44經荃灣路但收普通價，但荃灣X線經相同路段就收特費價就有問題。要講其實連所有屯門X收費都有問題。因為59A、68A、所有M線、取消前60、66、68係行屯公但冇收特快價(注60、66、68係經大窩口唔行荃灣路)，行屯門公路唔算係經特快路段，連同41及44經荃灣路冇收特快價，所有屯公X要減價。 另外自從有普通收費嘅43C經西九龍走廊後， 行西廊X其實可以減價用返普通收費。要數有排可以數，但九巴肯定唔肯減。35X用普通道路呈祥道出九龍應該收返普通價。而家定立特快路段同特快線標準係任巴士公司噏。

arfung 發表於 2021-2-6 22:35
係，所以30X經荃灣路名義上絕對係「特快線」，只係區內悠長既走線，輸番曬快到既時間，令其不夠快而儲唔 ...

30X和230X絕對係串爆王，
因為有心跟足里數收盡既話係可以去到$10.5，
234X，238X系列都有過之而無不及。

而家特快再特快，就在前面加X，或者後面加E

AD118 發表於 2021-2-7 00:01
44經荃灣路但收普通價，但荃灣X線經相同路段就收特費價就有問題。要講其實連所有屯門X收費都有問題。因為68 ...

屯門堆X線九公緊係唔肯再減。因為條條老早理論上已經可以收盡$13.5，去到近年已經可以收盡$14.8。
而最頂癮既63X因其里數超過35公里，
九公理論上已經可以收盡$16.5，$17.7至$18.4。
呢D極品價位到頭來九公都驚屯門人接受唔到而唔敢來真試，結果63X九公只敢跟里數稍短的268X般的里數收盡收費。

我都好想知40X 46X 47X 點樣“特快”